Nehemías 8:1 - Qheshwa Biblia DC

¹ Chaypacha tukuy ayllu ujllapi tantakorqanku, Yaku Punku nisqaj ñaupaqen plazapi. Yachachej Esdrasmantaj nerqanku Moisespa leynin qelqasqa librota apamunanta, Señorqa Israel aylluman qosqa chayta.

DIOSPA QHELQACHISQAN DEUTEROCANONICAL

¹ Tukuy runakuna uj runa jinalla plazapi, Yaku punkoj ñawpaqenpi tantakorqanku. Chantá yachachej Esdrasta nerqanku: Ama jinachu kay, aparimuy Tata Diospa qosqan qhelqata, mayqentachus Moisesnejta Israelman qosqa, chayta, nispa.

DIOSPA QHELQACHISQ

¹ Tukuy runakuna uj runa jinalla plazapi, Yaku punkoj ñawpaqenpi tantakorqanku. Chantá yachachej Esdrasta nerqanku: Ama jinachu kay, aparimuy Tata Diospa qosqan qhelqata, mayqentachus Moisesnejta Israelman qosqa, chayta, nispa.

Nehemías 8:1 Referans Kwoze

Esdras 7:6

Kay Esdrasqa may umayoj yachachej karqa, Israelpa Señor Diosnin kamachiyta Moisesman qorqa chaymanta sumajta pay yacherqa. Señortaj paywan karqa yanapanampaj, chaynejta rey Artajerjesqa tukuy ima mañasqanta payman qorqa. Chay jinamanta Esdrasqa kutimporqa Babiloniamanta Jerusalenman. Paywantaj kutimporqanku ashkha israelitas. Chaykunamanta wakin karqanku sacerdotes, wakintaj levitas, takejkuna, punkuta qhawajkuna, wakintaj templopi sirvejkuna. Paykunaqa Babiloniamanta llojsimusqanku rey Artajerjes qanchis watataña kamachishajtin.

Nehemías 3:26

Yaku punku nisqa chay chimpamantapacha inti llojsimuynejman jina, chanta chay aswan jatun kaj torretawan. Ofelpi tiyakojkunaqa Diosta yupaychana wasipi ruwajkuna karqanku.

2 Crónicas 34:15

Hilciasqa qelqeri Safanman nerqa: Señorta yupaychana wasipi leymanta librota tarini, nispa. Safanmantaj chay librotaqa jaywapusqa.

Esdras 7:11

Kaytaj rey Artajerjespa cartanqa. Chaytaqa Esdrasman qorqa. Esdrastaj sacerdote karqa; chantapis sumaj yachayniyojtaj Israel Señor qorqa chay tukuy yachachisqasninmanta, kamachisqasninmantawan.

San Mateo 23:34

Chayrayku kachamusaj profetasta, yachayniyojkunata, escribejkunata ima. Qankunataj wakinta wañuchinkichej, wakinta chakatankichej, wakinta wañuchinkichej, wakintataj sinagogasniykichejpi jasut'inkichej, wakintarí llajtamanta llajta qhatiykachankichej.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

San Mateo 13:52

Jesustaj paykunaman nillarqataj: Chayrayku, pi leymanta yachachejpis, janaj pacha reinomanta yachajqa, rijch'akun uj familiayoj runaman, pichus waqaychananmanta orqhomun mosojkunata, mauk'asta ima.

Malaquías 4:4

Horeb nisqa orqopi, kamachiy Moisés kamachiyniykunata qorqani, chaykunamanta yuyarikuychej. Chay kamachisqasniytaqa tukuynin Israel runas junt'ananku karqa.

Isaías 8:20

Chayrayku kutiriychej leyman, imatachus yachachisqaymanwan. Sichus mana chayman jinachu nenqanku chayqa, paykunapi mana cheqa kaj kanchu.

Nehemías 12:37

Juturi Punku nisqa chaynejta rispa perqa patanta, wicharerqanku Davidpa llajtanman wicharina gradanta, Davidpa palacionninmanta patanejmantapacha Yaku Punku nisqakama, chayqa inti llojsimuynejpi jina kashan.

Nehemías 8:16

Runasqa llojserqanku, kutimuspataj sach'a ramaswan ramadasta ruwarakorqanku wasi pataspi, patiospi, Diosta yupaychana wasimpa patiompipis, Yaku Punku nisqa plazapipis, Efraín Punku nisqa plazapipis.

Jueces 20:8

Uj runa jinalla tukuyninku sayarikuspa nerqanku: Ni mayqenninchej carpasninchejman chayri wasisninchejman kutiripusunchu.

Jueces 20:1

Chaypacha tukuy israelitasqa Danmantapacha Beersebakama jinataj Galaadkama uj runa jinalla Señorpa ñaupaqempi tantaykukorqanku Mizpa llajtapi.

2 Crónicas 34:30

Chaymantataj reyqa, jinataj Judamanta, Jerusalenmantawan tukuy runaswan, sacerdoteswan, levitaswan, tukuy nacionmanta kajkunapiwan, juch'uymanta jatunkama Señorpa yupaychana wasinman rerqanku. Chaypitaj reyqa jatunmanta leerqa Señorpa wasimpi tarisqanku chay trato ruwasqa librota.

Esdras 7:10

Esdrastaj, sumajta unanchakorqa Señorpa kamachiyninta allintapuni yachaykuyta, chanta junt'aytataj. Chantapis israelitasman yachachiyta Señorpa kamachisqasninta yachachisqasnintawan.

Nehemías 8:3

Sut'iyaymantapacha chaupi p'unchaykama tukuypa ñaupaqempi leerqa, Yaku Punku nisqaj ñaupaqen plazapi. Tukuy ayllustaj sumajta uyarisharqanku chay leyniyoj qelqasqa libromanta leesqankuta.

Levítico 9:5

Israelitasqa chay tukuyta Moisespa kamachisqanta apamorqanku Dioswan tinkukuna toldo punkuman. Chaymantataj tukuynin israelitas qayllaspa sayarqanku Señorpa ñaupaqempi.

2 Reyes 23:2

Reytaj Señorpa wasinman wicharerqa Judamanta runaswan, Jerusalempi tiyakojkunawan, profetaswan, sacerdoteswan, tukuynin nacionnintinwan juch'uymanta jatunkama. Chaypitaj reyqa paykunaj uyarinankuta leerqa Diospa trato ruwasqan librota, Señorpa wasimpi tarisqanku chaymanta.

Esdras 7:1

Chaymantataj Persiapi rey Artajerjes kamachishajtin, uj runa karqa Esdras sutiyoj. Payta Seraiaspa wawan karqa. Seraiastaj Azariaspa wawan. Azariastaj Hilciaspa wawan.

Nehemías 12:26

Kaykunaqa kausarqanku Josadacpa allchhin Josuejpa wawan Joacimpa tiemposnimpi, jinataj kamachej Nehemiaspa tiempompi, sacerdote yachachej Esdraspa tiempompi ima.