Nehemías 13:10 - Qheshwa Biblia DC

¹⁰ Yachallarqanitaj levitasmampis mana qopusqankuta qopunanku karqa chay imasta. Señorqa yupaychanankupaj churasqas kajkuna, levitaswan, takejkunawan sapa ujpis jallp'asninkuman ripusqanku.

DIOSPA QHELQACHISQAN DEUTEROCANONICAL

¹⁰ Yachallarqanitaj imatachus levitakunaman qonanku karqa kawsanankupaj, chayta mana qosqankuta. Chayrayku Diosta yupaychanankupaj churasqa kajkuna levitakunawan, takejkunawan sapa uj jallp'ankuman ripusqanku.

DIOSPA QHELQACHISQ

¹⁰ Yachallarqanitaj imatachus levitakunaman qonanku karqa kawsanankupaj, chayta mana qosqankuta. Chayrayku Diosta yupaychanankupaj churasqa kajkuna levitakunawan, takejkunawan sapa uj jallp'ankuman ripusqanku.

Nehemías 13:10 Referans Kwoze

Nehemías 10:37

Jinallatataj parlanakorqayku Diosniykoj yupaychana wasimpi jallch'anasninman, sacerdotesman apanaykuta aswan allin kaj jak'usniykuta, poqoj sach'asniykoj poqoykunasninta, vinosniykumanta, jinataj aceiteykumanta aswan allin kajninta. Chanta nillarqaykutaj apanaykuta, levitasman tukuy chajra poqoykunasniykumanta chunkaman t'aqaspa ujnin kaj t'aqata. Paykunapuni tukuy llajtasniykupi chay chunkamanta ujnin t'aqa kajta, chay chajra poqoykunasniykumanta jap'inanku karqa.

Malaquías 3:8

Kayta tapuriykichej: Uj runa Diosmanta suwanmanchuri? Arí, qankuna noqamanta suwawankichej. Chanta tapunkichejraj: Imapi qanmanta suwaykuri?, nispa. Sapa chunkamanta ujta qonawaykichejpi, chanta, ofrendaspiwan suwawankichej.

Nehemías 12:47

Ajinaqa Zorobabel kamachishajtin, jinataj Nehemías kamachishajtimpis, tukuynin Israel ayllumanta kajkuna sapa día mikhunasta apamoj kanku, takejkunapaj, punku qhawajkunapaj levitaspajwan. Levitaspis t'aqaspa qollajtaj kanku Aarompa mirayninmanta kajkunaman.

Deuteronomio 12:19

Chay jallp'api tiyakushaspaqa pajtataj jayk'ajpis levitasta saqerpariwajchej mana imayojta.

Nehemías 10:39

Israelitas, jinataj levitaspis apanqanku Señorman qonankuta: Trigomanta, vinomanta, aceitemanta ima, yupaychana wasipi jallch'ana kashanku chayman, llimphupaj qhawasqa imas kashanku chaykunawan, sacerdotes, ruwajkuna, chayman punku qhawajkunapis, jinataj takejkunapis kashanku chayman. Nerqaykutaj tratopi ruwaspa Diosniykoj yupaychana wasinta mana saqerparinaykuta.

2 Crónicas 31:4

Jinallatataj kamacherqa Jerusalempi tiyakoj runasta, sacerdotesman, levitasmampis imastachus qonanku karqa chayta qopunankuta, jinamanta Señorpa leyninman jina ruwanasninkuta junt'anankupaj.

Isaías 43:23

Ovejasta wañuchispa q'olachinapaj mana apamuwarqankichu nitaj uywa wañuchispapis jatunchawankichu. Noqaqa mana rikuchikusniykita mañaspa sayk'ucherqaykichu, manataj phiñachiykichu inciensota mañaspapis.