Nehemías 4:2 - Qheshwa Biblia DC

² Llajta masisnimpa ñaupaqempi, Samariamanta soldadospa ñaupaqempiwan, kay jinata nerqa: Imatataj ruwayta yuyanku kay yarqhaymanta wañushaj judiosri? Ujtawanchu yuyasqanku uywa wañuchisqata jaywayta? Chayri uj diallapichu perqa oqhariyta, tukuytataj yuyanku? Chayri chay raqay ruphasqa qollusmantachu mosoj rumista orqhoyta yuyanku?

DIOSPA QHELQACHISQAN DEUTEROCANONICAL

² Llajta masinkoj ñawpaqenpi, Samariamanta soldadokunaj ñawpaqenkupiwan kay jinata nerqa: Imatataj kay yarqhaymanta wañusqa judiokuna ruwayta yuyankuri? Yuyarqankuchu ujtawan uywa ñak'asqata jaywayta? Chayrí uj p'unchayllapichu perqa oqhariyta tukuychayta yuyanku? Chayrí yuyankuchu laqaya ukhumanta mosoj rumita orqhoyta? nispa.

DIOSPA QHELQACHISQ

² Llajta masinkoj ñawpaqenpi, Samariamanta soldadokunaj ñawpaqenkupiwan kay jinata nerqa: Imatataj kay yarqhaymanta wañusqa judiokuna ruwayta yuyankuri? Yuyarqankuchu ujtawan uywa ñak'asqata jaywayta? Chayrí uj p'unchayllapichu perqa oqhariyta tukuychayta yuyanku? Chayrí yuyankuchu laqaya ukhumanta mosoj rumita orqhoyta? nispa.

Nehemías 4:2 Referans Kwoze

1 Corintios 1:27

Diostaj ajllarqa kay pachapi wampu kajta, yachayniyojkunata p'enqachinampaj; kay pachapi pisi kallpayojtataj Diosqa ajllarqa, sinch'i kallpayojkunata p'enqachinampaj; kay pachamanta mana walej kajta, qhesachasqata, mana kasqanta ajllarqa, kajtapis chinkachinampaj, ama pipis Diospa ñaupaqempi, may wapu runaykachanampaj.

Zacarías 12:8

Noqa Señor waqaychasaj Jerusalempi tiyakojkunata. Aswan kallpayoj kajkunamanta rey David jina kallpasapasman tukonqanku, Davidpa ayllunmanta kajkunataj Dios jina karenqanku, Señorpa angelnin jinataj paykunaj ñaupaqenkuta renqanku.

Habacuc 3:2

Qanmanta uyarisqasniy, ruwasqasniykimantapis yachasqasneyqa, astawan manchachiywan ñaupaqeykipi apawan. Kunan ruwallaytaj, kausayniykupi chay ñaupa tiempospi jina ruwasqasniykita, jinamanta noqaykupis chay ruwasqasniykita rejsinaykupaj. Ajinamanta, chay phiñakuyniykipi rikuchiwayku khuyakuyniykita.

Nehemías 12:43

Chay p'unchaypi ashkha uywa wañuchisqasta jaywarqanku, runastaj mayta kusikorqanku Dios paykunaman jatun kusiyta qosqanrayku. Warmiswan wawaswampis sinch'itapuni kusikusharqanku. Jerusalempi kusikusqankoqa karumantapacha uyarikorqa.

Nehemías 4:10

Judamanta runastaj nerqanku: Q'epejkunajta kallpanku pisiyanña. Chay chhika perqa urmasqasqa mana ruway atina jina, manaña ruwayta atiykuchu.

Nehemías 12:27

Jerusalén perqata Diosman jaywana p'unchay chayamojtinkamataj, tukuynejpi levitasta mask'arqanku, maypichus tiyakusqasninkupi ima. Tarispataj Jerusalenman pusarqanku Diosman perqata jaywanankupaj, kusiywan, takiykunaswan, yupaychaykunaswan ch'ajwarispa platillosta arpasta, lirastapis.

Nehemías 6:15

Chay perqaqa tukusqa karqa Elul killamanta iskay chunka phishqayoj p'unchaynimpi. Chaytataj ruwarqayku phishqa chunka iskayniyoj diaspi.

Zacarías 4:10

Piskunachus cheqamanta mana uyarerqankuchu, chay mana kasuna imaswan qallarikushajtin, chaykunaqa kunanqa Zorobabelpa tukuychasqanta rikuspa kusikonqanku. Chaymantataj ángel nillawarqataj: Kay qanchis k'anchaykunasqa Señorpa ñawisninmin, tukuy jallp'ata qhawashan chay.

Esdras 4:4

Chaymanta chay jallp'api tiyakoj runasqa, Judamanta kaj runasta iskayrayacherqanku, manchacherqankutaj, templotaqa ama ruwanankupaj.

Salmos 83:4

Jamuspa tukuchiyta munawanchej, amaña llajta jina kananchejpaj, amaña Israel suti uyarisqa kanampaj.

Daniel (hebreo) 9:25

Kayta yachay; unanchaytaj: Jerusalén llajta watejmanta ruwakunampaj kamachisqa kanqa chay ratomantapacha. Kamachej Mesías chayamunankamaqa, qanchis semanas kanqa. Chanta Jerusalempa callesnin, muyuynimpi perqasnimpis watejmanta ruwasqas kanankamataj, sojta chunka iskayniyoj semanas kanqa. Chaypachataj manchay llakikuy p'unchaykuna kanqa.