Números 14:10 - Qheshwa Biblia DC

¹⁰ Chayta uyarispataj runasqa paykunata rumiwan ch'anqaykuyta munarqanku. Jina kajtintaj Dioswan tinkukuna toldopi Señorpa k'anchaynin rikhurerqa, tukuy israelitaspa rikunankuta.

DIOSPA QHELQACHISQAN DEUTEROCANONICAL

¹⁰ Chaywanpis israelitakunaqa Josueta Calebtawan ima rumiwan ch'anqaykunankupaj qhawasharqanku. Chantá tukuy israelitakunaj rikunankuta, Dioswan Tinkukuna Toldopi Tata Diospa jatun kayninpa lliphipiynin rikhurerqa.

DIOSPA QHELQACHISQ

¹⁰ Chaywanpis israelitakunaqa Josueta Calebtawan ima rumiwan ch'anqaykunankupaj qhawasharqanku. Chantá tukuy israelitakunaj rikunankuta, Dioswan Tinkukuna Toldopi Tata Diospa jatun kayninpa lliphipiynin rikhurerqa.

Números 14:10 Referans Kwoze

Éxodo 17:4

Jina kajtintaj Moisesqa Señormanta mañakorqa, nispa: Señor, imanasajtaj kay runaswanri? Pisimantawanqa rumiwan ch'anqaspachá wañuchiwanqanku ari.

Levítico 9:23

Chaymantataj Moisesqa Aaronwan Dioswan tinkukuna toldoman yaykorqanku, llojsimuspataj israelitasta bendicerqanku. Chaymanta Señorqa jatun lliphipej k'anchaywan tukuyninkuman rikhurerqa.

Éxodo 16:10

Aarón jinata israelitasman willashajtintaj, paykunaqa ch'in orqonejta qhawarerqanku, Señorpa jatun kaynintaj rikhurimorqapacha uj jatun phuyupi.

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

1 Samuel 30:6

Davidqa sinch'i llakisqa kasharqa, chay runasnin payta rumiswan ch'anqaykuyta munasqankurayku. Tukuyninku wawasninkumanta llakisqas kasqankurayku. Chaywampis Davidqa Señor Diosnimpi atienikorqa.

Números 20:6

Moiseswan Aaronwan paykunamanta ithirispa Dioswan tinkukuna toldo wasi punkuman rerqanku. Chaypitaj, umankuta pampaman chayachinankukama qonqoriykorqanku. Señorpa k'anchaynintaj paykunaj patankuman rikhurimorqapacha.

Números 16:42

Moiseswan Aaronwantaj jinata israelitas muyuyninkuman tantaykamojtinku Dioswan parlana toldonejman thaskirispa qhawarerqanku. Chay kikimpachataj Dioswan tinkukuna toldota phuyu pakaykorqa, Diospa k'anchaynintaj rikhurimorqapacha.

Números 16:19

Chaypaj Coreqa tukuy paywan kajkunawan ñapis tantasqasña karqanku Dioswan parlana toldo punkupi paykunaj contrankupi. Chaymantaj ujllata Señorpa manchay k'anchaynin rikhurimorqa tukuy israelitaspa ñaupaqempi.

Éxodo 16:7

Tutamanta rikunkichej Señorqa may jina jatunchus kasqanta. Pay uyarimusunkichej Señorpa contranta rimasqaykichejta. Noqaykoqa, pistaj kayku contraykuta rimanaykichejpajri?

Hechos 7:59

Chanqashajtinkutaj Estebanqa mañakuspa nerqa: Señor Jesusníy, espirituyta jap'ikapuy, nispa.

Hechos 7:52

Mayqen profetatatajñaupa tatasniykichej, mana qhatiykacharqankuchu ñak'arichinankupaj? Paykuna ñaupajmantapacha, cheqan kaj jamunanta willashajtinku wañuracherqanku. Kunanrí, qankunañataj jap'ichispa payta wañucherqankichej.

Éxodo 40:34

Chaymantataj chay Dioswan tinkukuna toldota phuyuykamorqa, Señorpa jatun kaynintaj chay wasiman junt'aykorqa.

Números 17:7

Moisesqa tukuynin tojnusta Señorpa ñaupaqempi Dioswan tinkukuna toldopi, Diospa leyninwan kasharqa chay cajón chimpaman churarqa.