Números 15:24 - Qheshwa Biblia DC

²⁴ Tukuynin israelitaspis mana yachaspalla juchallinkuman chayqa, tukuyninku apamuwachunku uj novillota sumaj q'apashaj rikuchikuta noqapaj ruphachinankupaj, ch'aki mikhuy rikuchikusta, vinotawan khuska, imaynatachus kamachisqa kasqanman jina. Juchaj cuentanmanta apamullawankichejtaj uj chivota ruphachinapaj.

DIOSPA QHELQACHISQAN DEUTEROCANONICAL

²⁴ sitajchus tukuy israelitakuna mana yuyasqallamanta juchallikuwajchej chayqa, noqaj kamachisqayman jina, uj torillota jaywawankichej, q'olachispa ima munayta q'apashaj jaywanata jina. Chaytawan khuska ch'aki mikhuy jaywanata, vinotawan ima jaywawankichej. Chay jawa, jucha pampachasqa kananpaj, uj chivotawan jaywallawankichejtaj.

DIOSPA QHELQACHISQ

²⁴ sitajchus tukuy israelitakuna mana yuyasqallamanta juchallikuwajchej chayqa, noqaj kamachisqayman jina, uj torillota jaywawankichej, q'olachispa ima munayta q'apashaj jaywanata jina. Chaytawan khuska ch'aki mikhuy jaywanata, vinotawan ima jaywawankichej. Chay jawa, jucha pampachasqa kananpaj, uj chivotawan jaywallawankichejtaj.

Números 15:24 Referans Kwoze

Levítico 4:23

Reparakuytawan juchayoj kasqanta, apamuchun juchampa cuentanmanta uj chivota sumajnin kajta, mana iman imanasqata.

Números 28:15

Sapa p'unchay jaywana kajta Señormanqa jaywallankichejtaj, uj cabra chivotawan juchasniykichejpa cuentanmanta ruphachisqa kanampaj vino jaywanatawan khuska.

Esdras 8:35

Chay qhepata presochasqamanta kutirimojkuna tukuynin israelitaspa sutimpi qorqanku, chunka iskayniyoj waka uñasta, isq'on chunka sojtayoj carnerosta, qanchis chunka qanchisniyoj corderostawan Israelpa Diosnimpaj q'olachinankupaj. Chunka iskayniyoj chivosta juchaj cuentanmanta jaywarqanku. Tukuyninta q'olacherqanku Señorta jatumpaj qhawaspa.

Esdras 6:17

Chaypacha jaywarqanku Diosman, pachaj torillosta, iskay pachaj carnerosta, tawa pachaj malto corderostataj. Chantapis chunka iskayniyoj chivosta jaywallarqankutaj, tukuynin israelitaspa juchasninkumanta, mashkha aylluchus kasqankuman jina.

Levítico 4:22

Sichus mayqen kuraj kaj runa juchallikunman chayqa, Señor Diosnimpa, mayqen nisqasnimpa contranta ruwaspa juchallisqa kanqa, mana yachashaspalla ruwaspapis.

Levítico 5:18

Chayrayku apamunan tiyan ovejasninmanta uj sumajnin kaj mana imanasqa corderota. Chay juchanmanta cuentata qonqa. Chaypa valornintataj churanki; chaytataj sacerdoteman apanqa juchampa cuentanamanta rikuchikuta. Ajinamanta chay runaqa perdonta tarenqa juchasninmanta mana reparakusqanmanta. Chay juchantaj pampachasqa kanqa.

Números 15:26

Noqa tukuynin israelitasta perdonasaj, jinallataj paykunawan tiyakoj karu llajtayojkunatapis, mana yachashaspalla juchallikusqankurayku.

Levítico 23:19

Juchasmanta rikuchikuta jaywanapajqa uj chivota apamunkichej, allinyakuy rikuchikuta jaywanapajtaj iskay corderosta uj watayojtakama apamunkichej.