Números 12:2 - Qheshwa Biblia DC

² Chantaqa nillarqankutaj: Señorqa mana payllawanchu parlarqa, noqanchejwampis parlallarqataj, nispa. Señortaj chayta uyarerqa.

DIOSPA QHELQACHISQAN DEUTEROCANONICAL

² Chantá nillarqankutaj: Tata Diosqa mana payllawanchu parlan. Noqaykuwanpis parlallantaj, nispa. Tata Diostaj chayta uyarerqa.

DIOSPA QHELQACHISQ

² Chantá nillarqankutaj: Tata Diosqa mana payllawanchu parlan. Noqaykuwanpis parlallantaj, nispa. Tata Diostaj chayta uyarerqa.

Números 12:2 Referans Kwoze

Números 16:3

Tukuyninku tantaykukuytawan Moisesman Aaronmanwan nerqanku: Kaykamalla qankunaqa kamachiwasqayku. Tukuynin israelitas Diosman k'umuykukunku, llimphuchasqastaj kanku; Señorpis tukuyninkuwan kashan. Imaraykutaj qankuna Señorpa llajtanta kamachiyta munankichejri?, nispa.

Filipenses 2:14

Tukuy imata ruwaychej ama rimanakuspa, nitaj phiñanakuspa, ama k'amina kanaykichejpaj. Diospa wawasnin kaychej mana ch'ichiyoj, juchasapa sajra miraypa chaupimpi. Qankunaqa lliphipishankichej qoyllurkuna jina kay laqhayaj pachapi.

Filipenses 2:3

Ama imatapis ruwaychejchu churanakuspaqa, nitaj may yachayniyojman tukuspa, astawanqa llamp'u sonqowan sapa ujtaj qhawachun ujkunata, paymanta aswan kurajkunata jina.

Miqueas 6:4

Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

Isaías 37:4

Ichapis Señor Diosniyki soldadosta kamachejpa palabrasninta uyarin ari; paytaqa Asiriaj reynin kachamun chaypi Kausaj Diospa contranta sajrata parlanampaj, noqanchejpa contranchejta ima. Ichapis Señor Diosniyki paykunata jasut'inman. Diosniykimanta mañapuwayku ari, kaypi mashkhachus puchunkuraj chaykunapaj.

Romanos 12:10

Hermanos jina, tukuy sonqo munanakuychej, ujkuna ujkunata allimpaj qhawaspa.

2 Reyes 19:4

Ichapis Señorqa uyarinña, chay kuraj kamachejpa parlasqasninta, pitachus wiraqochin Asiriamanta reyqa kachamorqa, kausaj Diosmanta sajrata parlanampaj. Señor Diosniykeqa chay ch'ichi palabrasninta uyarispa jasut'ichun. Kunanqa kaypi qhepakojkunarayku Diosmanta mañay ari.

Números 11:1

Uj pachataj israelitasqa Señorpa contranta thutuyta qallarerqanku. Señortaj chayta uyarispa k'ajaj phiñakuyninta rikucherqa, jaraj ujnin cantonta ninawan ruphaykucherqa.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

2 Samuel 11:27

Chay llakiy pasajtinñari, Davidqa kamacherqa palacionman pusamunankuta, chaypitaj casarakorqa, chanta uj qhari wawata nacechikorqa. Chaywampis Davidpa chay jinata ruwasqanqa, Señorman mana walejchu rijch'arqa.

Números 11:29

Moisestaj payman kuticherqa: Qanqa chaytapis jark'aytachu munashanki? Allin kanman, Señorqa tukuynin israelitasman espirituta qonan, ajinamanta Diospa sut'inchajnin kananupaj!

Romanos 12:3

Dios khuyakuyninta qowasqanrayku, sapa ujniykichejman niykichej, ama qankuna kikiykichejmanta astawan kasqaykichejta yuyakunaykichejpaj. Manachayqa sapa uj pay kikinmanta maychus kajta yuyachun, Dios sapa ujman fewan qosqanman jina.

Proverbios 13:10

Runaykachayqa maqanarachillan; yachaytaj llamp'u sonqoyojkunapi kashan.

Éxodo 7:10

Moiseswan Aaronwantaj kachaykukorqanku faraonwan parlaj. Paykunaqa ruwarqanku imaynatachus Señor paykunaman kamacherqa chayman jina. Aaronqa tojnunta choqarqa faraompa ñaupaqenman kamachisninwan kashajtin, chay tojnutaj katariman tukorparerqa.

Éxodo 5:1

Chaymantaqa Moiseswan Aaronwan faraonman parlaj rerqanku, nispa: Israelpa Señornin, Diosnintaj ajinata nin: Saqepuway aylluy Israelta ch'inman rispa, chaypi yuyarikuwaspa qarakuta ruwanankupaj.

Génesis 29:33

Chaymanta qhepata Leaqa wawayojllataj karqa, Chaytaqa suticharqa Simeonta, Señorniy yachan chejnisqa kasqayta, chayrayku uj wawatawan qowan, nispa.

Éxodo 4:30

Aarontaj paykunaman willarqa, imastachus Señorqa Moisesman nerqa chayta. Chantapis Moisesqa jatuchaj t'ukunasta ruwananta runaspa ñaupaqempi Diospa kamachisqanman jina.

Números 12:3

Moisesqa may llamp'u sonqoyoj karqa, kay mundopi tukuy runasmanta nisqaqa.

Éxodo 4:14

Señorqa Moisespaj phiñarikuspa nerqa: Chaypaj kashan wauqeyki Aarón, Levita. Noqa yachani, payqa sumajta runasman parlayta yachasqanta, chantapis payqa ñapis jamushanña taripasoj, rikususpataj payqa mayta sonqompi kusikonqa.