Nahúm 1:2 - Qheshwa Biblia DC

² Señorqa, celosakuyta vengakuytataj yachaj Diosmin; Payman sayaykojkunamanta vengakunmin, enemigosnimpajpis phiñakullantaj.

DIOSPA QHELQACHISQAN DEUTEROCANONICAL

² Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

DIOSPA QHELQACHISQ

² Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Nahúm 1:2 Referans Kwoze

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Salmos 94:1

Señor Dios, vengakoj Dios kasqaykita rejsichikuy.

Éxodo 34:14

Amapuni ni mayqen diosninkuman k'umuykuspa yupaychankichu, imaraykuchus Señorpa sutenqa may manchachikunamin, Diosqa may celoso.

Josué 24:19

Josuetaj paykunaman nerqa: Qankunaqa manapuni Señortaqa kasuyta atiwajchejchu, imaraykuchus payqa llimphu Diosmin, manataj ima sajratapis ruwajta saqellanchu. Payqa mana saqellasonqachejchu paypa contrampi kajta, nitaj juchasniykichejtapis.

Hebreos 10:30

Yachanchejtaj pichus chayta nerqa: Noqa cheqanchasaj, kutichisajtaj. Ujtawan nillarqataj: Señor ayllunta juchasninmanta taponqa.

Isaías 42:13

Señorqa atipaj runa jina rikhurimonqa, ch'ajwapi maqanakoj runa jina phiñakonqa, jatunmanta manchayta qhaparispa enemigosninta atipanampaj.

Deuteronomio 4:24

Señorniykichejqa ujllapi q'olarparej nina jinamin, payllata munakunaykichejta munan.

2 Pedro 2:9

Ajinata Señorqa, misk'aymanta jark'ayta yachan, payta yupaychajkunata, juchasapastataj qhepachin juicio p'unchaypi jasut'isqas kanankupaj.

Romanos 12:19

Munasqa hermanosníy, ama qankunapura sajramanta sajrallatataj kutichinakuychejchu, manachayqa phiñakuyta saqeychej Diosman. Escribisqa kashan: Noqa kutichisaj, noqa jasut'isaj, nin Señorqa.

Miqueas 5:15

Phiñakuyniypi, vengakusaj mana kasuyta munawarqankuchu chay nacioneswan.

Joel 2:18

Chaypacha Señorqa ayllunman rikucherqa munakuyninta. Jallp'ampi kaj runasninta khuyakuspataj, nerqa: Apachimusqaykichej trigota, vinota, aceiteta ima, sajsasqas kanaykichejkama, manataj ujtawan saqesajchu mana creejkuna qankunamanta burlata ruwakunankuta.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Ezequiel 6:12

Karupi kajkunaqa onqoywan wañonqanku. Qayllapi kajkunaqa ch'ajwapi wañonqanku. Kausashajkunataj yarqhaywan wañuranqanku. Ajinata phiñakuyniyta paykunawan junt'ayta tukuchisaj.

Jeremías 4:4

Judamanta, Jerusalenmantapis runas circuncidakuychej, rejsiwankichejtaj Señorniykichejpaj jina. Tratomanta señalta sonqoykichejman churaychej, pajtataj millay ruwasqasniykichejrayku phiñakuyniy nina jina k'ajarinman, jap'iykukojtintaj ni pi thasnuyta atishanmanchu.

Isaías 51:20

Wawasniykeqa yarqhaywan llauch'iyaspa tukuy ñan pataspi wijch'urakorqanku. Tojllapi jap'isqa tarukas jina. Señorpa k'ajaj phiñakuyninwan jasut'isqas, Diosniykej k'amisqanwan ima.

Isaías 51:17

Jerusalén, rijch'ariy, rijch'arikuy, sayarikuy; qanqa Señorpa k'ajaj phiñakuyninta kikin makinmanta jap'ispa ujyarqanki. Qanqa machachej Señorpa phiñakuynin copamanta, qhonchuntinta ujyaykorqanki.

Job 20:23

Maypachachus sajsaykojtinkama, Dios apachimonqa paypa patanman sinch'i phiñakuyninta. Chay phiñakuyta paypa patanman parachimonqa, jinallataj mikhuyninmampis.

