Números 14:3 - Qheshwa Biblia DC

³ Imapajtaj Señorqa kayman pusamuwarqanchejri? Maqanakupi wañunanchejpajchu? Warmisninchej, wawasninchej ima enemigosninchejpa makisninman presos urmanankupajchu? Chaypajqa allin kanman Egiptoman kutipunanchej.

DIOSPA QHELQACHISQAN DEUTEROCANONICAL

³ Imapajtaj Tata Dios kayman pusamuwarqanchejri? Maqanakupi wañunanchejpajchu? Warminchejkunata, wawanchejkunata ima awqanchejkuna jap'inankupajchu? Aswan allin kanman Egiptoman kutipunanchej, nispa.

DIOSPA QHELQACHISQ

³ Imapajtaj Tata Dios kayman pusamuwarqanchejri? Maqanakupi wañunanchejpajchu? Warminchejkunata, wawanchejkunata ima awqanchejkuna jap'inankupajchu? Aswan allin kanman Egiptoman kutipunanchej, nispa.

Números 14:3 Referans Kwoze

Jeremías 9:3

Imatapis llullakuspa nirinapajqa churasqas kanku, imaynatachus flechasmanta wach'inasta kacharinku ajinata. Kay jallp'apeqa llullakuylla junt'a kashan, manataj cheqa kajqa kanchu, jinamanta astawan astawan mana allin kayman rishanku. Mana rejsiyta munawankuchu, nispa kikin Señor nin.

Salmos 78:40

Mashkha kutista Diospa contrampi sayaykorqanku. Ch'in pampapitaj payta phiñacherqanku.

Hechos 7:39

Tatasninchejtaj Moisesta mana kasuyta munarqankuchu, qhesacharqankutaj sonqosninkupi Egiptoman kutiripuyta munaspa.

Éxodo 5:21

Paykunamantaj nerqanku: Señorqa rikuchun qankunaj ruwasqaykichejta, cheqanchachuntaj. Qankuna juchayoj kankichej faraón tukuy kamachisnin ima astawan noqanchejta chejninakunawanchejpaj. Qankuna kikiykichej churankichej espadata makisninman, noqanchejta wañuchinawanchejpaj.

Éxodo 16:3

Ajinata nerqanku: Allin kanman karqa Egiptopi Señorqa wañurachinawayku. Chaypi aycha mankaykoqa ni jayk'aj pisejchu, chantapis t'antata mikhoj kayku sajsakunaykukama. Qankunaqa kay ch'in orqoman pusamuwayku yarqhaymanta wañuchinawaykupaj kay tukuyniykuta.

Números 16:13

Qampajqa pisichu, lechewan misk'iwan correj jallp'amanta orqhomuwasqayku, kay ch'in pampapi wañuchinawaykupaj, chantapis noqaykuta kayman jaqayman munasqaykita pusaykachanawaykupajqa?

Números 20:3

Chaymantataj Moisesman nerqanku: Allin kanman karqa wakin israelitaswan khuska wañunayku, mayqenkunatachus Señor wañuracherqa chaykunawan khuska!

Números 21:5

Chayrayku Diospa contranta, Moisespa contrantawan rimayta qallarerqanku: Imapajtaj Egiptomanta orqhomuwarqayku, kay ch'impi wañurachinawaykupajchu pusamuwarqayku? Kaypi mana mikhuna, nitaj yaku ujyanapaj kanchu. Kay Maná nisqa t'antapis amisqataña amiwayku.

Deuteronomio 1:39

Qankunaqa creerqankichej, enemigosniykichejqa wawasniykichejta mamasnintawan jap'ikapunankuta. Kunanqa chay wawasniykichej manaraj yuyayniyojchu kajkuna yachanankupaj imachus allin, imachus mana allin kasqanta, chay jallp'aman chayanqanku. Noqa paykunaman chay jallp'ata qosaj jap'ikapunankupaj.

Números 11:20

Manachayqa qosqay aychata uj killa junt'ata mikhonqanku amichikunankukama, senqasninkumanta phullchichimunankukama. Paykunaqa noqata qhesachawanku, noqa Señor paykunaj chaupinkupi kashajtiy. Paykunaqa ñaupaqeypi waqanku, ninkutaj: Imapajtaj Egiptomanta llojsimorqanchejri?, nispa.

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Jeremías 42:19

Qankunaman Judá ayllumanta qhepakunkichejraj chaykunaman, Señor kamachisunkichej Egiptoman ama kutinaykichejta. Allinta yachaychej, noqa kunan allinta k'amishaykichej.