Números 14:6 - Qheshwa Biblia DC

⁶ Numpa wawan Josuewan, Jefunej wawan Calebwantaj, maykunachus jallp'ata qhawaj rerqanku chaykuna, p'achasninkuta llik'ikorqanku.

DIOSPA QHELQACHISQAN DEUTEROCANONICAL

⁶ Nunpata churin Josué, Yefunej churin Calebwan imataj llakikusqankuta rejsichispa, p'achankuta llik'irakorqanku. Paykunaqa jallp'ata qhawaj rejkunawan khuska rerqanku.

DIOSPA QHELQACHISQ

⁶ Nunpata churin Josué, Yefunej churin Calebwan imataj llakikusqankuta rejsichispa, p'achankuta llik'irakorqanku. Paykunaqa jallp'ata qhawaj rejkunawan khuska rerqanku.

Números 14:6 Referans Kwoze

Números 14:30

Makiyta oqharispa qosqaykichej nerqani chay jallp'amanqa mana yaykunkichejchu. Chaymanqa Jefonej wawan Calebwan, Numpa wawan Josuellawan yaykonqanku.

Números 13:30

Calebtaj Moisespa contrampi oqharikojkunata ch'inyacherqa, nerqataj: Noqanchejqa kunampacha rispa chay jallp'ata jap'ikampunanchej tiyan! Noqanchej aswan atiyniyoj kanchej paykunamanta nisqaqa!

Números 14:38

Chay qhawamojkunamanta Jefonej wawan Calebwan, Numpa wawan Josuellawan kausashaj qhepakorqanku.

Génesis 37:34

Chaymanta Jacobqa p'achasninta llik'ikorqa, jinaspataj lutota churakorqa unayta, wawan chinkapusqanmanta.

Génesis 37:29

Rubentaj kutimuspa pujyuta qhawaykuytawan mana tarerqachu Josetaqa, llakiywantaj p'achasninta llik'ikorqa llakisqa kasqanta rikuchinampaj.

San Mateo 26:65

Jatun sacerdotetaj, p'achasninta llik'irakuspa, nerqa: Kay runaqa Diospa contranta riman. Imapajñataj testigosta munanchejri? Kunampacha uyarishankichej, Diospa contrampi rimasqanta.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

2 Reyes 18:37

Chantataj Hilciaspa wawan reypa mayordomon Eliaquim, qelqerin Sebnawan, reypa yanapajnin Joaspiwan p'achasninkuta llik'ikuspa rey Ezequiaspaman jamorqanku, Asiriamanta kuraj kamachejpa nisqanta reyman willarqanku.

2 Samuel 3:31

Chaymantaqa David kamacherqa Joabta, paywan kaj runasninta ima: P'achasniykichejta llik'iychej, qhashqa p'achastataj churakuychej, waqaychejtaj, Abner wañusqanmanta, nispa. Rey Davidtaj aya cajompa qhepanta rerqa.

Jueces 11:35

Ajinaqa payta rikuytawankama p'achanta llik'ikorqa may llakikuywantaj kay jinata nerqa: Ay, wawáy, may chhika llakiyta apamuwanki! Qannejta may llakiypi rikhurisaj! Uj promesata Señorman ruwarqani kunantaj junt'anay tiyan.

Josué 7:6

Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

Números 14:24

Manachayqa kamachiy Caleblla waj laya sonqoyoj, kamachisqasniytapis allinta kasuwasqanrayku. Chayrayku chay jallp'ata payman rikuchisaj, miraynimpis chay jallp'ata jap'ikaponqanku.

Génesis 44:13

Paykunataj tukuyninku p'achasninkuta llakiywan llik'irakorqanku. Jinaytawantaj sapa ujninku burrosninkuman chajnaykuytawan llajtaman kutirerqanku.

Marcos 14:63

Chaypacha jatun sacerdoteqa, p'achasninta llik'irakuspa nerqa: Imapajñataj munanchej testigosta?

Hechos 14:14

Pablowan, Bernabewan uyarispa imatachus ruwayta munasqankuta, p'achasninkuta llik'irakuspa runaj chaupinman qhaparispa yaykorqanku, nerqankutaj: Wiraqochis, imaraykutaj kaykunata ruwashankichejri? Noqaykoqa runaslla kayku, qankuna jina. Chayrayku qankunaman willaj jamuyku, kay qhasi mana kajkunata saqespa, kausashaj Diosman kutirinaykichej paj. Diosqa janaj pachata, kay pachata, qochata ruwarqa, chaykunapi tukuy ima kajkunatapis.

Números 14:5

Chaymantataj Moiseswan Aaronwan qonqorikorqanku pampaman umankuta chayachispa, tukuy israelitaspa ñaupaqempi.

Números 14:7

Tukuynin israelitasmantaj nerqanku: Qhawamorqayku chay jallp'aqa may sumajpuni.

Josué 14:6

Judáj ayllunmanta kajkuna Gilgalman rerqanku Josuewan parlaj; chayaspataj cenezeo Jefonej wawan Calebqa Josueman nerqa: Qan yachanki allinta imatachus Señorqa kamachin Moisesman nisqanta Cades-barneapi qanmanta noqamantawan.

1 Crónicas 7:27

Elisamaj wawantaj Nun, paypatataj Josué.