Nahúm 3:6 - Qheshwa Biblia DC

⁶ Pataykiman millay ch'ichita jich'aykamusaj; chaytaj honraykita qhechusonqa, tukuy p'enqayta qhawakunasunkupajtaj ruwasaj.

DIOSPA QHELQACHISQAN DEUTEROCANONICAL

⁶ Pataykiman millay ch'ichita jich'aykamusaj Honrayki t'akasqa kananta ruwasaj, tukuy qhawaspa asikusunankupaj jina.

DIOSPA QHELQACHISQ

⁶ Pataykiman millay ch'ichita jich'aykamusaj Honrayki t'akasqa kananta ruwasaj, tukuy qhawaspa asikusunankupaj jina.

Nahúm 3:6 Referans Kwoze

Malaquías 2:9

Chantapis mana kasuwankichejchu, runasman yachachispataj mana tukuywanchu kikinta ruwankichej. Chayrayku noqa qankunata tukuy llajtaj ñaupaqempi p'enqaypi rikhurichisqaykichej, qhesachachisqaykichejtaj, nin Tukuy Atiyniyoj Señorqa.

Jeremías 51:37

Babiloniaqa raqaykunasllamanña tukonqa, atojkunaspa pakakunallankumanña, mana tiyakunapaj jina cheqaman. Chaytaj tukuyta t'ukuchenqa, mancharichenqataj.

Job 9:31

Diosqa t'oqoman wijch'uykuwanqa, p'achaynintin noqamanta millachikuwanqa.

Hebreos 10:33

Qankunaqa, ñaraj k'amisqas, llakisqas runaj asipayanan; ñaraj qankuna jina ñak'arejkunawampis ujchasqas karqankichej.

1 Corintios 4:9

Noqaj yuyayniymantaqa, apostolesta Dios ch'ulipi churawarqayku. Wañunapaj jina churasqa kayku. Chayrayku mundoj qhawanan kayku, apostolespata, runaspata ima.

Nahúm 1:14

Qanta Ninivemanta rey, Señor kamacherqa imaynachus kanaykita: Manaña sutiykita apajkuna ayllusniyki kanqañachu, lantiykej yupaychana wasintapis phirisaj jinataj lantisniykita, fierro surusqamanta kajkunatapis, chay kikimpitaj pampaykusqayki, imaraykuchus tukuypa millachikunan kanki.

Job 30:8

Mana imata yachaj runas, ni pejpa wawasnin, manataj chay jallp'api tiyakunankupaj jinachu kanku.

Judas 1:7

Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.

1 Corintios 4:13

Runakunaqa noqaykuta mana kajmanta tumpawayku; paykunapajtaj Diosmanta mañapuyku; kunankamataj kay mundoj q'opanta jina qhawawayku, runakunaj wijch'usqanta jina.

Sofonías 2:15

Chaymin jatunchakoj llajtaqa, paykunallaman confiakuspa kausarqanku, nerqankutaj: Mundontimpi mana waj llajta noqanchej jina atiyniyojqa kanchu. Kunanrí, imaraykutaj ch'impacha, k'ita animalespa puñunankutaj tarikunri? Chayninta pasajkunaqa silbarispa qhesachaspataj qhawarenqanku.

Lamentaciones 3:16

Kirusniyta rumiwan chhamurawan, ushphapitaj sunt'ichiwan.

Job 30:19

T'uruman wijch'uykuwan, ñut'u jallp'apis, chayri qhelli ushphapis kayman jina.

Ezequiel 16:37

Chayrayku, pistachus munakorqanki chay tukuyta noqa tantaykusaj. Jinallataj pikunatachus munakorqanki, chanta pikunatachus chejnikorqanki chay tukuyta. Paykunataqa muyuyniykiman tantaykusaj. Paykunaj rikunantataj q'alasqayki, paykuna q'alallata qhawasunankupaj.

Habacuc 2:16

Kunantaj honorniyoj kanaykitaqa, may p'enqaypi rikhurinki, imaraykuchus Señor qosonqa uj ujyanata, chaytaj rikuchisonqa mana circuncidasqa kasqaykita kay may uyarisqa kasqaykitaj pampaman k'umuykaponqa.

Malaquías 2:3

Noqa atiyniykichejta qhechusqaykichej. Noqaman jaywanapaj apamunkichej chay uywaspa wanunwan uyaykichejman qhallisqaykichej, chay wanuwan khuskataj picharparisqas kankichej