Nehemías 13:15 - Qheshwa Biblia DC

¹⁵ Chay p'unchaykunapi rikullarqanitaj Judá ayllu ukhupi wakin runas samakuna p'unchaypi uvasta sarunaspi sarushasqankuta vinota ruwanankupaj, trigo q'apistapis marq'ashasqankuta. Rikullarqanitaj burrostapis vino chajnasqasniyojta uvas t'isnusniyojta, higokunasniyojta, tukuy laya q'epis chajnasqasniyojta qhatirikuspa Jerusalén llajtaman samakuna p'unchaypi apashajta. Chaypacha k'amerqani chay samakuna p'unchaypi vendenasninkuta vendemushasqankumanta.

DIOSPA QHELQACHISQAN DEUTEROCANONICAL

¹⁵ Chantá rikullarqanitaj Judapi wakinkunaqa samarina p'unchaypi vinota ruwanankupaj uvata sarushajta, trigo marq'atapis astashasqajta ima. Rikullarqanitaj vinota, uvata, higota, tukuy q'epita burrokunaman chajnaspa samarina p'unchaypi Jerusalenman apashajta. Chaypacha paykunata k'amerqani samarina p'unchaypi ranqhasqankumanta.

DIOSPA QHELQACHISQ

¹⁵ Chantá rikullarqanitaj Judapi wakinkunaqa samarina p'unchaypi vinota ruwanankupaj uvata sarushajta, trigo marq'atapis astashasqajta ima. Rikullarqanitaj vinota, uvata, higota, tukuy q'epita burrokunaman chajnaspa samarina p'unchaypi Jerusalenman apashajta. Chaypacha paykunata k'amerqani samarina p'unchaypi ranqhasqankumanta.

Nehemías 13:15 Referans Kwoze

Nehemías 10:31

Chayrayku, kay llajtayoj runasmanta tukuy laya granosta, poqochisqasninkutapis samakuna p'unchaypi, nitaj ni mayqen yuyarikuna fiesta p'unchaypipis, apamuwaykuman chayqa, mana imatapis rantiykumanchu. Ajinallatataj qanchis kaj watapeqa jallp'asninkuta samarichiykuman, manusniyku kajtapis perdonapuykuman.

Nehemías 13:21

Noqataj paykunata k'amerqani: Imaraykutaj qankuna kay perqa wasapi puñurashankichejri? Ujtawanchus jinata ruwankichej chayqa, noqa qankunata presochasqaykichej, nispa. Chaymantapacha manaña ujtawan chay samakuna p'unchaypi jamorqankuchu.

Éxodo 34:21

Sojta diata llank'ankichej, qanchis kaj diapitaj samarikunkichej, tarpuypis kachun, chayri cosechapis kachun.

Isaías 58:13

Sichus samakuna p'unchaypi mana purinkichu, nitaj ajllakusqay p'unchaypi munayniykita ruwankichu, ninkitaj chay p'unchayqa Señorpa sumaj p'unchaynin kasqanta; chay p'unchaypichus payta yupaychanki, mana imatachus munasqaykita ruwaspa, mana qampa munasqaykita mask'aspa, manataj qampa palabrasnillaykitachu parlaspa kanki chayqa, may kusisqa tarikunki Señorman parlaspa; chay jallp'aj jatuchaj orqosninman noqa wicharichisqayki. Noqa mikhuchisqayki tataykej Jacobpa chayaqen jallp'api. Kaytaqa kikin Señorman nisunki.

Ezequiel 20:13

Astawampis israelitasqa ch'in pampapi contrayta sayarerqanku. Mana leyesniyman jinachu purerqanku, kamachisqasniyta qhesacharqanku. Chaykunata junt'aj runaqa kausanqa. Samakunay p'unchaykunasniytaqa manapuni kasuta ruwarqankuchu. Chayrayku noqa nerqani ch'in pampapi paykunata phiñakuyniypi tukuyninkuta chinkachinayta.

Jeremías 17:27

Sichus qankuna kay kamachisniyta mana kasukunkichejchu, chay samakuna p'unchaypi yupaychanawaykichejta, jinataj cargasta Jerusalenman samakuna p'unchaypi mana apaykunatawan mana junt'awankichejchu chayqa, llajtaj punkusninman ninata churasaj, chay ninataj Jerusalempa palaciosninta ruphaykonqa tukuchinankama, manataj pipis thasnuyta atenqachu.

