Nehemías 9:8 - Qheshwa Biblia DC

⁸ Rikorqanki qampi sumajta atienikoj runa kasqanta, uj tratotataj paywan ruwarqanki. Nerqankitaj wawasninman jallp'ankuta qonaykita, cananeospata, hititaspata, amorreospata, fereseospata, jebuseospata, gergeseospata ima. Qanqa nisqaykitaqa ruwankipuni, imaraykuchus qanqa nisqaykita junt'ajpuni kanki.

DIOSPA QHELQACHISQAN DEUTEROCANONICAL

⁸ Repararqanki payqa qanpi atinikoj runa kasqanta, jinataj paywan uj tratota ruwarqanki. Nerqankitaj payman jinataj mirayninman uj jallp'ata qonaykita, maypichus cananeokuna, jititakuna, amorreokuna, ferezeokuna, jebuseokuna, gergeseokuna ima tiyakusharqanku, chay jallp'ata. Chay nisqaykitataj junt'arqanki, imaraykuchus qanqa nisqaykita junt'ajmin kanki.

DIOSPA QHELQACHISQ

⁸ Repararqanki payqa qanpi atinikoj runa kasqanta, jinataj paywan uj tratota ruwarqanki. Nerqankitaj payman jinataj mirayninman uj jallp'ata qonaykita, maypichus cananeokuna, jititakuna, amorreokuna, ferezeokuna, jebuseokuna, gergeseokuna ima tiyakusharqanku, chay jallp'ata. Chay nisqaykitataj junt'arqanki, imaraykuchus qanqa nisqaykita junt'ajmin kanki.

Nehemías 9:8 Referans Kwoze

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

Génesis 15:6

Abramqa creerqa Señorpi, chayrayku cheqan runapaj qhawasqa karqa.

Josué 23:14

Noqaqa wañuy patapiña kani, amaraj wañupushaspataj yachanaykichejta munani tukuy sonqo, tukuy alma ima allin imastachus Señorqa nerqa qonasuykichejta, chaykuna junt'akusqanta. Ni ima palabrasnimpis qhepakunchu mana junt'akuspaqa.

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

1 Juan 1:9

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

Hebreos 11:17

Creesqanrayku Abrahamqa tentasqa kaspa, Isaacta k'ata wawanta, rikuchikupi jaywarqa, pichus Diospa qonanta jap'inan kajta.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Hechos 13:22

Rey Saulta orqhospataj, Davidta churarqa rey kanampaj. Paymantataj Dios nerqa: Isaejpa churin Davidta, sonqoypa munasqanman jina tarini, tukuy kamachisqaytataj pay ruwanqa.

Josué 11:23

Ajinata Josueqa chay tukuy jallp'asta jap'ikaporqa, imaynatachus Moisesman Señor kamachisqanman jina. Chaymantataj israelitasman, mashkha aylluschus kasqankuman jina chayaqenku kanampaj rak'irarqa. Chay jallp'apitaj manaña ima ch'ajwapis karqachu.

Josué 9:1

Chay tukuy imas kasqanta yacharqanku kay reyes heteosmanta, amorreosmanta, cananeosmanta, ferezeosmanta, heveosmanta, jebuseosmanta ima. Kay reyesqa tiyakusqanku Jordán mayu cantospi inti yaykunannejpi, chanta chay orqospi, pampasnimpi, Mediterráneo mar qochej cantosnimpi, Líbano jallp'aspi ima.

Deuteronomio 26:3

Chaypitaj sacerdote mit'ampi kashajman qayllankichej, ninkichejtaj: Noqaqa kunan nini Señor Diosniypa ñaupaqempi chay jallp'aman yaykusqayta Señor Diosninchej ñaupa tatasninchejman nisqanta qonawanchejta, chayman.

Deuteronomio 9:5

Mana qankuna allin kasqaykichejraykuchu, nitaj cheqan kajta ruwasqaykichejraykuchu, paykunaj jallp'asninkuta jap'ikapunkichej. Señorpuni ñaupaqeykichejmanta paykunata juchachakusqankurayku wijch'un junt'anampaj ñaupa tatasniykichejman Abrahamman, Isaacman, Jacobman ima imatachus nisqanta.

Deuteronomio 7:1

Señor Diosninchejqa pusasonqachej maypichus jallp'ata jap'ikunkichej chayman. Ñaupaqeykichejmanta Señor qharqonqa qanchis jatuchaj nacionesta, qankunamanta aswan jatun atiyniyojta: Hititasta, gergeseosta, amorreosta, cananeosta, fereseosta, heveosta, jebuseosta ima.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Génesis 22:12

Angeltaj nerqa: Ama makiykita oqhariychu, nitaj wawaykita imanaychu, yachaniña qan Diosniykita manchachikusqaykita. Manataj uj k'ata wawaykitapis mich'akunkichu qonawaykipaj.

Salmos 116:5

Señorqa cheqampuni, khuyakojtaj; Diosninchejqa llamp'u sonqoyoj.

Números 13:29

Neguev cheqaspi amalecitas tiyashanku; loma chaynejkunapitaj tiyashanku hititas, jebuseos, amorreoswan; mar qocha chaynejpitaj Jordán mayu cantopi cananeos tiyashanku.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

2 Samuel 22:31

Diospa ñannenqa allin cheqanmin; Señorpa nisqasnenqa atienikunapaj jinapuni. Dios waqaychan tukuy paypi suyajkunata.

1 Crónicas 1:14

Canaanmanta mirarqanku jebuseos, amorreos, gergeseos, heveos, araceos, sineos, arvadeos, zemareos, hamateos ima.

1 Crónicas 16:16

Abrahamwan ruwarqa chay tratomantaqa, Isaacman jurarqa chaymantapis.

Esdras 9:15

Señor, Israelpa Diosnin, qan cheqan karqanki noqaykuwan. Qan munarqanki noqaykumanta uj puchoj t'aqa kausanaykuta, imaynatachus kunan p'unchay rikukusqanman jina. Noqaykoqa cheqamanta ñaupaqeykipi juchayoj kayku, ajinallatapuneqa mana ñaupaqeykipi kayta atiykumanchu, nispa.

Nehemías 9:33

Chaywampis qanqa mana ni ima juchayojchu kanki tukuy imas qhatiriwasqaykumantaqa, imaraykuchus qanqa cheqa sonqowan imatapis ruwawayku, noqaykutaj sajra kajta ruwayku.