Nehemías 1:6 - Qheshwa Biblia DC

⁶ Kunanqa mañayki uyarinawaykita kay tuta p'unchay kay mañakamususqayta, kamachisniyki israelitasmanta khuyakunaykita. Yachakuyku noqayku israelitasqa contraykipi juchallisqaykuta. Ayllusniypis, noqa kikiypis juchallillaykutaj.

DIOSPA QHELQACHISQAN DEUTEROCANONICAL

⁶ Kunanqa, mañarikuyki uyarinawaykita tuta p'unchay israelitakunarayku mañakususqayta. Noqayku yachakuyku contraykipi juchallisqaykuta. Aylluykunapis, noqapis juchalliyku.

DIOSPA QHELQACHISQ

⁶ Kunanqa, mañarikuyki uyarinawaykita tuta p'unchay israelitakunarayku mañakususqayta. Noqayku yachakuyku contraykipi juchallisqaykuta. Aylluykunapis, noqapis juchalliyku.

Nehemías 1:6 Referans Kwoze

Daniel (hebreo) 9:20

Diosmanta mañakushallarqanipuni, juchasniyta willakuspa, jinallataj Israel aylluypa juchasninta willaspa, Señor Diosniypa ñaupaqempi majakuspa ajllakusqan lomanrayku.

Daniel (hebreo) 9:4

Señor Diosniymanta mañakorqani, kay imastataj willakorqani: Señor, may jatun Diosníy, trato ruwasqaykitaqa junt'ankipuni, munakuyniykitataj rikuchinki qanta munakusojkunaman, kamachisqasniykita junt'ajkunamampis.

Salmos 34:15

Señorqa k'acha sonqoyoj runasta qhawan, qhaparikusqankutataj uyarin.

Salmos 106:6

Noqaykupis tatasniyku jina juchallikorqayku, sajrasman tukorqayku, millay kajtataj ruwarqayku.

2 Crónicas 29:6

Imaraykuchus ñaupa tatasninchejqa mana cheqantachu purerqanku, may sajra kajtataj Señor Diosninchejpa ñaupaqempeqa ruwarqanku. Payta saqerparispa Señorpa tiyakunan wasita qhesacharqanku, manañataj qhawarerqankuchu.

2 Crónicas 6:40

Kunanqa Diosníy, allinta qhawarimuy, uyarimuytaj kay cheqapi mañakamususqasninkuta.

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

1 Juan 1:9

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

San Lucas 18:7

Manachu Diosqa, ajllasqasnin tuta p'unchay paymanta mañakojkunapaj, justiciata ruwanqa? Unaytarajchu suyachikunman?

2 Timoteo 1:3

Diosman graciasta qoni, pitachus kasuni ñaupa tatasniymantapacha, ch'uwa concienciawan; maypachachus mana sayk'uspa tuta p'unchay, Diosmanta mañakusqaypi qanmanta yuyarikunipuni.

Lamentaciones 5:7

Tatasniykoqa juchallikorqanku, wañurapunkutaj. Chay jasut'iyninkutaj noqaykuman chayamuwayku.

1 Timoteo 5:5

Cheqamanta viudaqa mana piniyoj qhepakun chay, Diosmanta suyan, k'uchi kaywantaj Diosmanta mañakun, tuta p'unchay.

Salmos 130:2

Señor, parlasqayta uyariy, qhaparispa mañakusqasuyta uyarillaway.

Salmos 55:17

Willakusaj waqasajtaj, sut'iyayta, chaupi p'unchayta, ch'isiyayta ima. Payrí parlasqayta uyarenqa.

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Esdras 10:1

Diosta yupaychana wasin punkumpi, Esdras qonqoriykukuspa mañakushajtin, waqaspa juchasninta willakushajtintaj, israelitasmanta ashkha ukhu, qharis warmis ima waqarallarqankutaj jik'un jik'unta, qayllanman muyuykamuspa.

Efesios 2:3

Chaykuna ukhupi tukuyninchej, chay p'unchaykunapi aychanchejpa sajra munaynimpi purej kanchej, aychaj munayninta, yuyaypa munayninta ima ruwaspa. Ajinata ruwaspa, noqanchejpis phiñakuywan jasut'inapaj jina karqanchej, chay wajkuna jina.

San Lucas 2:37

Pusaj chunka tawayoj wata viudaña karqa. Templomantaqa mana llojsejchu, tuta p'unchay sirvispa, ayunaspa, Diosmantataj mañakuspa.

Salmos 88:1

Salvawajníy, Señor Diosníy, tuta p'unchay ñaupaqeykipi mañakuyki.

Esdras 10:11

Chayrayku tatasniykichejpa Señor Diosnimpa ñaupaqempi qankunaqa juchayoj kasqaykichejta reparakuychej, Señorpa munaynintataj junt'aychej. T'aqakuychej Diosta mana kasojkuna runakunamanta, jinataj waj llajtayoj warmismantapis, nispa.

2 Crónicas 28:10

Chay jawa qankunaqa munashankichej, qharismanta, warmismantapis kamachisniykichejta ruwakuyta Judamanta kajkunata, Jerusalenmanta kajkunatawan qharista, warmistapis. Jinapis manachu qankunapis Señor Diosniykichejpa contrampi juchallikullankichejtaj?

1 Reyes 8:30

Uyariy ari, kay kamachiykej mañakusqanta, Israel llajtaykejtapis, kay cheqapi mañakojtinu, janaj pachapi tiyakunki chaymantapacha uyariwayku perdonawaykutaj.

1 Reyes 8:47

Paykunataj maypichus presos kasqankupi sonqonkupi yuyarikunkuman, chantá qanman kutirikamusunkuman, chaypitaj mañakuspa nisunkuman: Noqayku juchalliyku, mana allin kajta ruwayku, juchayojpuni kayku, nispa.

Nehemías 1:11

Mañarikuyki ari Señorníy, mañakususqayta uyarinawaykita, kamachisniyki qhaparikamususqaykutapis, paykunaj k'ata munayninkoqa qampa sutiykita jatunchaylla. Mañakullaykita tukuy imapi allin rinawanta, jinallataj reypa khuyakuyninta tarinayta, nispa. Noqaqa Artajerjespa ujyanasninta wakichejnin karqani.

Salmos 102:17

Mana piniyojpa mañakusqanta uyarejtin; mañakusqanmantapis dakojtintaj.

Daniel (hebreo) 9:5

Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

Daniel (hebreo) 9:8

Noqaykupis Señor, reyesniyku jina, kurajkunasniyku jina, ñaupa tatasniyku jinataj p'enqaypi rikhuriyku contraykipi juchallikusqaykurayku.

Daniel (hebreo) 9:15

Señor Diosniyku, qan rikucherqanki jatun atiyniykita, aylluykita Egiptomanta orqhomuspa. Ajina ruwasqaykiwanqa, sutiyki jatumpaj qhawasqa kashan chay p'unchaykunamantapacha kunankama. Noqaykutaj juchalliyku, sajra kajtataj ruwayku.