Nehemías 5:1 - Qheshwa Biblia DC

¹ Chay tiempopi judíos ayllumanta kajkuna mayta rimanakorqanku, paykuna, jinataj warmisninkupis chay llajta masisninku judiospa contranta.

DIOSPA QHELQACHISQAN DEUTEROCANONICAL

¹ Chaymanta qhepaman judiokuna ukhupi ch'ajwa rikhurerqa, warmikunataj qharikunataj chay llajta masinku judiokunajpa contrankuta rimarqanku.

DIOSPA QHELQACHISQ

¹ Chaymanta qhepaman judiokuna ukhupi ch'ajwa rikhurerqa, warmikunataj qharikunataj chay llajta masinku judiokunajpa contrankuta rimarqanku.

Nehemías 5:1 Referans Kwoze

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Santiago 5:4

Qankunataj mana pagarqankichejchu, chajraykichejpi llank'ajkunaman cosechata oqharispa, ch'aukiyasqas kasqankurayku. Chay cosechata oqharejkunataj qhaparishanku contraykichejpi; chaytaj atiyniyoj Señorpa ningrinman chayan.

Hechos 7:26

Q'ayantintaj Moisés rikorqa israelitas maqanakushajta. Allinyachiyta munaspataj paykunaman nerqa: Qhari masis, qankunaqa wauqes kankichej, imaraykutaj qankunapura maqanakushankichejri?

San Lucas 18:7

Manachu Diosqa, ajllasqasnin tuta p'unchay paymanta mañakojkunapaj, justiciata ruwanqa? Unaytarajchu suyachikunman?

Job 34:28

Paykunaqa chayta ruwaspa wajchaspa waqayninta, pisichikojkunaj waqayninta ima Diosman uyaricherqanku, Diostaj chay wajchasta uyarerqa.

Éxodo 3:7

Señortaj nillarqapuni: Cheqamanta noqa rikuni imaynatachus aylluy Egiptopi ñak'arisqanta. Uyarini mayta qhaparikusqankuta capatazkuna jasut'isqankurayku; allinta yachani ñak'arisqankuta.

Nehemías 4:23

Chaywampis ni noqa, nitaj aylluypis, nitaj yanapajkunapis, nitaj noqawan karqanku chay soldadospis p'achasniykutaqa lluch'ukorqaykuchu, sapa ujninkutaj makinkupi lanza jap'irisqa kasharqanku.

Jeremías 34:8

Señorqa Jeremiasman parlaykullarqataj, rey Sedequías Jerusalempi tukuy tiyakojkunawan, chay kamachis kacharichisqas kanankumanta, tratota ruwasqankumanta qhepata.

Ezequiel 45:9

Señorqa kay jinata nin: Kaykamalla kachun Israelpi kamachejkuna! Ama astawan mana allin kajta ruwaychejchu, nitaj mana kajmantapis orqhoychejchu. Cheqa kajman jina puriychej, cheqantataj imatapis ruwaychej. Amaña runasniymanta jallp'ankuta suwaychejchu. Noqa Señor kaytaqa kamachini.

Malaquías 2:13

Qankunataj chaymantapis aswan imastaraj ruwankichej. Señorpa altarninta waqaywan p'ampaykunkichej, jatun ayqoywantaj waqankichej, imaraykuchus Señorqa ofrendaykichejta manaña tukuy sonqowanchu jap'ikun.