Nehemías 13:13 - Qheshwa Biblia DC

¹³ Chaymantataj chay jallch'ana wasista qhawanankupaj churarqani sacerdote Selemiasta, qelqeri Sadocta, uj levita runatawan Pedaías sutiyojta. Paykunata yanapanampajtaj churarqani Hananta, payqa karqa Zacurpa wawan, Mataniaspa allchhintaj, allin sonqoyoj runas kasqankurayku. Paykunata churarqani, jinallataj llank'aj masisninkumampis mikhuykunata rak'iranankupaj.

DIOSPA QHELQACHISQAN DEUTEROCANONICAL

¹³ Jinataj jallch'ana wasikunata qhawanankupaj churarqani sacerdote Selemiasta, qhelqeri Sadocta, uj levita Pedaiasta ima. Paykunata yanapananpajtaj Jananta churarqani. Pay karqa Zacurpa churin, Mataniaspa allchhintaj. Paykuna allin sonqoyoj atinikunapaj jina kasqankurayku, paykunata churarqani masinkuman mikhuykunata rak'iranankupaj.

DIOSPA QHELQACHISQ

¹³ Jinataj jallch'ana wasikunata qhawanankupaj churarqani sacerdote Selemiasta, qhelqeri Sadocta, uj levita Pedaiasta ima. Paykunata yanapananpajtaj Jananta churarqani. Pay karqa Zacurpa churin, Mataniaspa allchhintaj. Paykuna allin sonqoyoj atinikunapaj jina kasqankurayku, paykunata churarqani masinkuman mikhuykunata rak'iranankupaj.

Nehemías 13:13 Referans Kwoze

Nehemías 7:2

Chaymantataj hermanoy Hananita Jerusalempi kamachinampaj churarqani. Hananiastapis Jerusalempa pakakuna sinch'ichaspa wasinta qhawanampaj churarqani. Hananiasqa k'acha runa karqa waj runasmanta nisqaqa, Diostaqa astawan manchachikoj.

2 Reyes 22:7

Amataj paykunamanta mañankichejchu mashkhatachus gastasqankumanta, imaraykuchus paykunaqa cheqan sonqowan apaykachashanku.

1 Corintios 4:2

Kunanqa sapa uj mayordomo junt'achun ruwananta.

Hechos 6:3

Chayrayku hermanos, ajllaychej ari qankuna ukhumanta qanchis qharista, allin kausayniyojta, Santo Espirituwan junt'asqasta, yachayniyojkunatataj mikhunata rak'inankupaj.

Hechos 6:1

Chay p'unchaykunapi creejkuna ashkhayashajtinku, helenistas thutusharqanku hebreospa contranta, viudasninku mana allin yanapasqas kasqankumanta, sapa p'unchay mikhuna rak'inapi.

Nehemías 12:44

Chay tiempopi runasta churarqanku waqaychana wasispi jallch'achinankupaj, qolqe kajmanta jaywanasta, ñaupaj poqojkunamanta, sapa chunkamanta ujnin t'aqasqata, leypa nisqanman jina. Chaykunataqa sapa llajtamanta chayachimoj kanku sacerdotespaj, levitaspajwan. Judamanta kajkunaqa maytapuni kusikorqanku sacerdoteswan, levitaswan chay jina k'achatapuni ruwasqankumanta.

1 Timoteo 3:10

Diaconosqa ñaupajta rejsisqasraj kachunku. Chaymantaraj yanapachunku iglesiapi mana k'amiyniyoj kaspa.

1 Timoteo 1:12

Cristo Jesús Señorninchejman graciasta qoni kallpachawasqanmanta, imaraykuchus allimpaj noqata qhawawarqa; evangeliomanta willanaypajtaj churawarqa.

Hechos 4:35

Chay qolqetataj apostolesman jaywaj kanku. Chaymantataj rak'iraj kanku sapa ujman, maychus pisichikusqankuman jina.

San Lucas 12:42

Señortaj kuticherqa: Pitaj allin yuyayniyoj junt'aj mayordomo, mayqentachus patronnin churan wasi qhawajta, mikhuchinampajtaj tiempompi?

Nehemías 12:35

Sacerdotesmanta kajkunaqa trompetaswan qhaterqanku, chaykuna karqanku: Jonatampa wawan Zacarías. Paypa ñaupa tatasninkutaj karqanku: Semaías, Matanías, Micaías, Zacur, jinataj Asaf.

Nehemías 11:22

Jerusalempi levitaspa kamachejninkoqa karqa Uzi. Payqa Banej wawan karqa, paytaj Hasabiaspata, paytaj Mataniaspata, paytaj Micaiajpata, Asafpa mirayninmantataj karqanku. Paykunaqa takejkunata yachachej kanku, Diosta yupaychana wasipi ruwajkunatawan.

Nehemías 8:4

Yachachej Esdrastaj sayasharqa maderamanta ruwasqa patachapi. Chay kutillapaj chaytaqa ruwasqanku. Paña ladompitaj sayasharqanku: Matatías, Sema, Anías, Urías, Hilcías, Maasías ima. Lloq'e ladompitaj sayasharqanku: Pedaías, Misael, Malquías, Hasum, Hasbadana, Zacarías, Mesulam ima.

Nehemías 3:30

Chaymanta rej perqatataj ruwallarqataj Selemiaspa wawan Hananías, Hanonwan khuska. Hanonqa Salafpa sojta kaj wawan karqa. Chaymanta rej perqatataj Berequiaspa wawan Masulam, wasin chimpata ruwarqa.

Nehemías 10:38

Poqoykunamanta chunkaman t'aqasqata ujnin kaj t'aqata levitas tantamoj rejtinku paykunawan khuska Aarompa mirayninmanta uj sacerdote rinan tiyan. Chaymantataj levitasñataj apananku tiyan Diosninkoj yupaychana wasinman, mikhuna jallch'ana wasisninman, chay chunkaman t'aqasqasmanta ujnin kajta tukuy jap'isqankumanta.

2 Reyes 12:16

Juchamanta apaj kanku chay qolqeta, pantasqankumanta chay qolqetawan Señorpa wasinmanqa mana apajchu kanku, chaykunaqa sacerdotespata karqa.