Números 13:33 - Qheshwa Biblia DC

³³ Rikullaykutaj Anacpa mirayninmanta kajkuna jatuchaj runasta. Noqaykoqa paykunaj qayllankupi langostas jina juch'uysitus kayku, paykunapis juch'uysitusta jina qhawariwayku, nispa.

DIOSPA QHELQACHISQAN DEUTEROCANONICAL

³³ Chaypi jatunkaray runakunata rikullarqaykutaj, paykunaqa Anacpata churinkuna kasqanku. Noqayku paykunaj qayllankupi phinki phinki jina juch'uysitu karqayku. Paykunapis jinallatataj noqaykuta qhawawarqayku, nispa.

DIOSPA QHELQACHISQ

³³ Chaypi jatunkaray runakunata rikullarqaykutaj, paykunaqa Anacpata churinkuna kasqanku. Noqayku paykunaj qayllankupi phinki phinki jina juch'uysitu karqayku. Paykunapis jinallatataj noqaykuta qhawawarqayku, nispa.

Números 13:33 Referans Kwoze

Deuteronomio 1:28

Kunanqa, maymantaj risunri? Llajta masisninchejqa niwanchej, jaqaypi runasqa aswan atiyniyoj, aswan jatuchajtaj noqanchejmantaqa kasqankuta. Willawarqanchejtaj llajtasninkupis jatuchaj kasqankuta; llajtaspi perqasnimpis mar pataman oqharisqas kasqankuta, chaypi rikullasqankutaj Anacpa jatuchaj wawasninta, rikullasqankutaj jatuchaj kuraj runasta.

Isaías 40:22

Payqa kay pachamanta aswan patapi tiyasqa kashan. Chaymanta qhawarimun runasta, t'intis jinallata. Kay toldota cielota jina aysan. Chay toldotaqa runa tiyakunampaj jina qhataykun.

Génesis 6:4

Chaypacha jatuchaj runas rikhurerqanku jallp'a patapi, Diospa wawasnin runaspa ususisninkuwan casarajtinku wawasniyoj kanankupaj. Chay qhepatapis kallarqankupuni. Paykuna karqanku manchay kallpasniyoj, mentasqastaj unay tiempospi.

1 Samuel 17:42

Goliatqa Davidta rikuytawan pisipaj qhawarqa waynallaraj kasqanrayku, chanta pukalu, allin rijch'ayniyojtaj kasqanrayku.

Deuteronomio 9:2

Chaypi tiyakojkunaqa Anacpa wawasnin jatuchaj runas kanku. Chaykunamanta nejta uyarinkichej: Pitaj sayayta atinman anaquitaspa wawasnimpa ñaupaqempiri?, nispa.

Deuteronomio 3:11

Basanmanta rey Ogllaña qhepakorqa tukuynin refaíta runasmanta kaj. Sepulturanqa rumimanta ruwasqs karqa. Chay rumeqa sayt'unman karqa tawa chunka metros, kinrayninmantaj yaqha iskay metros jina. Chay sepulturaqa kunankama kashan amonitaspa llajtan Rabapi.

1 Crónicas 11:23

Wañuchillarqataj uj jatun sayayniyoj egipcio runata. Chay runaqa iskay metro khuskanniyoj jina sayayniyoj karqa, payqa uj lanzawan armasqa purej. Chay lanzanqa awanaj bola k'aspinman rijch'akorqa. Benaiataj uj k'aspiwan maqaj churakorqa, chay lanzanta kacharparicherqa, chay kikin lanzallanwantaj wañurparicherqa.

Deuteronomio 2:10

Ñaupajtaqa chay jallp'aspi emitas tiyakorqanku. Paykunaqa atiyniyoj, ashkhastaj karqanku may jatuchaj, anaquitas jina.

Números 13:22

Chaymanta rerqanku Neguevnejta, Hebronman chayanankukama. Chaypi tiyarqanku Ahiman, Sesaí, talmai ima, paykuna karqanku Anacpa miraynin. Hebronqa ruwasqa karqa Egiptopi Zoanmanta qanchis wata ñaupajta.

Números 13:28

Chaywampis, chaypi tiyakoj runasqa manchay kallpasniyoj kasqanku, llajtasninkupis jatuchaj, perqaswan sumaj jark'achisqastaj. Chantapis rikullaykutaj Anacpa mirayninmanta kajkuna jatuchaj runas kasqankuta.

Números 14:1

Chaymantataj uyariytawan israelitasqa chay tutantin mayta qhaparerqanku, waqarqankutaj.

Josué 11:21

Chaypachallataj Josueqa jamuytawan Hebrón orqopi tiyakoj anaquitaspa llajtasninta t'unaykorqa, chaymantaqa Debir llajtata, Anab llajtata, Judá orqospi tiyajkunata, Israel orqospi kajkunata ima. Ajinata Josueqa runasnintinta, llajtasnintinta chinkaricherqa.

Josué 14:12

Chayrayku kunanqa qoway ari may orqotachus Señor qonawanta nerqa chayta. Chaymantapacha qanqa yachanki chaynejpi anaquitas tiyasqankuta, jatuchaj llajtas sumaj jark'achisqastaj kasqanta. Chaywampis noqaqa yuyani Señor yanapanawanta chay llajtasta chinkachiyta, imaynatachus Señorqa yanapanawanta nisqanman jina.

Josué 15:14

Chay llajtamanta Calebqa Anacpa kinsantin wawasninta qharqorqa, Sesaita, Ahimanta, Talmaita ima.

1 Samuel 17:24

Tukuy israelitasqa chay runata rikuytawan mayta mancharikuspa ayqej kanku ñaupaqenmantaqa.