Jeremías 17:24

Señor nillantaj: Cheqamanta kasuwaychej, amapuni samakuna p'unchaypeqa kay llajta punkusnejta cargasta apaychejchu. Chay p'unchaypeqa yupaychawaychej, t'aqasta kachun, amataj ima ruwana kajtapis ruwaychejchu.

Deuteronomio 8:19

Sichus qankuna Señor Diosniykichejta qonqapunkichej, waj dioskunaj qhepantataj rinkichej, yupaychankichejtaj chayqa, noqa cheqamanta niykichej, kunanmantapacha chinkachisqas kankichej.

Éxodo 35:2

Sojta p'unchayta llank'ankichej, qanchis kaj p'unchaypitaj Diosta yupaychaspa samarikunkichej, pillapis chay p'unchaypi llank'ajqa, wañonqa.

Nehemías 9:29

Qantaj k'amej kanki leyesniykita watejmanta junt'aj churakunankuta. Paykunataj may kasqankuta yuyakuspa kamachisniykita mana kasojchu kanku. Nisqasniykitataj p'akej kanku, chay nisqasniykeqa kausayta qonka tukuy chaykunata, ruwajkunaman paykunataj qampa contraykita oqharikuspa, rumi sonqos kaspataj mana kasuta ruwarqankuchu.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

Efesios 4:17

Kayta ari niykichej, anchatapuni mañakuykichej Señorpa sutimpi; amaña wakin gentiles jina purinaykichejta. Paykunaqa qhasita yuyayninkuman jina purinku.

Gálatas 5:3

Ujtawan nini tukuy circuncidasqa kayta munajkunaman, Moisespa leynimpa kamachisqanta ruwananku kasqanta.

Hechos 20:21

Ajinallatataj judiosman, griegosmampis sut'inta willarqani Diosman kutirinankuta, Señorninchej Jesucristopitaj creenankuta.

Hechos 2:40

Ajinata Pedroqa sonqocharqa runakunata, waj ashkha palabraswan kallpachaspataj nerqa: Kay sajra runaj mirayninmanta ayqeychej, nispa.

Miqueas 6:3

Kayta nin Señorqa: Kutichiway ayllúy, imanarqaykitaj, chayri imapitaj phiñacherqaykiri?

Jeremías 42:19

Qankunaman Judá ayllumanta qhepakunkichejraj chaykunaman, Señor kamachisunkichej Egiptoman ama kutinaykichejta. Allinta yachaychej, noqa kunan allinta k'amishaykichej.

Salmos 50:7

Israel ayllúy, uyariway. Tukuy imata qanwan contraykita sut'ita parlasaj. Noqa Dios kani, Diosniykitaj.

2 Crónicas 24:19

Chaywampis Señor kachamorqaraj profetasninta Payman kutirichinankupaj. Chay runastaj mana kasorqankuchu chay profetaspa k'amisqasninkutaqa.

Nehemías 13:16

Chay jawataj llajtamanta wakinkuna Tiro llajtapi tiyakuspa, challwasta tukuy laya vendenastapia apamoj kanku chay samakuna p'unchaypi Jerusalempi judiosman vendenankupaj.

Proverbios 28:4

Leymanta t'aqakojkunaqa, sajra runata alabanku; leyta junt'ajkunarí, chay runaj contrampi kashanku.

Amós 8:5

Qankuna ninkichej: Mayk'ajllañataj mosoj killa fiesta chayamonqa chay qhepata trigota vendenanchejpajri? Mayk'ajllañataj samakuna p'unchay chayamonqa chay qhepata trigota ashkhapi, pisitataj, chanta mana allin pesaspitaj vendenanchejpajri?

Éxodo 31:12

Ujtawan Señorqa Moisesman parlallarqataj: Israelitasman willanki kay jinata: Cheqamanta qankunaqa waqaychankichej samarikuna p'unchayniyta; imaraykuchus chay p'unchayqa uj señal noqawan qankunawan mirayniykichejwan ima uj tratota ruwasqanchejmanta, yachanaykichejpaj noqa Señor qankunata ajllasqayta.

Éxodo 31:16

Ajinata israelitasqa samarikuna p'unchayta waqaychanqanku, uj trato ruwasqa kasqanrayku wiñaypaj.

Nehemías 10:32

Ajinallatataj nerqayku, sapa wata tawa gramos qolqeta qonaykutapuni Diosniykoj yupaychana wasinta yanapanapaj.

Job 39:12

Creenkichu cosechasniykita oqharipusunanta, granostataj eraman tantapusunanta?