Nehemías 1:5 - Qheshwa Biblia DC

⁵ Nerqanitaj: Señor, janaj pachapi kaj Diosníy, qanqa jatun Dios atiyniyoj manchachikunataj kanki. Qanqa trato ruwasqaykitaqa sumajta jallch'anki. Jinataj munakusojkunatapis, kamachiykita junt'ajkunatapis mana jayk'aj saqenkichu.

DIOSPA QHELQACHISQAN DEUTEROCANONICAL

⁵ Nerqanitaj: Tata Dios, janaj pachapi kaj Diosníy, may atiyniyoj Dios kanki, manchachikuna kanki. Qanqa trato ruwasqaykita sumajta junt'anki, jinataj munakusojkunatapis, kamachisqaykita junt'ajkunatapis mana jayk'aj saqerpankichu.

DIOSPA QHELQACHISQ

⁵ Nerqanitaj: Tata Dios, janaj pachapi kaj Diosníy, may atiyniyoj Dios kanki, manchachikuna kanki. Qanqa trato ruwasqaykita sumajta junt'anki, jinataj munakusojkunatapis, kamachisqaykita junt'ajkunatapis mana jayk'aj saqerpankichu.

Nehemías 1:5 Referans Kwoze

Éxodo 20:6

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

Deuteronomio 7:21

Chayrayku paykunaj ñaupaqenkupeqa amapuni manchachikunkichejchu, imaraykuchus Señor Diosniykichejqa qankunawan kashan, Payqa jatun Dios, manchachikunataj.

Nehemías 4:14

Mancharikusqankuta reparaspa, sayarikuytawan nerqani chay allichaj runasninkuman, jintaj kamachejkunasninkuman, jinataj runasmampis: Ama enemigosniykichejmanta mancharikuychejchu, Señormanta yuyarikuychej may jatun kasqanta, manchachikunataj kasqanta. Maqanakuychej ari llajta masisniykichejrayku, qhari wawasniykichejrayku, warmi wawasniykichejrayku, warmisniykichejrayku, wasisniykichejraykupis, nispa.

Deuteronomio 7:9

Chayrayku yachaychej ari, Señor Diosniykichejqa Pay sapallan Dios kasqanta. Yachallaychejtaj cheqan Dios kasqanta. Ima trato ruwasqantapis junt'asqanta may chhika miraykunaskama. Payta munakojkunaman, kamachiykunasnintataj junt'ajkunaman.

Nehemías 9:32

Chayraykumari, noqaykoj Diosniyku, jatun Dios, atiyniyoj manachachikunataj kanki. Qanqa trato ruwasqaykipi munakuyniykitapis mana saqenkichu, ama qonqapuychu tukuy llakiykuna qhatirisqanmanta reyesniykuta, kurajkunasniykuta, sacerdotesniykuta, profetasniykuta, ñaupa tatasniykuta, jinataj tukuy aylluntinta, Asiriamanta reykunaspa tiemponmantapacha kunankama.

1 Crónicas 17:21

Israel aylluyki jinari, mana ujwan pay jina kanchu, payqa uj k'ata nación kay pachapi kajkunamantaqa! Qan, Diosníy, kacharicherqanki aylluyki kanampaj, qantaj may uyarisqa karqanki paykunawan t'ukuna jatuchaj imasta ruwaspa. Qan Egiptomanta orqhomorqanki chay aylluykej ñaupaqenmanta chay waj nacionesta wijch'orqanki.

Salmos 47:2

Patapi kaj Diosqa manchachikuna, payqa jatun rey tukuy kay pachapi.

Salmos 89:2

Qhaparispa willasaj munakuyniykeqa wiñaypaj kasqanta; janaj pachankunapi cheqa kayniykita, sumajta sayachinki.

Salmos 89:3

Nerqanki: Ajllasqaywan uj tratota ruwarqani. Kamachiy Davidman jurarqani:

Deuteronomio 7:12

Sichus qankuna Señorpa kamachisqasninta uyarispa waqaychankichej, junt'ankichejtaj chayqa, Señor Diosniykichej qankunaman junt'allanqataj trato ruwasqanta, khuyakuynintataj rikuchisonqachej, ñaupa tatasniykichejman qosaj nisqasninman jina.

Esdras 1:2

Persiamanta rey Ciroqa kay jinata nin: Janaj pachapi kaj Señor Diosqa, tukuynin jallp'api reinosta qopuwan, kamachiwantaj Judapi kaj Jerusalén llajtapi paypaj uj wasita ruwapunayta.

Nehemías 2:4

Imatataj qanrayku ruwaymanri?, nispa reyqa tapuriwarqa. Chaypacha janaj pachapi kaj Diosmanta mañarikorqani.

Nehemías 4:8

Tukuyninkutaj yachachinakorqanku Jerusalenman yaykuykunankuta, urmachimunankupajtaj.

Salmos 76:8

Janaj pachamantapacha justiciaykita rejsichinki, jallp'aqa manchachikun, kikimpitaj sayan.

Salmos 89:8

Señor Tukuy Atiyniyoj Dios. Pitaj qan jina atiyniyojri? Cheqa kaywan muyuykusqa kanki. Manataj qan jinaqa pipis kanchu.