Nahúm 1:7 - Qheshwa Biblia DC

⁷ Señorqa may k'achamin, waqaychan Paypi confiajkunataqa, waqaychantaj Paypi confiakojkunataqa.

DIOSPA QHELQACHISQAN DEUTEROCANONICAL

⁷ Tata Diosqa may k'achamin. Llakiy p'unchaypipis runata jark'akun, paypi atinikojkunatataj waqaychanpuni.

DIOSPA QHELQACHISQ

⁷ Tata Diosqa may k'achamin. Llakiy p'unchaypipis runata jark'akun, paypi atinikojkunatataj waqaychanpuni.

Nahúm 1:7 Referans Kwoze

2 Timoteo 2:19

Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

San Juan 10:27

Noqa ovejasniyta rejsini, paykunataj vozniyta uyariwanku, qhepaytataj jamunku.

Lamentaciones 3:25

Señorqa may k'acha pichus paypi suyajpaj, pichus payta mask'an chaypajpis.

San Juan 10:14

Noqa sumaj michej kani: Ovejasniyta rejsini, noqajta kajkunataj rejsiwanku.

Salmos 100:5

Señorqa may k'achamin, khuyakuynenqa wiñaypaj. Cheqa kaynintaj mana tukukuyniyoj tukuy runa mitapaj.

Salmos 27:5

Llakiykuna jamojtin, Señorqa pakawanqa. Tiyakunan wasin ukhupi pakawanqa; chhanka patamantaj salvasqata churawanqa.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Salmos 1:6

Señorqa cheqan runaspa ñanninta rejsin, sajra runaspa ñanninrí chinkayman pusan.

Gálatas 4:9

Kunanqa Diosta rejsishaspa, chayrí Diospa rejsisqasnin kaspa, imaraykutaj ujtawan mana kallpayoj, wajcha yachachiykunaman kutiripuyta munankichej kamachisnin jina?

Isaías 25:4

Qanqa wajchaj pakakunan kanki, llakisqa pisichikojpaj jark'ajnin, para wayramanta jark'aj, ruphaymanta llanthojtaj. Sajra runaspa samayninkoqa, chiri tiempopi llojlla para perqaman seq'on ajina.

1 Crónicas 16:34

Señorman graciasta qoychej, payqa may k'achamin, munakuynin wiñaypaj kasqanrayku.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Salmos 86:7

Llakiyniypeqa qanta qhaparikuyki, qantaj uyariwanki.

Isaías 32:2

Chay sapa ujninku kanqanku wayramanta pakakunapaj jina, llojlla para wayramanta pakakunapaj; ch'aki jallp'api qarpanapaj larq'as jina; ch'in pampapi jatun chhankaj llanthun jina.

Salmos 25:8

K'acha sonqo cheqampunitaj Señorqa, chayrayku juchasapaspa kausayninta cheqanchan.

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

Salmos 71:3

Qan kanki pakakunay chhanka, chayman sapa kuti pakakoj rinaypaj. Qampuni kamacherqanki salvakunayta. Qan kanki pakakunay wasi, chhankataj.

Salmos 91:15

Pay wajyawajtin, noqa uyarisaj, noqapuni paywan kasaj; llakiypipis noqa paywan kasaj. Libraspataj allinman payta churasaj.

Salmos 59:16

Noqamantaqa, tutamanta takipusqayki, kunka llik'ikuyta qhaparispa, munakuyniykimanta atiyniykimantawan. Qanqa jark'akuwajniy. Qampi pakakuni, llakiyniy p'unchaypitaj pakakunay karqanki.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Daniel (hebreo) 6:23

Chanta reyqa mayta kusikorqa, kamacherqataj t'oqomanta Danieltaqa orqhompunankuta. Orqhomuspataj, mana ima nanachisqatapis paypi tarerqankuchu, imaraykuchus Diosnimpi confiakorqa.

