Números 11:17 - Qheshwa Biblia DC

¹⁷ Chayman uraykamusaj, qanwantaj parlasaj. Chantaqa qampi kaj espirituta wakinta paykunaman qosaj, paykuna kay runasta kamachiyta, pusayta ima yanapasunankupaj. Ajinamanta qan manaña sapaykichu rikukunki.

DIOSPA QHELQACHISQAN DEUTEROCANONICAL

¹⁷ Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

DIOSPA QHELQACHISQ

¹⁷ Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

Números 11:17 Referans Kwoze

1 Samuel 10:6

Chaypacha Señorpa espíritun atiynin ima jamusonqa, chanta paykuna jinallataj parlanki. Waj jina runamantaj tukurparinki.

Números 11:25

Señortaj chayman phuyupi uraykamorqa, Moisesmantaj parlarqa. Moiseswan kasharqa chay espiritumantataj, wakinta chay qanchis chunka kurajkunaman qorqa. Espíritu paykunaman chayajtintaj, chay kutilla Diosmanta sut'inchajkuna jina parlayta qallarerqanku.

1 Corintios 2:12

Noqanchejtaj mana kay mundoj espirituntachu jap'erqanchej. Diosmanta jamoj Espirituta jap'erqanchej, yachananchejpaj imatachus Dios khuyakuywan qowasqanchejta.

2 Reyes 2:9

Mayuta chimpaytawan Eliasqa Eliseoman nerqa: Mañakuway imatachus munasqaykita qampaj ruwapusunaypaj, amaraj qanmanta Señor t'aqashawajtin. Eliseotaj nerqa: Noqa mañakuyki espirituykimanta uj jinatawan qonawaykita.

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

2 Reyes 2:15

Jericopi kaj profetas, Jordán mayoj uj ladompi, chay jinata rikuspa nerqanku: Eliaspa espíritun Eliseoj patanman jamun. Chantataj paykunaqa Eliseoj ñaupaqenman jamuspa qonqoriykukorqanku.

Romanos 8:9

Qankunaqa mana aychaj munayninman jinachu kausankichej, astawanqa Espirituman jina, imaraykuchus Diospa Espíritun qankunapi kashan. Pipitajchus Cristoj Espíritun mana kanchu chayqa, mana Cristojtachu.

1 Tesalonicenses 4:8

Chayrayku, pichus kay imasta qhesachan chayqa, mana runatachu, manachayqa Diosta qhesachan. Paytaj Santo Espirituta qosorqachej.

Nehemías 9:20

Chay jawari, allin kaj Espirituykita qorqanki paykunaman yachachinaykipaj. Manataj jayk'ajpis siminkumanta piserqachu cielomanta apachimusqayki t'antaqa. Yakutapis qorqanki ch'akiyninkuta thasnunampaj.

Éxodo 18:22

Paykuna cheqanchachunku imaschus mana allinchu kashan chaykunata, imastachá mana ruwayta atinkuchu chaykunallata qanmanqa willasuchunku, chay pisi imastaqa paykuna ruwallanqanku. Ajinamanta qampajqa mana kanqachu tukuy ima ruwana, paykuna yanapasonqanku chay imasta ruwaspa ñaupajman apayta.

Judas 1:19

Chaykunaqa t'aqanachejkuna kanku; aychaman jina purinku, mana Espirituyoj kaspa.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

Números 12:5

Señorqa uraykamorqa uj sankhu phuyupi, sayakorqataj Dioswan tinkukuna toldo punkupi. Chaymantataj Mariatawan Aarontawan wajyarqa, paykuna qayllaykojtinkutaj, Señorqa nerqa: Kay imatachus nisqayta uyariwaychej: Maypachachus qankuna ukhupi noqamanta uj sut'inchaj kajtenqa, noqa paykunaman parlani mosqoykunapi jina, mosqoykunapitaj.

Éxodo 19:20

Señorqa Sinaí orqoman uraykamorqa, kikin orqo puntaman. Moisestataj wajyarqa chayman wicharinanta, paytaj wicharerqa.

Génesis 11:5

Señortaj uraykamorqa chay llajtata qhawarej, chay torretawan runas ruwasqankuta.

San Juan 7:39

Chayta Jesús nerqa sutimpi creejpa sonqonman Santo Espíritu jamunanmanta; chaywampis Santo Espiritoqa manaraj jamorqachu, Jesús Tatampaman manaraj wicharisqanrayku.

San Juan 3:13

Mana pipis janaj pachaman wicharerqachu. Runaj Churillan janaj pachamanta uraykamorqa; [payqa janaj pachapi kashan.]

Isaías 44:3

Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

Números 27:18

Señortaj Moisesman kuticherqa: Numpa wawan Josueta ajllay, payqa sumaj k'acha yuyayniyoj runa; paypa patanman makisniykita churay.

Números 12:8

Paywanqa uyapura parlani, sumaj sut'itataj. Sichus paywan uyapura parlayku chayqa, imaraykutaj paypa contranta rimankichejri?, nispa.

Éxodo 34:5

Señortaj chayman uraykamorqa phuyupi. Jinamanta payqa Señor sutinta oqharispa Moiseswan chaypi karqa,

Éxodo 19:11

Ajinata tukuyninku wakichisqas kachunku minchhapaj; imaraykuchus minchha Señorqa uraykamonqa Sinaí orqoman tukuy israelitaspa rikunankuta.

Génesis 18:33

Señorqa ajinata Abrahamwan parlaytawan riporqa chaymanta. Abrahamtaj jaranman kutimporqa.

Génesis 17:22

Diosqa ajinata Abrahamwan parlaytawan riporqa.

Génesis 17:3

Abramtaj chayta uyarispa umanta pampaman chayachinankama k'umuykorqa. Diostaj payman nillarqataj:

Isaías 63:11

Chaypacha payqa kamachin Moisesmanta, ayllun israelitasmantawan yuyarikorqa nerqataj: Maytaj kunan mar qochamanta wicharichimusorqachej, ovejasta jina michejnintawan khuska, chayri? Maytaj kunan Santo Espiritunta israelitaspa chaupinman churarqa chayri?

Números 7:89

Dioswan tinkukuna toldopi Dioswan parlanampaj yaykuytawan Moisesqa, Señorpa parlamusqanta uyarerqa, Diospa leyninwan kasharqa chay cajompa kirpanan patapi, querubinespa chaupinmanta. Ajinata Señorqa chaypi paywan parlarqa.