Nehemías 6:12 - Qheshwa Biblia DC

¹² Chay jawaqa repararqani, payqa mana Diospa nisqantachu parlawasqanta. Manachayqa chay tukuyta nisharqa Sanbalat, jinataj Tobías pakaymanta lluk'iykusqanrayku.

DIOSPA QHELQACHISQAN DEUTEROCANONICAL

¹² Chay jawaqa repararqani payqa mana Diospa nisqantachu parlawasqanta. Manachayqa chay tukuyta nisharqa Sambalat, Tobías ima lluk'iykusqankurayku.

DIOSPA QHELQACHISQ

¹² Chay jawaqa repararqani payqa mana Diospa nisqantachu parlawasqanta. Manachayqa chay tukuyta nisharqa Sambalat, Tobías ima lluk'iykusqankurayku.

Nehemías 6:12 Referans Kwoze

Ezequiel 13:22

Qankunaqa llullirioswan cheqa kausaypi kaj runasta manchachinkichej. Noqaqa mana munarqanichu chay jinata ruwaytaqa. Astawanqa, sonqochankichej sajra sonqoyoj runasta, umachankichejtaj ama t'aqakunankuta sajra puriyninkumanta, ajinamanta noqa paykunata ama kausachinaypaj.

Apocalipsis 18:13

Chaymantataj karqa canela, q'apaykuna, incienso, mirra, q'apaj jawina, vino, aceite, suysusqa jak'u, trigo, wakas, ovejas, caballos, carrostaj, kamachistaj, runaspa almasnin ima.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

1 Pedro 5:2

Qankuna ukhupi kashanku, chay Diospa t'aqa ovejasninta michiychej, allinta paykunata qhawaspa, ama kamachisqas jinachu, astawanqa munayniykichejman jina; nitaj qolqeta mask'aspachu; manachayqa ancha munakuywan; chay churasqas kashanku qhawanaykichejpaj; ama qankunajtapis kanman jinachu kamachiychej, astawanqa, ovejas qankunamanta yachakunankupaj jina allinta puriychej.

Tito 1:7

Iglesiapi uma kajqa mana k'amina kanan tiyan, Diospa mayordomon jina, mana jatunchakoj, mana usqhayllata phiñakoj, mana machaj, mana maqanakoj, nitaj qolqeta munapayaj.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

1 Corintios 12:10

Ujmanqa qon milagrosta ruwanampaj; ujmantaj Diosmanta sut'inchanampaj; ujmantaj imayna espirituchus kasqanta rejsinampaj; ujmantaj imaymana parlaykunata parlanampaj; ujmantaj qon, waj parlaykunapi parlasqankuta sut'inchanampaj.

1 Corintios 2:15

Pichus Espirituman jina kajqa, atin juzgayta tukuy imata; manataj paytaqa pipis juzgayta atinmanchu.

Hechos 20:33

Mana pejpa qolqenta, qorinta, nitaj p'achanta munapayarqanichu.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Ezequiel 13:19

Qankunaqa, aylluy ukhupi p'enqaypi rikhurichiwankichej, uj jich'i cebadarayku, uj juch'uy t'antaraykutaj kausanampaj karqa chay runata wañuchispa, wañunan karqa chay runatataj kausachispa. Ajinata aylluyta ch'aukiyankichej llullata kasusqanrayku.

Ezequiel 13:7

Mosqoypi jina rikusqaykichejqa qhasi manakaj kanku. Profeta jina parlasqaykichejqa llullalla. Noqamanta parlasqaykichejta ninkichej, noqataj mana imatapis nerqanichu.

Jeremías 28:15

Chaypacha Jeremiasqa Hananiasman nerqa: Uyariy, Hananías. Señorqa mana kachamusunkichu. Qanrí uj llulleriosllata kay aylluman creechishanki.

Jeremías 23:25

Uyarini chay profetaspa llullakusqankuta, pischus sutiypi parlayta munanku, nishankutaj noqa paykunawan parlasqayta.

Jeremías 23:16

Tukuy Atiyniyoj Señorqa nin: Israelitas ama akasuychejchu profetaspa nisqasninkuta; imaraykuchus paykunaj nisqasninkoqa llullaslla kanku. Paykunaj kikinkoj umachakusqasnillankuta willarashanku, manataj noqa willasqasniytachu.

Jeremías 14:14

Chaypacha Señorqa kutichiwarqa: Chay tukuy imasta profetas sutiypi nishanku chayqa, llullalla. Mana noqaqa chay profetasta kachamunichu, nitaj kamachinichu, ni parlallanipischu paykunawanqa. Chaykunaqa llulla sut'inchaykunas kanku. Chaykunaqa llulla rikuykunasniyoj kanku, ch'aukiyaypi rikuchiykunas kanku, sonqonkoj munasqanman jinalla chaykunataqa jatarichinku. Sonqonkoj yuyasqallanta chay profetasqa willasunkichej.

Isaías 56:11

Alqos jina mana sajsayta atej kanku. Paykuna michejkuna kashaspapis mana yuyayniyoj wampus kanku; sapa ujninku imatachá munasqankuta ruwaspa purinku, sapa ujninku imachá paykunapaj allin kajllata mask'anku munasqankuman jina.

1 Juan 4:1

Munakusqasníy, ama pillatapis Diospa yuyaychasqan kani nejkunataqa creeychejchu; allintaraj paykunata rejsiychej Diosmantachus kanku, manachus chayta, imaraykuchus ashkha llulla profetas tukuynejpi rikhurishanku.

Nehemías 6:11

Noqataj kuticherqani: Noqa jina runasqa mana ayqenkuchu, nitaj Diosta yupaychana wasiman ayqeykunkuchu kausayninkuta salvakunankuraykullaqa. Noqaqa mana pakakusajchu, nispa.

Nehemías 6:13

Chayta lluk'iykorqanku noqata mancharichinawankurayku, jinamanta juchallichinawankupaj. Chay jinamanta sajrapi rikhurinaypaj, p'enqaypitaj rikhurichinawanrayku.