Nehemías 9:10 - Qheshwa Biblia DC

¹⁰ Faraompa contrampi, jinataj kamachisnimpajpis, chay jallp'api tukuy runaspa ñaupaqempipis jatuchaj t'ukuna imasta qan rikucherqanki. Qan rikorqanki imaynatachus israelitasta wapu wapulla may llakiyta ruwasqankuta. Jinamantataj may jatun uyarisqa sutiyoj karqanki kunankama.

DIOSPA QHELQACHISQAN DEUTEROCANONICAL

¹⁰ Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

DIOSPA QHELQACHISQ

¹⁰ Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

Nehemías 9:10 Referans Kwoze

Daniel (hebreo) 9:15

Señor Diosniyku, qan rikucherqanki jatun atiyniykita, aylluykita Egiptomanta orqhomuspa. Ajina ruwasqaykiwanqa, sutiyki jatumpaj qhawasqa kashan chay p'unchaykunamantapacha kunankama. Noqaykutaj juchalliyku, sajra kajtataj ruwayku.

Jeremías 32:20

Qan rikunki milagrosta, Egiptopi may uyarisqamin, kunampis ruwashallankirajpuni, Israel chaupipis, waj runaspa chaupimpipis, jinamanta sutiykeqa may uyarisqa kashan.

Isaías 63:14

Paykunataqa vallesman uraykamoj uywasta jina Señorpa Espíritun micherqa. Ajinata qanqa israelitasniykita pusaykacharqanki, tukuynejpi mentasqa kanaykipaj.

Isaías 63:12

Maytaj kunan Moisespa ñaupaqenta atiynimpa k'anchayninwan pusakorqachej chayri; pichus paykunaj ñaupaqempi yakuta iskayman t'aqarqa chayri, ajinamanta atiyniyoj kasqanta wiñaypaj rikuchejri?

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Éxodo 18:11

Imaraykuchus paykunaqa may jinata ñak'arichisorqachej. Kunanqa yachani Señorqa aswan jatun atiyniyoj kasqanta tukuy dioskunamanta nisqaqa.

Éxodo 5:2

Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

Romanos 9:17

Escriturapi faraonman nerqa: Kaypajmin qantaqa sayaricherqayki, qampi atiyniyta rikuchinaypaj, sutiytaj tukuynej jallp'api willasqa kanampaj.

Hechos 7:36

Kay Moisés orqhomorqa Egiptomanta israelitakunata, milagrosta, señalesta ima ruwaspa, puka mar qochapi, ch'in pampaspi ima tawa chunka wata junt'ata.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Ezequiel 20:9

Chay tukuywampis, sutiyrayku chay yuyasqayta saqerqani. Paykuna kasharqanku chay llajtasniyoj runakuna rejsiwarqanku, paykunaj ñaupaqempi ama p'enqaypi rikhurinayrayku, paykunata Egiptomanta orqhorqani.

Salmos 83:18

Yachachunku qanlla Señor kasqaykita, qanllapuni patapi kaj Dios tukuy kay pachapi kasqaykita.

Éxodo 7:1

Ujtawan Señorqa Moisesman nerqa: Qhawariy, noqa niyki, qan noqaj cuentaymanta faraompa ñaupaqempi ruwanki, jinallataj wauqeyki Aarón profetayki jina qampa cuentaykimanta parlanqa.

Éxodo 3:20

Chayrayku noqaqa atiyniyta rikuchisaj, tukuy egipciosta nanachisaj, ashkha jasut'iykunata señalesta ima rikuchisaj, chaymantaraj saqesonqachaj llojsinaykichejta.

Éxodo 9:16

Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

Nehemías 9:16

Paykuna jinataj ñaupa tatasniyku imaqa may machu machus rumi sonqostaj karqanku, manataj kamachiykunasniykita kasorqankuchu.

Nehemías 9:29

Qantaj k'amej kanki leyesniykita watejmanta junt'aj churakunankuta. Paykunataj may kasqankuta yuyakuspa kamachisniykita mana kasojchu kanku. Nisqasniykitataj p'akej kanku, chay nisqasniykeqa kausayta qonka tukuy chaykunata, ruwajkunaman paykunataj qampa contraykita oqharikuspa, rumi sonqos kaspataj mana kasuta ruwarqankuchu.

Deuteronomio 7:19

Yuyarikuychej may chhika imastachus t'ukuna ruwanasninta rikusqaykichejta, señalesta, milagrosta, jatun atiynintawan. Chay jinata qankunataqa Egiptomanta orqhomusorqachej. Chay kikillantataj Señorqa ruwanqa tukuy nacioneswan qankuna manchachisushankichej chaykunawan.

Isaías 42:20

Ashkha imasta rikun, manataj allinta qhawarinchu; ningrin tiyan manataj uyarinchu.