Nehemías 2:12 - Qheshwa Biblia DC

¹² Chaymantaqa tuta jatarikorqani noqawan rej wakin runaswan, manataj pimampis nerqanichu imatachus Dios sonqoyman churawasqanta Jerusalempi ruwanaypaj chaymantaqa. Mana waj caballostaqa aparqanichu, mayqempichus purisharqani chayllata aparqani.

DIOSPA QHELQACHISQAN DEUTEROCANONICAL

¹² Chaymantaqa wakinkunawan tuta jatarikorqani, manataj pimanpis willarqanichu, imatachus Dios sonqoyman niwasqanta Jerusalenpi ruwanaypaj. Manataj waj caballokunataqa aparqanichu, purisharqani, chayllata aparqani.

DIOSPA QHELQACHISQ

¹² Chaymantaqa wakinkunawan tuta jatarikorqani, manataj pimanpis willarqanichu, imatachus Dios sonqoyman niwasqanta Jerusalenpi ruwanaypaj. Manataj waj caballokunataqa aparqanichu, purisharqani, chayllata aparqani.

Nehemías 2:12 Referans Kwoze

Apocalipsis 17:17

Diosqa sonqonkupi churarqa paypa munayninta ruwanankupaj, uj sonqolla kanankupaj, suyutataj phiña animalman qonankupaj, Diospa nisqan junt'akunankama.

Esdras 7:27

Chaypacha Esdrasqa Diosta yupaycharqa kay jinata: Tatasniykojpata Diosnenqa Señornintaj yupaychasqa kachun, Pay churarqa reypa sonqompi Jerusalempi kaj Señorpa templonta jatunchanampaj.

2 Corintios 8:16

Diosman graciasta qoni, noqaman jinallataj Titomampis sonqonman churasqanmanta, qankunamanta yuyanampaj.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

Jeremías 32:40

Paykunawan uj tratota wiñaypaj ruwasaj: Paykunaman nisaj, manaña jayk'ajpis saqenayta, allinwan rikuyta, yupaychawayta munaywantaj sonqonkuman junt'achisaj ama noqamanta t'aqakunankupaj.

Amós 5:13

Chaynejta yachayniyoj kajqa ch'inllaña kakun, imaraykuchus p'unchaykunaqa ancha sajra.

Eclesiastés 3:7

Uj tiempoqa llik'inapaj, uj tiempotaj siranapaj. Uj tiempoqa ch'inyanapaj, uj tiempotaj parlanapaj.

Salmos 122:6

Jerusalempaj mañaychej sonqo tiyasqa kanampaj, qanta munakusojkunataqa allin richun.

Salmos 51:18

Allinta Sionman ruway, k'acha munakuyniykirayku. Watejmanta oqharillaytaj Jerusalempa perqasninta.

Jueces 9:32

Chayrayku qanwan soldadosniykiwan ima tutallan llojsiychej campomantaj pakaykamuychej.

Jueces 6:27

Chaypacha Gedeonqa chunka kamachisninta pusariykukuspa ruwarqa Señor tukuy imastachus kamachisqanta, mana p'unchaychu ruwarqa manachayqa tutallan, tatampa ayllunta manchachikuspa jinataj chay llajtayoj runastapis.

San Mateo 10:16

Kunanqa, noqa kachashaykichej, ovejasta jina atojkunaj chaupinman. Kataris jina sumaj yuyayniyoj kankichej; palomas jinataj llamp'u sonqosniyoj.

San Mateo 2:14

Josetaj jatariytawankama, wawata mamantawan tutapacha pusarikuspa riporqa Egiptoman.

Miqueas 7:5

Ama creeychu runa masiykej nisqampi, nitaj ni mayqen kausaqeykipipis confiakuychu; warmiykiwan imatachus parlanaykitapis allintaraj umacharikuy;

Josué 10:9

Josuetaj Gilgalmanta tukuy tutantin wicharispa chayarparerqa amorreoswan ujllata maqanakojpacha.

Nehemías 2:11

Jerusalén llajtaman chayamorqani. Chaypitaj kinsa diasta karqani.

Nehemías 2:13

Chay kikin ch'isipacha llojserqani, Valleman llojsina punku nisqa chayninta, chanta Dragón yaku juturi nisqa chayninta, Q'opa jich'ana nisqa chay punkunejman. Qhawarqanitaj Jerusalempa urmasqa perqasninta, ruphasqa punkusnintawan.

Proverbios 12:23

Yachayniyoj runaqa yachayniyoj kasqanwanqa mana runaykachanchu. Wampu runarí sut'ita rikuchin wampu kayninta.