Nehemías 9:15 - Qheshwa Biblia DC

¹⁵ Qollarqankitaj janaj pacha t'antata yarqhayninkupi sajsachinaykipaj. Yakutapis chhankamanta orqhospa qorqanki ch'akiyninkuta thasnunaykipaj. Chaymantataj nerqanki tiyakapoj yaykunankuta, qonaykita nerqanki chay jallp'aman.

DIOSPA QHELQACHISQAN DEUTEROCANONICAL

¹⁵ Paykunaman janaj pachamanta t'antatapis qollarqankitaj yarqhayninkupi sajsakunankupaj. Yakutapis chhankamanta phullchicherqanki ch'akiyninkuta thasnunankupaj. Chaymantataj kamacherqanki jallp'ata jap'ej yaykunankuta, mayqentachus tiluspa nerqanki qonaykita, chay jallp'ata.

DIOSPA QHELQACHISQ

¹⁵ Paykunaman janaj pachamanta t'antatapis qollarqankitaj yarqhayninkupi sajsakunankupaj. Yakutapis chhankamanta phullchicherqanki ch'akiyninkuta thasnunankupaj. Chaymantataj kamacherqanki jallp'ata jap'ej yaykunankuta, mayqentachus tiluspa nerqanki qonaykita, chay jallp'ata.

Nehemías 9:15 Referans Kwoze

Deuteronomio 1:8

Noqa qoykichej chay jallp'asta; chayrayku rispa mojonakamuychej, dueñochakamuychej chay jallp'asta; chaytaqa noqa Señor, juraspa qosqaykichej nerqani ñaupa tatasniykichej Abrahamman, Isaacman, Jacobman ima, jinallataj mirayninkumampis.

Éxodo 17:6

Noqa Horeb chhanka orqopi suyamusqayki, qantaj chay chhankata tojnuykiwan wajtanki, yakutaj chaymanta phullchimonqa, runastaj chayta ujyanqanku. Moisesqa chayta ruwarqa israelitaspa kurajkunasninku qhawashajtinku.

Éxodo 16:4

Chaymanta Señorqa Moisesman nerqa: Noqa t'antata parachimusaj patamanta. Israelitasqa sapa paqarin jatariytawan pallakonqanku, mashkhatachus uj día mikhunanku chaypaj jinalla. Chaypi yachasaj piskunachus kamachisqasniyta kasuwanku, manachus chayta.

Ezequiel 20:15

Chay tukuywampis, ch'in pampapi paykunaman jurarqani, paykunata mana pusaykunaypaj, maypichus lechewan, misk'iwan yaku jinapuni karishan chay jallp'aman. Chaytaj tukuymanta may k'acha jallp'a karqa.

Salmos 114:8

Pay chhanka orqosta qochaman tukuchin. Pay chhanka orqosta juturisman tukuchin.

Deuteronomio 8:3

Ñak'arichisorqachej, yarqhachisorqachejtaj chaypis, Maná nisqa t'antata mikhuchisorqachej. Chay mikhunataqa ni qankuna, nitaj ñaupa tatasniykichejpis rejserqankichejchu. Ajinamanta Diosqa yachachisorqachej, runaqa mana t'antallawanchu kausasqanta, manachayqa Señorpa siminmanta tukuy llojsej palabraswampis kausasqanta.

Nehemías 9:20

Chay jawari, allin kaj Espirituykita qorqanki paykunaman yachachinaykipaj. Manataj jayk'ajpis siminkumanta piserqachu cielomanta apachimusqayki t'antaqa. Yakutapis qorqanki ch'akiyninkuta thasnunampaj.

Deuteronomio 1:21

Kunanqa Señor Diosniykichej kay jallp'asta qopusunkichej. Chayman wichariychej, dueñochakuychejtaj, ñaupa tatasniykichejpa Señor Diosninku kamachisqanman jina, ama manchachikuychejchu, nitaj kharkatitiychejchu.

Números 14:30

Makiyta oqharispa qosqaykichej nerqani chay jallp'amanqa mana yaykunkichejchu. Chaymanqa Jefonej wawan Calebwan, Numpa wawan Josuellawan yaykonqanku.

Génesis 14:22

Abramtaj kuticherqa: Señorman juraspa niniña, patapi kaj Diosman, pichus janaj pachata kay pachatawan ruwajman, qampata kajta ni imata jap'ikapunayta, ni ima q'aytullatapis zapatoyta wataykunallaypajpis, ama ni jayk'aj ninawaykipaj, noqaj imasniywan qhapajyashan, nispa.

Éxodo 6:8

Noqa pusasqaykichej, ima jallp'atachus Abrahamman, Isaacman, Jacobman ima, chayaqenkupaj qosqaykichej nerqani chayman. Noqamin kani Señorqa.

Éxodo 17:3

Israelitasqa maytapuni yaku ch'akiywan kasharqanku, chayrayku Moisespa contranta phiñarikuspa, nerqanku: Ima nispataj Egiptomanta orqhomuwarqayku yaku ch'akiymanta kaypi wañuchinawaykupajri, wawasniykuta, uywasniykuta imari?, nispa.

Isaías 48:21

Ch'in pampata paykunata pusashajtin, yaku ch'akiywanqa mana wañorqankuchu. Señorqa chhankamanta yakuta phullchichimorqa; chhankata lajrarqa yakutaj purirerqa.

Jeremías 32:23

Chay qonayki jallp'aman yaykuspa jap'ikapuytawan mana kasusorqankuchu, nitaj chay yachachiykunasta qosqasniykita qhaterqankuchu, nitaj ruwarqankuchu ni imata chay kamachisqasniykimantaqa. Chayraykumin kay tukuy ñak'ariykunastaqa apachimorqanki.