Nehemías 5:13 - Qheshwa Biblia DC

¹³ Chay jawaqa p'achayta thalarikuspa nerqani: Ajinata Diosman junt'ajkunata wasiykichejmanta jawaman thalarpayachun, jinallataj llank'anaykichejmantapis. Ajinata Dios qharqochun mana imayojta. Tukuy runastaj kuticherqanku: Ajina kachun nispa. Señortataj yupaycharqanku. Runasqa chay nisqankuta junt'arqanku.

DIOSPA QHELQACHISQAN DEUTEROCANONICAL

¹³ Chay jawaqa p'achayta thalarikuspa, nerqani: Ajinata Diosqa pichus kay nisqanta mana junt'ajta wasinmanta wijch'urparichun, chay runataj mana ni imayoj rikhurichun, nispa. Chantá tukuy runakuna nerqanku: Ajina kachun, nispa. Tata Diostataj yupaycharqanku, nisqankutataj junt'arqanku.

DIOSPA QHELQACHISQ

¹³ Chay jawaqa p'achayta thalarikuspa, nerqani: Ajinata Diosqa pichus kay nisqanta mana junt'ajta wasinmanta wijch'urparichun, chay runataj mana ni imayoj rikhurichun, nispa. Chantá tukuy runakuna nerqanku: Ajina kachun, nispa. Tata Diostataj yupaycharqanku, nisqankutataj junt'arqanku.

Nehemías 5:13 Referans Kwoze

Hechos 18:6

Paykuna Diospaj sajrata rimaspa churanakojtinkutaj, Pabloqa p'achasninta thalarakuspa paykunaman nerqa: Yawarniykichej pataykichejpi kachun. Noqaqa mana juchayojchu kani. Kunanmantapachataj gentilespaman ripusaj.

San Mateo 10:14

Pillapis wasinkuman mana yaykuchisunkichejmanchu, nitaj parlasqaykichejtapis uyarisunkichejmanchu chayqa, chay wasimanta, chayrí chay llajtamanta llojsiychej, chakisniykichejmanta jallp'ata thalarakuspa.

1 Crónicas 16:36

Bendicisqa kachun Israelpa Señor Diosnenqa wiñay wiñaynintimpaj! Tukuynin ayllutaj kuticherqa, ajina kachun, nispa. Señortataj yupaycharqanku.

Hechos 13:51

Apostolestaj paykunaj contrampi, chakisninkumanta jallp'ata thalarakuspa, Iconioman riporqanku.

Eclesiastés 5:5

Chaynejta, mana junt'anapajqa mana imatapis ruwasaj ninachu.

Salmos 119:106

Cheqan nisqaykita junt'asaj nispa jurarqani; kunanqa chayman jina junt'asaj.

Salmos 76:11

Qankunataj, allinta ruwasaj, niychej Señor Diosniykichejman, junt'aychejtaj ruwasaj nisqaykichejta. Qankuna, muyuynimpi kajkuna, manchachikuna Diosman jaywana kajta jaywaychej.

Salmos 50:14

Diosman uywa wañuchisqata jaywasqaykeqa agradecekusqayki kachun, patapi kaj Diosman junt'ay.

Nehemías 8:6

Chaypacha Esdrasqa Tukuy Atiyniyoj Señor Diosta yupaycharqa, tukuy ayllutaj makisninkuta patata oqharispa kuticherqanku: Ajina kachun, ajina kachun, nispa. Chaymantataj pampakama k'umuykuspa Señorta yupaycharqanku.

2 Reyes 23:3

Chanta reyqa pilar chaynejpi sayarikuspa Señorpa ñaupaqempi tratota ruwarqa, nerqataj Señorpa qhepanta rinanta, waqaychaspa kamachisqasninta, leykunasninta, nisqasnintawan, tukuy sonqowan tukuy yuyayninwantaj. Tukuy runastaj chay tratota junt'anankuta nerqanku.

1 Samuel 15:28

Chaypacha Samuelqa Saulman nerqa: Ajinallatataj Señorpis qanmanta Israelpa reinonta qhechusunki, uj llajta masiyki runaman qopunampaj, chay runataj qanmantaqa aswan allin.

Números 5:22

Chay jasut'eyqa jamusuchun maldicionta apamoj yakuta ujyajtiyki. Chaymantataj warmi kutichenqa: Ajina kachun, nispa.

1 Corintios 14:16

Qanchus Diosta espiritullawan yupaychawaj chayqa, mana creejqa, imaynatataj “Amén” ninman, graciasta qoshajtiyki, mana yachaspa imatachus nisqaykita?

Proverbios 28:4

Leymanta t'aqakojkunaqa, sajra runata alabanku; leyta junt'ajkunarí, chay runaj contrampi kashanku.