Números 17:13 - Qheshwa Biblia DC

¹³ Tukuy runas Dioswan parlana toldoman qayllajkuna wañunku. Tukuyniykuchu wañurasqayku imatajri?, nispa.

DIOSPA QHELQACHISQAN DEUTEROCANONICAL

¹³ 13 (28) Tata Dioswan Tinkukuna Toldoman tukuy qayllajkunaqa wañunku. Ajinaqa tukuyniykuchu wañusqayku? nispa.

DIOSPA QHELQACHISQ

¹³ 13 (28) Tata Dioswan Tinkukuna Toldoman tukuy qayllajkunaqa wañunku. Ajinaqa tukuyniykuchu wañusqayku? nispa.

Números 17:13 Referans Kwoze

Efesios 2:13

Kunanqa Cristo Jesuspi kashankichej, pikunachus ñaupajta karunchasqas karqankichej. Paypa yawarninraykutaj qayllachisqasña kankichej, imaraykuchus Cristomin sonqo tiyakuyniykichej. Chantá, gentilesmanta, judiosmantawan uj ayllullata ruwarqa, chay t'aqanachej chaupi perqata urmachispa.

Hechos 5:5

Ananiastaj kay palabrasta uyariytawan urmarqa, wañorqataj. Chayta yachajkunataj maytapuni mancharikorqanku.

Isaías 28:22

Kunanqa ama alqochakuychejñachu ari. Pajtataj chay imawanchus watasqas kashankichej chay astawan mat'iykusunkichejman. Noqaqa uyarini Tukuy Atiyniyoj Señorqa kay tukuy llajtata chinkachinanta.

Salmos 90:7

Cheqamanta phiñakuyniykeqa wañunayachiwayku, t'ukushajtataj saqewayku.

1 Crónicas 15:13

Ñaupaj kutipi qankuna chayta mana ruwasqaykichejrayku noqanchejmanta ujninchejta Señor wañurparicherqa, Señorta mana tapurispalla, nisqanta mana junt'asqanchejrayku.

Deuteronomio 2:16

Maypachachus maqanakupaj ajllasqa runasqa manaña karqankuchu chaypacha, Señorqa wajyawaspa niwarqa: Kunampacha moabitaspa jallp'asninkoj mojonninta chimpanki, chayankitaj Ar nisqa jallp'akama.

Números 32:13

Chaymanta Señorqa manchayta phiñakorqa, israelitasta ch'in pampaspi puricherqa tawa chunka watasta, tukuy rimajkuna wañuranankukama. Señorpa ñaupaqempi mana allinta ruwasqankurayku.

Números 16:26

Runasmantaj nerqa: Kay sajra runaspa jarasninmanta t'aqakuychej, ama imasninkutapis llankhankichejchu, ama qankunapis paykunaj juchankurayku wañunaykichejpaj.

Génesis 3:3

Huerta chaupipi kaj sach'allamanta Diosqa niwayku amapuni mikhunaykuta, ni llujchirinallaykutapis. Chaymanta mikhunkichej chayqa, wañunkichej, niwayku.

Números 18:1

Señorqa Aaronman nerqa: Qan, wawasniyki ima, Leví ayllumanta kajkunapiwan, cuentayoj kankichej Diospa tiyakunampa contranta juchallejkunamanta. Qanwan, wawasnillaykiwan cuentayoj kankichej sacerdote kashaspa juchallikusqaykichejmanta.

2 Samuel 24:25

Chaypitaj Davidqa, Señorpaj uj altarta jataricherqa, chaypi uywasta q'olachispa jaywarqa, jinataj allinyakunapaj nisqa ñak'asqa uywastapis. Chaypacha Señorqa uyarerqa aylloj mañakusqasninkuta, chay onqoytaj Israel ayllu ukhumanta chinkaporqa.