Nahúm 2:8 - Qheshwa Biblia DC

⁸ Imaynatachus yaku jark'acha p'akikojtinkama yaku ayqen, jinatamin Nínive llajtapi tiyakojkunapis ayqenqanku. Suyaychej, kutimuychej nispa qhaparenqanku, pero ni pipis kutimonqachu.

DIOSPA QHELQACHISQAN DEUTEROCANONICAL

⁸ 8 (9) Nínive llajtayojkuna yaku jark'asqa jina karqanku. Kunantajrí jark'ana phatajtin, paykuna imata jina ayqenqanku. Ujkuna ninku: Sayaychej, kutirimuychejtaj, nispa. Ayqekoj runakunatajrí mana uyarejllapis tukunku.

DIOSPA QHELQACHISQ

⁸ 8 (9) Nínive llajtayojkuna yaku jark'asqa jina karqanku. Kunantajrí jark'ana phatajtin, paykuna imata jina ayqenqanku. Ujkuna ninku: Sayaychej, kutirimuychejtaj, nispa. Ayqekoj runakunatajrí mana uyarejllapis tukunku.

Nahúm 2:8 Referans Kwoze

Apocalipsis 17:15

Paytaj niwarqa: Chay ashkha yaku rikusqaykeqa, maypichus chay qhenchachakoj warmi tiyasqa kashan chayqa, llajtas kanku, ashkha runakuna, jatuchaj naciones, tukuy laya parlayniyojkuna ima.

Apocalipsis 17:1

Chaypacha, qanchis angelesmanta pikunachus qanchis vasosta jap'isharqanku, chaykunamanta ujnin kaj jamorqa, parlapayawaspataj niwarqa: Kayman jamuy, qhencha warmej juchachasqa kasqanta rikuchisqayki. Payqa ashkha yaku patapi tiyasqa kashan.

Nahúm 3:17

Jark'asoj soldadosniykeqa langostas jina kanku, soldado runasniykita jap'iramojkunapis may chhika phoqeshaj khurus jina kanku, imaynatachus chiriykamojtenqa perqa jusk'usman sat'irakunku, inti llojsimojtinkamataj llojsirapunku, nitaj pipis chantá yachanchu maymanchus risqankuta, kikillantataj paykunapis ruwanku.

Jeremías 51:30

Babiloniamanta wapu soldados maqanakuyta saqerparerqanku, chay pakakunasnillankupiña qhepakorqanku. Kallpasninku tukukaporqa, warmi jinallaña karqa. Llajtasninkuman runas junt'aykorqanku, wasisninkutaj ruphaykuchisqas karqanku.

Jeremías 50:16

Babiloniapi ama pitapis tarpojta, chayri cosechasta oqharejtapis saqeychejchu. Chay maqanakupi wañuchinakuta rikuspa chay waj llajtayojkuna jallp'ankuman kutiponqanku, sapa uj jallp'asninkuman ayqekuspa.

Jeremías 46:5

Jinapis imatataj rikuniri? May mancharikuywan kutiripunku. Maqanakojkunasninkoqa atipasqas kaspa ch'eqeranku, usqhay usqhaytataj ayqerapunku qhepaman qhawarikuspa. Tukuynejpi mancharikuylla tiyan. Noqa Señor chayta nini.

Isaías 48:20

Babiloniamanta llojsiychej, caldeosmanta ayqekuychej; kay imasmantaqa kusiywan willamuychej; jallp'aj tukukuyninkama chayachiychej. Chaypachataj niychej: Señorpuni kacharichin, kamachin Jacobta, nispa.

Isaías 47:13

Ashkha yuyaychajkunawan sayk'usqaña kanki. Kunanqa qanta jark'akusuchunku, janaj pachata qhawajkuna, qoyllurkunamanta yachajkuna, killasta yupajkuna, ajinamanta qhepaman imaschus jamusunanta yachajkuna ima.

Isaías 13:14

Runaqa mancharichisqa qhatiykachasqa taruka jina kanqa, mana michejniyoj ovejas jinataj. Sapa uj llajtankumankama ayqenqanku, jallp'ankumankamataj riponqanku.

Génesis 10:11

Chay jallp'amanta llojserqa Asur, ruwarqataj llajtasta: Niniveta, Rehobota, Calata, Resén jatun llajtatawan; chaytaj kashan Ninivewan Calawan chaupipi.

Jeremías 51:13

Qan Babilonia, jatuchaj mayus cantopi tiyakoj, may chhika qhapaj kapuykunasniyki tiyapusunki, ña chayamusunkiña tukukapunayki p'unchay, mayta munapayanayki ima.

Jeremías 47:3

caballospa corresqanta uyarispa, carretaspa loqhoqeyasqanta, jinataj ruedaspa purisqantapis. Tataspis wawasninkuta saqerparinku, kallpanku pisiyasqanrayku.

Nahúm 1:1

Kaymin chay Nínive llajtaman apachisqa willayqa. Elcosmanta Nahumpa mosqoypi jina rikusqanmanta willay libro.

Isaías 38:14

Para p'isqos jina waqani, paloma jina ayqoni. Patata qhawasqaypi ñawisniy k'arawanña. Señor, kay jina ñak'ariypi tarikuni, kallpachaway ari.

Isaías 59:11

Tukuyninchej jukumaris jina qhaparinchej; palomas jina uy uy nispa waqanchej; cheqan kajta suyanchej, manataj tarinchejchu. Salvaciompis noqanchejmantaqa karunchakun.