Nehemías 9:6 - Qheshwa Biblia DC

⁶ Esdrastaj nerqa: Qanllamin k'ata Señorqa kanki, qan ruwarqanki janaj pachata, janaj pachamanta janaj pachatapis, chaypi tukuy ima kajnintapis. Ruwallarqankitaj kay pachata, chaypi tukuy ima kajtapis, mar qochastapis, chaypi tukuy ima kajtapis. Qanqa tukuy imasman kausayta qonki. Chayraykumari janaj pacha ch'askaspis yupaychasunku.

DIOSPA QHELQACHISQAN DEUTEROCANONICAL

⁶ Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

DIOSPA QHELQACHISQ

⁶ Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

Nehemías 9:6 Referans Kwoze

Génesis 1:1

Qallariypeqa Dios janaj pachata kay pachatawan ruwarqa.

Apocalipsis 4:11

Allimpaj qhawasqa kanki, Señor Diosniyku, yupaychayta, jatun kayta, atiyta ima jap'inaykipaj. Qan tukuy imata wakicherqanki, munayniykiraykutaj kanku, ruwasqastaj karqanku.

Deuteronomio 10:14

Kunanqa yachanaykichej tiyan; janaj pachaqa janaj pachamanta aswan patapi kajkuna, kay pacha, chaypi imaschus kajkunasnintin, Señor Diosniykichejpata kashanku.

Deuteronomio 6:4

Israelitas uyariychej ari: Señor Diosninchejqa payllamin Señorqa.

Isaías 44:8

Qankunaqa ama iskayrayaychejchu, amataj manchachikuychejchu. Noqaqa unaymantapachaña uyaricherqaykichej, nerqaykichejtaj imachus kananta. Chaymanta qankunaqa mana llullakuwajchejchu. Noqamanta astawan waj diosqa manapuni kanchu; mana waj pakakunaqa kanchu; manapuni pitapis rejsinichu.

Isaías 44:6

Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

2 Reyes 19:15

Señorpa ñaupaqempitaj Ezequiasqa mañakorqa: Israelpa Señor Diosnin janaj pachakunapi angelkunaj chaupimpi tiyakoj, qanllamin tukuynin jallp'a patapi reinospa Diosnenqa kanki. Qanlla janaj pachata kay pachatawan ruwarqanki.

Génesis 2:1

Ajinata janaj pachata, kay pachatapis, chaypi kajkunatawan Dios ruwayta tukorqa.

Isaías 43:10

Señorqa cheqamanta nin: Qankuna noqamanta sut'inchajkuna kankichej, noqaj ajllakusqasniy kamachisniy, noqata rejsikunawaykichejpaj, atienekunawaykichejpajtaj, pichus noqa kasqayta allinta unanchanaykichejpaj. Noqamanta ñaupajtaqa mana ima diospis karqachu, manataj qhepamampis waj dios kanqachu.

Apocalipsis 14:7

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Salmos 36:6

Cheqan kayniykeqa jatun orqos jina. Nisqaykitaj, jatun mar qocha jina, ukhutaj. Qan Señor, waqaychanki tukuy runasta, uywastawan.

1 Reyes 8:27

Kunanqa, cheqamantachu Diosqa jallp'a patapi tiyakunman? Janaj pachakuna aswan patapi janaj pachakunapis mana atisunkuchu jap'isuyta. Imaynatataj kay wasita ruwapususqaypi tiyakuyta atiwajri?

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Hebreos 1:6

Ujtawan ñaupaj kaj Churinta kay mundoman pusaykamushaspa nerqa: Diospa tukuy angelesnin payta yupaychachunku.

Isaías 37:20

Kunanqa Señor Diosniyku, Asiriospa makinmanta jark'awayku ari; ajinamanta kay jallp'a patapi kaj chhika naciones yachanankupaj qan k'atalla atiyniyoj Señor kasqaykita, nispa.

Salmos 86:10

Qanlla Dios kanki. Jatun kanki, may t'ukuna imastataj ruwanki.

2 Reyes 19:19

Kunanqa Señor Diosniyku, mañakuyki makinkumanta qhechunawaykuta, tukuy naciones qan sapallayki Dios kasqaykita yachanankupaj.

Ezequiel 20:11

Chaypi leyesniyta paykunaman qorqani, kamachisqasniytapis rejsicherqani, chaykunata pillapis junt'ajqa kausanampaj.

Salmos 146:6

Pay ruwarqa janaj pachata, kay pachatapis, mar qochata, tukuy chaypi kajkunatawan. Payqa nisqanta junt'ampuni.

Salmos 103:21

Señorta yupaychaychej, tukuyniykichej paypa soldadosnin, munayninta ruwaspa payta sirvejkuna.

Salmos 33:6

Cielota, tukuy chaypi kajtapis, Señorqa palabranwan ruwarqa, simimpa samayninwan imalla.

1 Reyes 22:19

Micaiasqa nillarqataj: Señorpa palabranta uyariy ari: Noqaqa Señorta rikorqani tronompi tiyasqata, janaj pachamanta tukuynin angelestataj paywan khuska kashajta, paña makinnejpi lloq'e makinnejpipis.

San Juan 10:30

Noqawan, Dios Tatawanqa ujlla kayku.

Génesis 32:2

Jacobtaj paykunata rikuspa nerqa: Kayqa Diospa ejérciton, nispa. Chayrayku chay cheqata suticharqa Mahanainta.

Hechos 4:24

Paykunataj chayta uyarispa, tukuyninku uj sonqolla Diosman qhaparerqanku, nispa: Señor, qan ruwarqanki janaj pachata, kay pachatawan, jatun qochatapis, tukuy imas paykunapi kajkunatawan.

Nehemías 9:5

Chaymantataj chay levitas Josué, Cadmiel, Binuy, Hasabnías, Serebías, Hodías, Sebanías, Petaías ima nerqanku: Jatarikuychej, Señor Diosniykichejtataj wiñay wiñaypaj yupaychaychej, nispa. Chaypacha paykunaqa Señor k'acha sutinta yupaycharqanku, bendicioneswan, jinataj yupaychaykunaswan.

Salmos 24:10

Pitaj kay atiyniyoj reyri? Tukuy atipaj Señor! Pay atiyniyoj reyqa!

Salmos 102:25

Qallariymantapacha kay pachata qan sinch'ita sayachinki, cielotapis qanllataj ruwarqanki.

Salmos 115:15

Janaj pachata, kay pachatapis ruwaj Señorqa, qankunata bendicichun.

Isaías 45:12

Noqa jallp'ata ruwarqani, chaymantaj runata ruwaspa churarqani, cielota makisniywan qhatatarqani, kamacherqanitaj chayman qoyllurkuna rikhurimunankuta.

Jonás 1:9

Jonastaj kutichikusqa: Hebreo kani, Señorta, janaj pacha Diosta yupaychani, mar qochata, kay jallp'atapis ruwajta.

Génesis 1:9

Chaymantá Dios nerqa: Janaj pacha kaj urapi yakoqa uj cheqallapi kachun, ch'aki kaj rikhurinampaj, nispa. Ajinataj karqa.

Deuteronomio 32:39

Yachaychej noqalla Dios kasqayta. Yachallaychejtaj mana waj dios kasqanta. Noqalla kausayta qoni, qhechunitaj. Noqalla nanachini, thañichinitaj. Ni pipis noqaj makiymanta kacharikuyta atinchu.

Salmos 124:8

Yanapayninchejqa Señormanta chayamuwanchej, pichus janaj pachata kay pachatawan ruwajmanta.