Números 14:24 - Qheshwa Biblia DC

²⁴ Manachayqa kamachiy Caleblla waj laya sonqoyoj, kamachisqasniytapis allinta kasuwasqanrayku. Chayrayku chay jallp'ata payman rikuchisaj, miraynimpis chay jallp'ata jap'ikaponqanku.

DIOSPA QHELQACHISQAN DEUTEROCANONICAL

²⁴ Manachayqa kamachiy Caleblla yaykonqa. Payqa mana chay ujkuna jinachu kaspa, kamachisqayta kasuwarqa. Chayrayku payta qhawaj risqan jallp'aman pusaykusaj. Mirayninpis chay jallp'ata jap'enqanku.

DIOSPA QHELQACHISQ

²⁴ Manachayqa kamachiy Caleblla yaykonqa. Payqa mana chay ujkuna jinachu kaspa, kamachisqayta kasuwarqa. Chayrayku payta qhawaj risqan jallp'aman pusaykusaj. Mirayninpis chay jallp'ata jap'enqanku.

Números 14:24 Referans Kwoze

Efesios 6:6

Ama paykunaj qhawaynillankupeqa sirviychejchu, imaynatachus wakenqa runaj rikunallanta ruwanku allin qhawasqa kayta munaspa ajinaqa. Manachayqa Cristoj kamachisnin jina, tukuy sonqowan Diospa munayninta ruwaychej.

Hechos 11:23

Paytaj jaqayman chayaspa rikorqa Dios bendicionninwan yanapasqanta. Chayrayku kusikorqa, paykunatataj umacharqa Señor Jesucristowan tukuy sonqo kakunankuta.

Deuteronomio 1:36

Chaywampis Jefonej wawan Calebqa chay jallp'ata rikonqa. Payman wawasninmanwan maymanchus chakisninku saruykonqa chayta qosaj, tukuy sonqo Señorpa kamachisqasninta kasusqanrayku.

Números 26:65

Imaraykuchus Señorqa Moisesman nerqa: Kaykunaqa tukuyninku ch'in pampapi wañonqanku. Sefonej wawan Calebwan, Numpa wawan Josuellawan mana wañonqankuchu.

Números 13:30

Calebtaj Moisespa contrampi oqharikojkunata ch'inyacherqa, nerqataj: Noqanchejqa kunampacha rispa chay jallp'ata jap'ikampunanchej tiyan! Noqanchej aswan atiyniyoj kanchej paykunamanta nisqaqa!

Colosenses 3:23

Tukuy ima ruwanaykichejta tukuy sonqowan allinta ruwaychej, Señorpaj jina, ama runapaj jinaqa, yachaspa Señormanta aynita jina chayaqeta jap'inaykichejta. Qankunaqa Cristo Señorpa kamachisqanta ruwashankichej.

Salmos 119:80

Kamachisqasniykipaj sonqoy cheqan kachun, ama imamantapis p'enqakunaypaj.

2 Crónicas 25:2

Amasiaspa ruwasqasnenqa cheqan karqanku Señorpa rikuynimpeqa, chaywampis mana tukuy sonqowanchu ruwarqa.

1 Crónicas 29:18

Qanqa ñaupa tatasniykoj Señor Diosnin kanki, Abrahampata, Isaacpata, Israelpatawan. Kay aylluykej sonqonman churaypuni ari, wiñaypaj chay jina k'uchi sonqoyoj kayta, qanmantaj astawan sonqonkuta wajyay.

1 Crónicas 29:9

Tukuy runasqa kusikorqanku chay jina k'acha sonqoyoj kasqankumanta. Chay tukuy imasta Señorman tukuy sonqosninkuwan qosqankurayku rey Davidpis mayta kusikorqa.

Deuteronomio 6:5

Munakuy Señor Diosniykita tukuy sonqoykiwan, tukuy almaykiwan, tukuy kallpaykiwantaj.

Proverbios 23:26

Allintapuni uyariway, wawáy; kausayniyta allinta qhaway.

Salmos 119:145

Señor, tukuy sonqowan qhaparikuyki, uyarillaway ari; kamachisqasniykita junt'ayta munani.

Números 14:30

Makiyta oqharispa qosqaykichej nerqani chay jallp'amanqa mana yaykunkichejchu. Chaymanqa Jefonej wawan Calebwan, Numpa wawan Josuellawan yaykonqanku.