Nehemías 4:14 - Qheshwa Biblia DC

¹⁴ Mancharikusqankuta reparaspa, sayarikuytawan nerqani chay allichaj runasninkuman, jintaj kamachejkunasninkuman, jinataj runasmampis: Ama enemigosniykichejmanta mancharikuychejchu, Señormanta yuyarikuychej may jatun kasqanta, manchachikunataj kasqanta. Maqanakuychej ari llajta masisniykichejrayku, qhari wawasniykichejrayku, warmi wawasniykichejrayku, warmisniykichejrayku, wasisniykichejraykupis, nispa.

DIOSPA QHELQACHISQAN DEUTEROCANONICAL

¹⁴ Jinapis mancharikusqankuta reparaspa, kurajkunata, kamachejkunata, tukuy runata ima tantaykorqani. Chantá paykunata nerqani: Ama chay awqanchejkunata manchachikuychejchu. Yuyarikuychej Tukuyta Kamachej Diosninchejqa may jatun, manchachikunataj kasqanta. Maqanakuychej ari llajta masiykichejrayku, wawaykichejrayku, ususiykichejrayku, warmiykichejrayku, wasiykichejrayku ima, nispa.

DIOSPA QHELQACHISQ

¹⁴ Jinapis mancharikusqankuta reparaspa, kurajkunata, kamachejkunata, tukuy runata ima tantaykorqani. Chantá paykunata nerqani: Ama chay awqanchejkunata manchachikuychejchu. Yuyarikuychej Tukuyta Kamachej Diosninchejqa may jatun, manchachikunataj kasqanta. Maqanakuychej ari llajta masiykichejrayku, wawaykichejrayku, ususiykichejrayku, warmiykichejrayku, wasiykichejrayku ima, nispa.

Nehemías 4:14 Referans Kwoze

2 Samuel 10:12

Kallpachakuy, jallp'anchejrayku, jinataj Diosninchejpa llajtasninraykutaj sinch'ita maqanakunachej. Señortaj munasqanman jina ruwachun!

Números 14:9

Chayrayku ama Señorpa contranta oqharikuychejchu, amataj manchachikuychejchu chay jallp'api kaj runasmanta. Paykunataqa t'antatapis mikhushasunman jina atipasun. Paykunamanta jark'akojqa mana pipis kanchu, noqanchejwanri Señor kashan. Chayrayku ama manchachikuychejchu.

Hebreos 13:6

Chayrayku tukuy sonqo niyta atinchej: Señorqa yanapawajniy, mana manchachikusajchu, imanawanqataj runari?

San Mateo 10:28

Ama manchachikuychejchu cuerpota wañuchejkunata, imaraykuchus almataqa mana wañuchiyta atinkuchu. Astawanqa, pichus cuerpota, almatapis infiernoman wijch'uykuyta atin, chayta manchachikuychej.

Salmos 66:3

Diosman takiychej: Ruwasqasniykeqa may sumajpuni. Jatun atiyniykirayku, enemigosniykeqa ñaupaqeykipi mancharisqas urmanku.

Salmos 65:5

Salvawajniyku Dios, qan uyariwayku, may sumaj cheqanta ruwaspa. Mundontimpi kaj runasqa qampi suyanku. Karupi kaj mar qochapis qampi suyakun.

Salmos 20:7

Ujkunaqa guerra carretasninkuman atienekunku, wajkunataj caballosninkuman. Noqanchejri Señor Diosninchejman atienekusunchej.

Nehemías 1:5

Nerqanitaj: Señor, janaj pachapi kaj Diosníy, qanqa jatun Dios atiyniyoj manchachikunataj kanki. Qanqa trato ruwasqaykitaqa sumajta jallch'anki. Jinataj munakusojkunatapis, kamachiykita junt'ajkunatapis mana jayk'aj saqenkichu.

2 Crónicas 32:7

Kallpachakuychej, wapuchakuychejtaj. Ama mancharikuychejchu, nitaj iskayrayaychejchu Asiria reypa ñaupaqempi; chay ashkha soldadosnimpa ñaupaqempipis. Noqanchejpataqa aswan ashkharaj tiyapuwanchej paypamanta nisqaqa.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Deuteronomio 10:17

Señor Diosniykichejqa dioskunaj Diosnin, señorkunaj Señornin. Payqa jatun Dios, atiyniyoj manchachikunataj. Tukuyta kikin munakuyllawan qhawan. Ni ima t'inkaswampis rantichikunchu.

Deuteronomio 1:21

Kunanqa Señor Diosniykichej kay jallp'asta qopusunkichej. Chayman wichariychej, dueñochakuychejtaj, ñaupa tatasniykichejpa Señor Diosninku kamachisqanman jina, ama manchachikuychejchu, nitaj kharkatitiychejchu.

Salmos 143:5

Ñaupajmanta yuyarikuni, tukuy ruwasqasniykipi yuyarikuni.

Salmos 66:5

Jamuychej, Diospa ruwasqasninta qhawanaykichejpaj, runasrayku chay jina sumaj ruwasqasninta.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 27:1

Señorqa k'anchawajniy, salvawajniytaj. Pimantataj manchachikuymanri? Señorqa kausayniyta jark'awan.

Job 37:22

Patamanta qori jina ch'ipeqerimun, Dios manchay jatun atiyninta rikuchejtin.

Eclesiastés 12:1

Wayna kashaspa ruwajniykimanta yuyarikuy, amaraj sajra p'unchaykuna jamushasojtin. Chay watas chayamusojtintaj ama ninaykipaj: Mana chaykunapeqa kausayta tarinichu, nispa.

Éxodo 14:14

Qankunaqa ama chaymanta llakikuychejchu, Señorlla cuentaykichejmanta maqanakonqa.

Éxodo 14:25

Carrosninkoj ruedasnin urmararqa, umankupis muyusqa jina kajtin manaña ñaupajman riyta aterqankuchu. Chaymanta egipciosqa ninakorqanku: Ayqekunachej israelitaspa ñaupaqenmanta, Señor maqanakushan paykunapaj sayakuspa noqanchejpa contranchejta.

Jueces 3:27

Israel jallp'aman chayaspañaqa, Efraín orqosnimpi putututa waqacherqa israelitasta wajyaspa. Tukuynin israelitastaj chay orqosmanta uraykamorqanku, Aodtaj ñaupaqenkuta rerqa.

Daniel (hebreo) 11:32

Reyqa misk'i palabrasllawan, Diospa trato ruwasqanta p'akejkunata, payta qhatejkunaman tukucherqa. Diosta munakojkunataj cheqampi sayanqanku, maychus kajtataj ruwaspa.

Zacarías 14:3

Jinapis chay qhepantaqa Señor llojsimonqa chay nacionespa contrampi, imaynatachus chay ñaupa maqanaku p'unchaykunapi ruwarqa ajinata.