Números 10:9 - Qheshwa Biblia DC

⁹ Maypachachus jallp'aykichejpi kashajtiykichej pipis qankunawan maqanakoj jamojtenqa, cornetasta sinch'ita waqachinkichej, jatunmantataj qhaparinkichej. Ajinamanta noqa Señor Diosniykichej qankunamanta yuyarikusqaykichej, enemigosniykichejmantataj jark'akusqaykichej.

DIOSPA QHELQACHISQAN DEUTEROCANONICAL

⁹ Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

DIOSPA QHELQACHISQ

⁹ Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

Números 10:9 Referans Kwoze

1 Samuel 10:18

Chaypitaj nerqa: Señor, Israelpa Diosnenqa nin: Qankuna israelitasta noqa Egiptomanta orqhomorqaykichej, egipciospa atiyninmantataj kacharicherqaykichej, jinataj tukuy naciones ñak'arichisorqachej chaykunamantapis.

Jueces 2:18

Señorqa sapa kuti jatarichej uj kuraj runata chantá yanapajtaj. Chay kuraj runa kausashajtintaj israelitasta kacharichejpuni enemigosnimpa makisninmanta, sinch'i ñak'ariypi waqasqasninkuta uyarispataj paykunata khuyakoj.

Génesis 8:1

Dios yuyarikorqa Noemanta, paywan khuska tukuy animales arcapi kajkunamantawan. Chaymanta wayrachimorqa, chaytaj yakuta ch'akiykucherqa.

Salmos 106:42

Enemigosninkoqa lastacherqanku. Atiyninkuwantaj paykunata ñak'aricherqanku.

Salmos 106:4

Señor, noqamanta yuyarikuway, aylluykita munakusqaykirayku, salvacioninykiwan watukuway.

2 Crónicas 13:14

Judamanta kajkunataj qhepaman qhawarikuspaqa, reparakorqanku ñaupajmanta qhepamantataj paykunawan maqanakoj jamushasqankuta. Chaypacha Señorman qhaparikorqanku, sacerdotestaj trompetasta waqacherqanku.

Jueces 10:8

Chaymantapacha chunka pusajniyoj watasta filisteosqa jinataj amonitaspis maytapuni ñak'aricherqanku Galaadpi tukuy tiyakojkunata, Jordán mayoj chimpampi amorreokunaj jallp'ampi kajkuna israelitasta.

Josué 6:5

Carnero wajrasta waqajta uyariytawan, tukuy kallpawan qhapariychej, llajtaj perqasnintaj ujllata pampaman urmanqanku. Chaymantataj sapa ujniykichej llajtaman phinkikuychej, nispa.

Números 31:6

Moisesqa chay runasta pusacherqa sacerdote Eleazarpa wawan Fineeswan. Pay aparqa Diospa imasninta, pututustawan maqanakuyta qallarinankupaj tocanampaj.

1 Corintios 14:8

Pututuchus mana allinta waqanman chayqa, pitaj wakichikunman guerraman rinampajri?

Amós 3:6

Llajta ukhupi pututu qhaparin chayqa, runas mancharinkupacha; ima sajrapis llajta ukhupi kan chaytaqa, Señormin kachamun.

Jeremías 6:17

Señor churaykorqa qhawajkuna soldadosta, ayllunmantaj nerqa: Pututoj waqasqanta allinta uyariychej. Israel ayllutaj niwarqa: Mana kasuta ruwayta munaykuchu, nispa.

Jeremías 4:21

Mashkha unaytawanrajtaj pataman banderata sayachisqata rikusajri, pututoj ch'ajwaynintapis uyarisajri?

Jeremías 4:19

Nanaywan q'ewiykachakuni; sonqoy aswan sinch'ita tiseqeyarin. Sonqoy t'impushan, mana ch'in kakuymanchu. Pututoj waqayninta uyarini, maqanakupi qhaparqachaytawan.

Jeremías 4:5

Kayta willaraykichej Jerusalempi, jinallataj Judá ayllupi, putututa waqachispa qhapariychej kay tukuy jallp'api, sinch'itapuni qhapariychej: Tantakamuychej! Jamuychej, pakakunasniyoj llajtasman!

Isaías 58:1

Ama samarispa atisqaykita qhapariy, pututu jina qhapariy, Jacobpa miraynin aylluyta juchasninmanta k'amiy.

Isaías 18:3

Tukuy kay mundontimpi tiyakoj runas, kay jallp'a patapi kajkuna, orqopi puntaspi bandera sayajta qhawariychej, pututu waqamojtimpis uyariychej.

Salmos 136:23

ñak'arisqa kashajtinchej khuyarikojman, khuyakuynin wiñaypaj kasqanrayku;

Jueces 6:34

Señorpa Espirituntaj Gedeonman jamorqa, paytaj wajyarqa chivo wajramanta pututuwan, Abiezerpa tukuy ayllunmanta kajkuna tantakamorqanku.

Jueces 3:27

Israel jallp'aman chayaspañaqa, Efraín orqosnimpi putututa waqacherqa israelitasta wajyaspa. Tukuynin israelitastaj chay orqosmanta uraykamorqanku, Aodtaj ñaupaqenkuta rerqa.

Sofonías 1:16

Chay p'unchaypi pututu waqanqa. Qhaparisqataj kanqa kallpachasqa llajtaspa contrampi, jatuchaj qhawana torresnimpa contrampitaj.

Oseas 5:8

Gabaapi tocaychej maqanakuyman wajyana putututa! Ramapitaj tocaychej trompetata! Bet-avempitaj mancharichiychej! Benjaminmanta kajkunata kharkatichiychej!

Ezequiel 7:14

Putututa waqachenqanku maqanakuyman wajyaspa, nitaj pipis maqanakamunampaj llojsej kanqachu. Israelpa jatunchakuynintaqa k'ajaj phiñakuyniywan jasut'isaj.

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

2 Crónicas 13:12

Kayta yuyarikuychej Diosqa noqaykuwan kashan kamachejniyku jina. Sacerdotesnintaj wakisqaña kashanku trompetaswan, contraykichejpi qankunawan maqanakunaykupaj. Chayrayku qankuna Israel ayllumanta kajkuna ñaupa tatasniykichejpa Señor Diosnimpa contrampi ama maqanakuychejchu, imaraykuchus paytaqa mana atipawajchejchu.

Jeremías 49:2

Kunanqa noqa Señor kayta nini: Uj p'unchay chayamonqa maypachachus Rabamanta amonita llajta uyarinan, maqanaku qhapariyta, chaytaj uj qollu raqaykunasllamanña tukuchisqas kanqanku, chay k'iski ranchosninkutaj ninapi larwaykunaspi k'ajarenqanku. Chaypacha Israelqa chay llajtasninta watejmanta jap'ikapullanqataj. Noqa Señor chayta nini.

Deuteronomio 20:1

Sichus maqanakoj llojsinkichej, enemigosniykichejtaj rikhurisonqachej ashkha caballosniyoj, carretasniyoj ima, qankunamanta aswan ashkha soldadosniyoj ima chayqa, ama paykunamanta manchachikunkichejchu. Egiptomanta orqhomusorqachej chay Señor Diosniykichejqa qankunawan kashan.