Nehemías 8:10 - Qheshwa Biblia DC

¹⁰ Chay jawa Esdrasqa nillarqataj: Riychej, sumaj sumajllata mikhumuychej, misk'i kaj vinotataj ujyarikamuychej; mana mikhuna chayasqayoj kajta wajyarikuychej, kay diaqa Señorpaj t'aqasqa kasqanrayku. Ama llakikuychejchu, imaraykuchus Señorpa kusikuynenqa kallpachawanchej, nispa.

DIOSPA QHELQACHISQAN DEUTEROCANONICAL

¹⁰ Chantá Nehemías nillarqataj: Riychej, allin mikhunata mikhukamuychej, upi vinotataj ujyarikamuychej. Wajchakunamantaj mikhunaykichejmanta jaywariychej, imaraykuchus kay p'unchayqa Tukuyta Kamachej Diospaj t'aqasqamin. Ama llakikuychejchu, imaraykuchus kusichisoj Tata Diosniykichej kallpachasonqachej, nispa.

DIOSPA QHELQACHISQ

¹⁰ Chantá Nehemías nillarqataj: Riychej, allin mikhunata mikhukamuychej, upi vinotataj ujyarikamuychej. Wajchakunamantaj mikhunaykichejmanta jaywariychej, imaraykuchus kay p'unchayqa Tukuyta Kamachej Diospaj t'aqasqamin. Ama llakikuychejchu, imaraykuchus kusichisoj Tata Diosniykichej kallpachasonqachej, nispa.

Nehemías 8:10 Referans Kwoze

Proverbios 17:22

Sonqo kusisqa kayqa uj sumaj jampi, llakisqa kanarí, kallpata llauch'iyachin.

Eclesiastés 9:7

Chayrayku qanqa riy, kusiywan t'antaykita mikhuy, vinoykitapis tukuy sonqo ujyarikuy; imaraykuchus ruwasqasniykiwanqa Dios mayta kusikun.

Salmos 149:2

Israel ayllu ruwajnimpi kusikuchun, Sión llajta reynimpi qhochukuchun.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Ester (hebreo) 9:19

Mana perqawan muyuykuchisqa ranchospi tiyakoj judiostaj Adar nisqa killapi chunka tawayoj p'unchay kashajtin, samarikorqanku sumaj mikhuykunata wayk'urikuspa, maytapuni kusikuspa, imasninkuchá tiyapusqanta ujkuna ujkunaman qokorqanku waqenarikuspa.

2 Corintios 8:2

May phutiykunapi kashajtinku, may kusikuyniyoj karqanku; wajchas kashaspapis qorqanku tukuy sonqo, qhapajyarqankutaj sumaj sonqowan qosqankurayku.

Ester (hebreo) 9:22

Chay imastaqa ruwananku karqa chay p'unchaypi paykunapaj kusikuy kasqanmanta, chay jina llakiymanta, enemigosninkumanta kacharichisqas kasqankumanta. Chay jina llakiywan kashajtinku kusiy p'unchaypi rikhurisqankumanta. Chay p'unchaykunastaqa yuyarikunanku karqa kusikuy fiestata ruwaspa, ujkuna ujkunawan purajmanta waqerinakuspa, jinallataj wajchasmampis imankuchá tiyan chaykunata waqerispa.

Eclesiastés 3:13

Ajinallatataj Diosqa tukuy runasman qon mikhunankuta, ujyanankuta, tukuy ima allin ruwasqankupitaj kusikunankuta.

Eclesiastés 2:24

Runapajqa chay tukuy imasmanta astawanqa allimpuni mikhunan, ujyanan, tukuy ruwasqanwan kusikunan. Chay tukuyta noqaqa yachallanitaj Diosmanta jamusqanta.

Eclesiastés 11:2

Qanchisman chayri pusajman p'akiray; imaraykuchus mana yachankichu ima sajrachus chay jallp'a pataman jamunanta.

Filipenses 3:4

Noqaqa atiymampis mundoj imasnimpi confiakuyta. Pillapis kay mundoj imasnimpi confiakuyta yuyanman chayqa, noqaqa astawanraj confiakuyman.

San Lucas 11:41

Kapuyniykichejmanta wajchasman qoychej. Tukuy imaykichejtaj llimphu kanqa.

TAKIYKUNA 5:1

Noqa huertayman yaykuniña, hermanitáy, noviáy. Noqaqa mirraytawan, sumajta q'apashaj jawinasniytawan jap'ikapuniña. Panalniypa, misk'intapis mikhuniña. Vinoytawan, lecheytawampis ujyaniña. Munasqa kausaqesníy, mikhurikuychej, ujyarikuychej sajsanaykichejkama.

Eclesiastés 5:18

Chayta rikuspa noqaqa nini, allimpuni runapajqa mikhunan, ujyanan, tukuy imata kay pachapi, sayk'uywan ruwasqasninwan kusikunan, imastachus chay pisi kausayta Dios qosqampi, chaymin chayaqenchejqa.

Joel 2:23

Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

Apocalipsis 11:10

Jallp'api tiyakojkunataj paykuna jawa qhochukonqanku, kusikonqankutaj paykunapura t'inkasta apachinakuspa. Chay iskay profetasqa jallp'api tiyakojkunata llakichej kanku.

1 Samuel 25:8

Munaspaqa tapuriy chay kamachisniykita, paykuna astawan sut'inta willasonqanku. Chayrayku kunanqa mañarikuyki khuyarinaykita kay waynasta. Allin horapitaj qanman chayamushasunki. Qoriwayku ari imachus mikhunasmanta tiyaripususqanta, paykunaman, jinataj noqamampis, wawayki jina noqaqa kanipis.

Nehemías 8:11

Ajinallatataj levitaspis runasta ch'inyacherqanku, nerqankutaj amaña waqaychejchu, kay diaqa Señorpaj t'aqasqa kasqanrayku.

Nehemías 8:12

Chaypacha tukuynin runas riporqanku mikhoj, ujyajtaj. Mikhuytapis wajkunaman jaywarerqanku, sumaj fiestataj ruwarerqanku, imaraykuchus uyarisqasninkuta sumajta umankupi jap'erqanku.

Zacarías 14:21

Judapi, jinataj Jerusalempi mankasqa Tukuy Atiyniyoj Señorman t'aqasqas kanqanku. Pillapis uj rikuchikuta qoyta munajqa chay mankasta oqharispa, uywaspa aychanta chayachispa qoyta atillanqa. Chay p'unchaypeqa manaña kanqachu qhatojkuna Tukuy Atiyniyoj Señorpa yupaychana wasimpi.

1 Reyes 8:66

Pusaj kaj p'unchaypitaj tukuynin runasta kacharpayaporqa, paykunataj reyta bendicispa wasisninkuman riporqanku, ancha jatun kusiywampuni, sonqo junt'asqastaj, Señor chay jina bendicionesninta kamachin Davidman, Israel llajtanmanwan qosqanrayku.

1 Crónicas 16:27

Ñaupaqempeqa jatun chay kashan. Atiywan kusiywan llimphu wasimpeqa kashan.

Salmos 89:17

Cheqamanta qan kanki chay aylloj kallpan, k'acha kaynintaj; qampa munayniykirayku atiyniyku yapakun.

Isaías 49:5

Kunanqa Señor nin, pichus mamaypa wijsanmantapacha kamachimpaj ajllakuwarqa chay, Jacobpa ayllunta payman kutirichinaypaj, paywan ujlla kanankupaj. Noqaqa Señorniypa ñaupaqempi allimpaj qhawasqa kasaj, Diosnillaytaj kallpaypis kanqa.