Nehemías 8:9 - Qheshwa Biblia DC

⁹ Tukuynin ayllutaj chay leymanta librota leesqankuta uyarispa waqarqanku, kamachej Nehemías, chanta yachachej sacerdote Esdraspis, leymanta yachachejkuna levitaspis, tukuy runasmantaj nerqanku: Ama llakikuychejchu, amataj waqaychejchu, kay diaqa Señor Diosman t'aqasqa kasqanrayku, nispa.

DIOSPA QHELQACHISQAN DEUTEROCANONICAL

⁹ Chaypi tantasqa runakunaqa Diospa kamachisqanmanta uyarispa, waqarqanku. Chayrayku kamachej Nehemiasqa, yachachej sacerdote Esdraspis, levitakuna ima tukuy runata nerqanku: Kay p'unchayqa Tata Diospaj t'aqasqan, chayrayku ama llakikuychejchu nitaj waqaychejchu, nispa.

DIOSPA QHELQACHISQ

⁹ Chaypi tantasqa runakunaqa Diospa kamachisqanmanta uyarispa, waqarqanku. Chayrayku kamachej Nehemiasqa, yachachej sacerdote Esdraspis, levitakuna ima tukuy runata nerqanku: Kay p'unchayqa Tata Diospaj t'aqasqan, chayrayku ama llakikuychejchu nitaj waqaychejchu, nispa.

Nehemías 8:9 Referans Kwoze

Nehemías 7:70

Wakin familiasmanta kamachejkuna chay ruwana kaj ruwanasninkupaj jaywanasninku kajta qorqanku. Kuraj kaj kamachejqa qorqa pusaj kilos qorita, phishqa chunka jatuchaj vasosta, phishqa pachaj kinsa chunkayoj sacerdote p'achasta ima, chay qolqe jallch'ana wasipi kanampaj.

Nehemías 7:65

Chay jawaqa kuraj kamachej nerqa, kamachispa ama mikhunankuta chay llimphupaj qhawasqa mikhunamanta sacerdote kayta yachanankama, Urim, jinataj Tumin ima imatachus nisqankuta.

Deuteronomio 12:12

Señor Diosniykichejpa ñaupaqempi mayta kusikunkichej, wawasniykichejwan, kamachisniykichejwan ima, qankunawan tiyakoj levitaswampis, imaraykuchus levitasqa mana qankuna jina jallp'asniyojchu kanku.

Nehemías 8:2

Qanchis kaj killamanta ñaupaj kaj diapi sacerdote Esdrasqa laymanta qelqasqa librota apamorqa qharis, warmis, tukuy yuyayniyoj yachaqajkunapis tantasqas kashajtinku.

Deuteronomio 16:11

Chay kusikuykunataqa Señor Diosniykichejpa ñaupaqempi ruwankichej, maypichus Pay uj cheqata ajllakorqa, chaypi. Chaytataj ruwankichej wawasniykichejwan, kamachisniykichejwan khuska, chantapis llajtaykichejpi tiyakoj levitaswan, karu llajtayojkunawan, wajcha wawaswan, warmisapaswan ima.

Isaías 61:3

Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

Eclesiastés 3:4

Uj tiempoqa waqanapaj, uj tiempotaj asinapaj. Uj tiempoqa llakikunapaj, uj tiempotaj tusunapaj.

Esdras 2:63

Chantapis, kamachejqa nerqa, manaña mikhunankuta Diosman t'aqasqa mikhuymantaqa. Uj sacerdote Urimnejta, chanta Tumimnejta Diosta tapurispa yachanankama.

Deuteronomio 12:7

Chaypi chay rikuchikusta Señor Diosniykichejpa ñaupaqempi mikhunkichej, tukuy familiasniykichejwan khuska kusikuspa, tukuy ruwasqaykichejta qhawarispa, imaynatachus Señor Diosniykichej bendicionninwan poqochin, chayta.

Romanos 7:9

Uj p'unchaypi kausarqani mana leyllawan; ley jamojtinrí, juchaqa kausarerqa, noqataj wañorqani.