Romanos 13:4

Kamachejqa Diospa kamachisqanta ruwan, qampa allinniykipaj. Chantá mana allinta ruwanki chayri, manchachikuy, imaraykuchus kamachejqa manamin qhasipajchu espadataqa apaykachan. Payqa Diospa kamachinmin; jasut'iwantaj sajrata ruwajta kutichinampaj.

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

Ezequiel 38:18

Señorqa nin: Israel aylloj contrampi Gog jatarimonqa chay p'unchaykunapi k'ajaj phiñakuyniy phatanqa.

Ezequiel 36:6

Chayrayku Israelpa jallp'anmanta sutiypi parlay: Sutiypi lomasman, jatun lomasman, wayq'osninman, vallesninmantaj kay jinata niy: Señorqa kay jinata nin: Qankunamanta munakuspa phiñakuyniypi parlani waj llajtayoj runas qankunata ñak'arichisusqanmanta.

Ezequiel 8:18

Noqapis paykunapaj phiñakusaj. Paykunamantaqa mana khuyakusajchu ni uj pisillatapis, manataj perdonasajchu. Jatunmanta qhaparispapis wajyakuwachunku, paykunataqa manapuni uyarisajchu.

Ezequiel 5:13

K'ajaj phiñakuyniyta thasnuchisaj. Tukuy phiñakuyniywan paykunaman samarakusaj. Paykunata jasut'isqaypi sonqoyta samarichisaj. Chay jinamanta yachanqanku, noqa paykunamanta tukukuspa parlasqayta, phiñakuyniywan paykunapi samarikusqayta.

Lamentaciones 4:11

Señorpa k'ajaj phiñakuyninta junt'an, k'ajaj phiñakuyninta kachamun. Sión llajtapi ninata jap'iykuchin, chaytaj cimientonmantapacha chinkarichin.

Jeremías 36:7

Ichapis Señormanta mañakunkuman, sajra puriykunasninkutataj saqenkuman. Señorpa k'ajaj phiñakuyninta ayllunman apachimusaj nisqanta. Chayqa manchay sinch'i manchachikunamin.

Jeremías 25:15

Israelpa Señor Diosnin niwarqa: Qhawariy kay copaqa phiñakuyniymanta vinowan junt'a kashan. Chayta makinmanta jap'ispa ujyachiy, ima nacionesmanchus kachasqayki chay tukuyman.

Jeremías 3:5

Phiñasqallapunichu kanki? Wiñaypajchu phiñakuyniyki qhepakonqa? Kayta nej jinari, atisqaykita sajra kajta ruwaj kanki.

Isaías 66:15

Señorqa ninawan jamonqa, carretasnenqa maqanakunapaj llojlla para jina jamonqa, manchay k'ajaj phiñakuyninwan jasut'inampaj. Ajinata paypa k'amiynenqa nina larway jina kanqa.

Deuteronomio 7:10

Chanta payta chejnikojkunata, phirita ruwaspa chinchachin, juchasninkuman jina jasut'ispa. Payta chejnikojkunataqa usqhayllata jasut'in.

Jeremías 28:8

Ñaupa tiempospi kaj profetasqa manaraj qan, nitaj noqapis kashajtinchej willarasqanku ashkha nacionespa contrampi atiyniyoj reykunaj contrankupi ima kananta, maqanakus, ñak'ariykunas, onqoykunas ima.

Ezequiel 38:19

Noqa parlani k'ajaj phiñakuyniypi juraspa kay imas kananta: Chay jamoj p'unchaykunapi Israel jallp'api jallp'a kharkatitiy kanqa.

Éxodo 34:7

Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

Jeremías 50:15

Tukuynejpi maqanakunapaj jina qhapariykunasta uyarichiychej. Babilonia atipakunña. Torresnin, perqasnimpis thuñiykukunku. Kaymin ayni kutichisqayqa. Paymanta astawan aynita kutichiychej. Imaynatachus chay nacionestawan pay ruwarqa ajinata ruwaychej.