Romanos 11:22

Qhawariy ari, Diospa k'acha kayninta, phiña kaynintawan; urmajkunapaj phiñakuyninta rikucherqa, qampajtaj khuyakuyninta. Sichus qan chay khuyakuypi mana allintachu sayanki chayqa, qampis k'utusqallataj kanki.

2 Crónicas 32:21

Chaypacha Señorqa kachamorqa uj angelta, paytaj wañuracherqa wapu soldadosninta, kamachejkunasninta, kurajkunasnintawan rey Asiriaj jarampi. Paytaj may p'enqasqa llajtanman kutiporqa. Diosnimpa yupaychana wasinman yaykojtintaj paypa wawasnillantaj chay kikimpi espadawan wañurparicherqanku.

San Mateo 27:43

Diosman atienekorqa, kunanqa Dios kacharichichun ari, munakun chayqa, imaraykuchus Diospa Churin kani nerqa.

San Mateo 7:23

Chaypachataj paykunaman nisaj: Ni jayk'aj qankunata rejserqaykichejchu; t'aqakuychej noqamanta sajrata ruwajkuna.

Esdras 3:11

Ujkuna alabanzasta takerqanku, wajkunataj yupaycharqanku Señorman graciasta qospa kay jinata: Payqa may k'achapuni, Israeltaqa wiñaypaj munakun. Runasqa llajtantin kusiywanqa qhaparerqanku, yupaycharqankutaj Señorta, paypa templonta watejmanta ruwayta qallarishajta rikusqankurayku.

2 Crónicas 32:11

Sichus Ezequías nishasunkichej, Señor Diosnin kacharichinasuykichejta chayqa, jinata nispaqa ch'aukiyashasunkichej, yarqhaymanta, ch'akiymanta wañunaykichejpajtaj tanqaykushasunkichej.

2 Crónicas 32:8

Payqa runaspa kallpallanwan kashan, noqanchejwantaj Señor Diosninchej kashan maqanakunasninchejpi yanapanawanchejpaj. Rey Ezequiaspa parlasqasninta uyarispataj ayllumanta runasqa may kallpachasqas karqanku.

1 Crónicas 5:20

Diostaj paykunata yanaparqa. Agarenosqa, paykunawan kajkunataj, makisninkuman urmarqanku, maqanakupi kashaspa Diosmanta yanapata mañarikusqankurayku. Diostaj paykunata uyarerqa, paypi suyasqankurayku.

Salmos 20:1

Señor uyarisuchun phutiypi kajtiyki. Kikin Jacobpa Diosnin jark'akusuchun.

Salmos 37:39

Allin runaspaj Señormanta yanapay jamun. Llakiy tiempopi paymin jark'akojninkoqa.

Salmos 37:40

Señortaj ayqenankupaj yanapan. Sajra runasmanta ayqechin, Chay sajra runasmanta salvan, imaraykuchus paypi pakakuyta mask'arqanku.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 17:17

Ama ari qanqa mancharichiwaychu, imaraykuchus qanqa ñak'ariykunasniypi pakaykuwajniymin kanki.

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Sofonías 3:12

Noqa saqesaj qankuna ukhupi llamp'u sonqoyoj runasta, pisi kapuyniyoj runastapis. Paykunataj sutiypi confianzankuta churanqanku.

2 Crónicas 13:18

Jinata chay kutipeqa israelitasqa k'umuykachachisqas karqanku. Judamanta kajkunataj may atiyniyoj kallpachasqastaj rikhurerqanku, ñaupa tatasninkoj Señor Diosninkupi atienikusqankurayku.

Salmos 9:10

Rejsisojkunaqa, Señor qampi atienekusunku imaraykuchus mask'asojkunataqa ni jayk'aj qonqankichu.

Salmos 46:2

Chayrayku, mana manchachikusunchejchu, kay jallp'a ikhakojtimpis, mar ukhuman orqos chinkaykojtimpis;

Isaías 50:10

Mayqellampis Señorta manchachikojkuna, kamachimpa parlasqasninta uyarejkuna. Pikunachus laqhayajpi purejkuna, Señorpa sutimpi atienekuychej. Diosniykichejpi atikuychej.