Nehemías 2:19 - Qheshwa Biblia DC

¹⁹ Horonmanta Sanbalatwan, kamachej amonita Tobiaswan, chanta árabe Gesempis chayta yachaspa noqanchejmanta asiykukuwarqayku, qhesachaspataj niwarqayku: Imatataj pakaymanta ruwanayashankichejri? Reypa contrampichu oqharikuyta munashankichej?, nispa.

DIOSPA QHELQACHISQAN DEUTEROCANONICAL

¹⁹ Jinapi Horonmanta Sambalat, kamachej amonita Tobiaswan, chantá Arabia llajtayoj Guesenpis chayta yachaspa, noqaykumanta asiykukuwarqayku, pisipaj qhawaspataj, niwarqayku: Imatataj pakaymanta ruwanayashankichejri? Kuraj kamachejpa contranpichu oqharikuyta munashankichej? nispa.

DIOSPA QHELQACHISQ

¹⁹ Jinapi Horonmanta Sambalat, kamachej amonita Tobiaswan, chantá Arabia llajtayoj Guesenpis chayta yachaspa, noqaykumanta asiykukuwarqayku, pisipaj qhawaspataj, niwarqayku: Imatataj pakaymanta ruwanayashankichejri? Kuraj kamachejpa contranpichu oqharikuyta munashankichej? nispa.

Nehemías 2:19 Referans Kwoze

Nehemías 6:6

Chay cartaqa kay jinata nerqa: Runas parlashanku, chanta Gesempis nillantaj, qan, jinataj judiospis yuyashankichej reypa contrampi oqharikuyta. Chayraykutaj perqata watejmanta oqharichishankichej. Chay nisqasninkuman jinaqa qan reyninku kanki.

Marcos 5:40

Chayta nisqantawantaj asikorqanku; Jesustaj runasta jawaman llojsichispa, pusaykorqa wawaj tatanta, mamanta, paywan kajkunatawan; yaykorqataj maypichus wawa kasharqa chayman.

Hebreos 11:36

Wakinkuna asipayachikorqanku jasut'ichikorqan kutaj; astawanqa carcelespi watasqas wisq'achikorqanku.

Hechos 24:5

Noqayku yachayku kay runaqa sajra kasqanta. Tukuy llajtaspitaj judiosta ch'ajwachin. Paytaj nazarenospa t'aqanta umachan.

San Juan 19:12

Chaymantapacha Pilatoqa Jesusta kachariyta munasharqa; judiostaj qhaparerqanku: Chay runatachus kacharinki chayqa, mana Cesarpa amigonchu kanki; pillapis rey ruwakojqa, Cesarpa contrampi.

San Lucas 23:2

Chaypitaj ch'ataykuyta qallarerqanku, nispa: Kaytaqa taripayku runasta ch'ajwachishajta; manataj munanchu kamachejman impuestota qonata. Pay kikintaj nin Cristo reytaj kasqanta.

Jeremías 20:8

Parlani chayqa, ñak'ariymanta, jinataj wañuymantapuni parlani, chayraykutaj sapa kuti toreawanku, asiykakamuwankutaj, palabrasniykita willarasqayrayku.

Salmos 80:6

Qayllaykupi kajkunaj kusipayananta ruwawayku, enemigosniykutaj noqaykumanta asikunku.

Salmos 79:4

Qayllaykupi kajkunaj asipayanan kayku, muyuyniykupi kajkunaj asikunantaj.

Job 30:1

Kunanqa, noqamanta aswan wayna kajkuna asikuwanku, chaykunaj tatasninkuta noqaqa mana jap'iymanchu karqa, uywasniyta qhawaj alqoswan kanankupajpis.

Nehemías 6:9

Paykunaqa mancharichiyta munawarqanku jinamanta iskayrayanaykupaj, manataj llank'anata tukuychanaykupaj; chaywampis noqaqa aswan kallpawanraj ruwarqani.

Nehemías 4:1

Sanbalatqa noqayku watejmanta perqata jatarichishasqaykuta yachaspa sinch'ita phiñarikorqa. Chayrayku judiosmanta asiykukuyta qallarerqa.

Nehemías 2:10

Horonmanta Sanbalatwan, kamachej amonita Tobiaswan, chayta yachaspa sinch'ita phiñakorqanku, israelitasta allinman yanapayta munaspa chayamojpaj.

San Mateo 9:24

Nerqataj: Ithiriychej, sipasqa mana wañusqachu, payqa puñushallan. Runastaj Jesusta asipayarqanku.

Nehemías 13:28

Kuraj kaj sacerdote Eliasibpa wawan Joiadaj wawanqa ujnin kaj horonita Sanbalatpa tolqan karqa. Chayta ñaupaqeymanta ayqecherqani.

Salmos 123:4

Sayk'usqaña kayku qhapajkuna alqochakuwasqaykuwan, may kasqankuta yuyakojkunaj qhesachawasqaykuwan.

Jeremías 41:10

Astawampis Ismaelqa reypa warmi wawasninta jap'iracherqa, jinallataj Mizpapi qhepakorqankuraj chay runastapis, soldadosta kamachej Nabuzaradán, Gedaliaspa kamachin uraman churaykusqa chaykunata. Ismaelqa presosta jap'iraytawan ñanta rerqanku Amón jallp'aman chimpanankupaj.

Salmos 80:7

Tukuy Atiyniyoj Diosníy, munay ari ñaupaj kasqaykuman kutirinaykuta. Allin ñawiwan qhawawayku, salvasqataj kasqayku.

Isaías 36:5

Qanqa yuyanki yuyaychasusqanku, parlasusqankupis maqanakupaj sumaj kasqanta. Chay palabrasqa qhasi manakajlla kanku. Kunan qanqa, pipitaj atienekunki noqaj contraypi oqharikunaykipajri?