Romanos 3:20

Leypa kamachisqasninta ruwasqanrayku, mana pipis Diospa ñaupaqempi salvasqachu kanqa; leynejta juchaqa rejsichikun.

Malaquías 2:13

Qankunataj chaymantapis aswan imastaraj ruwankichej. Señorpa altarninta waqaywan p'ampaykunkichej, jatun ayqoywantaj waqankichej, imaraykuchus Señorqa ofrendaykichejta manaña tukuy sonqowanchu jap'ikun.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Nehemías 12:26

Kaykunaqa kausarqanku Josadacpa allchhin Josuejpa wawan Joacimpa tiemposnimpi, jinataj kamachej Nehemiaspa tiempompi, sacerdote yachachej Esdraspa tiempompi ima.

Nehemías 10:1

Chay tratota ruwasqankuman sutisninkuta qelqajkunaqa karqanku: Hacaliaspa wawan kamachej Nehemiaswan, Sedequiaswan. Sacerdotestaj karqanku: Seraías, Azarías, Jeremías, Pasur, Amarías, Malquías, Hatús, Sebanías, Maluc, Harim, Meremot, Obadías, Daniel, Ginetón, Baruc, Mesulam, Abías, Mijamín, Maazías, Bilgai, Semaías ima.

Esdras 7:11

Kaytaj rey Artajerjespa cartanqa. Chaytaqa Esdrasman qorqa. Esdrastaj sacerdote karqa; chantapis sumaj yachayniyojtaj Israel Señor qorqa chay tukuy yachachisqasninmanta, kamachisqasninmantawan.

2 Crónicas 35:3

Jinataj tukuy israelitasta yachachejkuna, Señorpaj t'aqasqa levitasman nerqa: Diospaj t'aqasqa trato ruwasqa cajonta churamuychej, Israelpa reynin Davidpa wawan Salomompa ruwasqan yupaychana wasiman, manaña lijraspa apaykachanaykichejpaj. Kunantaj Señor Diosniykichejta sirvej churakuychej, jinataj Señorpa ayllun Israeltapis.

2 Crónicas 34:21

Riychej Señorta tapumuychej noqamanta, Israelpi, Judapiwan puchojkuna runasmanta, kay tarisqaykichej libropi nisqasninmantawan. Señorqa sinch'i phiñasqa kashan noqanchejpaj, imaraykuchus ñaupa tatasninchejqa mana waqaychasqankuchu Señorpa nisqanta, manataj ruwasqankuchu kay libropi qelqasqa kasqanman jina.

2 Crónicas 34:19

Reytaj leypa nisqasninta uyarispa, p'achanta llik'ikorqa.

2 Crónicas 30:22

Ezequíastaj tukuynin levitasman allinta parlaykorqa kusiyninta rikuchispa ajinata Señorta yupaychasqankumanta. Qanchis p'unchay junt'ata mikhorqanku chay jatun fiestapi ñak'asqa uywasta aywasqankumanta, allinyakunapaj uywasta ñak'aspa, ñaupa tatasninkoj Señor Diosninkuta yupaychaspataj.

2 Crónicas 15:3

Israelqa may unayta mana Dioswanchu karqa, mana yachachej sacerdoteyoj, nitaj leymanta ima yachachiyniyoj.

2 Reyes 22:11

Chay librota leejta uyariytawan reyqa p'achasninta llik'ikorqa.

Deuteronomio 26:14

Chay t'aqasqaykumantaqa mana mikhuykuchu wañusqayoj llakisqa kashajtiykupis, nitaj mana llimphupaj qhawasqa kashajtiykupis, nitaj wañusqasmampis apaykuchu. Señor Diosniyku imatachá niwasqaykuta kasuyku tukuy imata ruwaspa kamachiwasqasniykuman jina.

Santiago 4:9

Llakikuychej, jik'un jik'unta waqaychej, asikusqaykichej waqayman tukuchun, kusikuyniykichejtaj phutikuyman tukuchun.