Miqueas 7:9 - Qheshwa Biblia DC

⁹ Señorpa contrampi juchallikuni, chayrayku phiñakuyninta ñak'arillasaj; chaykamaqa. Pay justiciata ruwawanqa juchayoj kasqaymantaqa. Señor pusawanqa k'anchayman rikuchiwanqataj atipayninta.

DIOSPA QHELQACHISQAN DEUTEROCANONICAL

⁹ Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

DIOSPA QHELQACHISQ

⁹ Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

Miqueas 7:9 Referans Kwoze

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Salmos 37:6

Cheqan kayniykita k'anchayta jina k'anchachenqa. Allinniykipaj kajtapis chaupi diata jina k'ancharichenqa.

1 Samuel 24:15

Señorqa iskayninchejta cheqanchawasuchun. Pay yachachun noqamanta, paytaj jark'awachun qan reyniymantapis!

2 Timoteo 4:8

Chayrayku, noqapaj kaj pilloqa waqaychasqaña kashan. Chaytataj qowanqa Señor, cheqan kaj juez, jaqay p'unchaypi. Manataj noqallamanchu qowanqa, astawanqa jamunan p'unchayta munakuywan tukuy suyajkunamampis.

Malaquías 3:18

Chaypacha qankuna ujtawan reparakunkichej, imachus allin, imatajchus mana allin kasqanta, reparakunkichejtaj pichus Diosta yupaychasqanta, pitajchus Diosta mana yupaychasqantawan.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Isaías 46:13

Noqaqa cheqanchayniyta qayllachimusaj. Mana karunchakonqachu, salvacionniypis mana kikimpichu sayanqa. Sionman noqaqa salvacionniyta churasaj, atiyniytaj israelitaswan kallanqapuni.

Salmos 43:1

Justiciata ruwaway, Diosníy. Noqamanta sayakuwanku chay mana creej runasmanta. Sajra runamanta, llulla runamantawan libraway.

Salmos 7:6

Sayariy, Señor, phiñakuyniykipi; oqharikuy llakichiwajkunaj phiñakuyninkoj contrampi. Tukuy enemigosniypa ñaupaqempi oqharikuy. Qan justiciata churarqanki; chayrayku kutikuway.

Job 23:10

Chaywampis Pay rejsin sapa thaskisqayta; Pay noqata qhawariwanqa, ch'uya qori jinataj llojsisaj.

2 Samuel 24:17

Runasta wañurachisharqa chay angelta rikuspa Davidqa Señorman nerqa: Noqamin kani juchallejqa! Noqamin chay juchata ruwajqa kani! Kay ovejasrí imatataj ruwarqankuri? Noqa mañayki chay jasut'iykeqa noqaman chantá familiay patamantaj jamunanta.

1 Samuel 26:10

Jurani Señornejta, Paylla Saulpa kausaynintaqa qhechonqa, wañuyman chayajtimpis, chayri maqanakuman yaykushajtimpis.

1 Samuel 25:39

Davidtaj Nabal wañupusqanta yachaspa nerqa: Señor bendicisqa kachun, Pay Nabaltaqa jasut'in chay phiñachiwasqanmanta, Pay jark'awarqa sajrata ruwaymanta, Nabalpa juchantaqa paypa patallanmantaj urmaykucherqa! Chaymanta Davidqa Abigailman kacharqa paywan casarakuyta munasqanta willachispa.

1 Samuel 3:18

Samueltaj kuticherqa tukuyninta mana uj chhikanta pakarispa. Elitaj nerqa: Payqa Señorpuni! Ruwachun payman imachus allin rijch'ajta.

Levítico 26:41

Noqapis qankunaj contraykichejta ruwasaj, pusasqaykichejtaj enemigosniykichejpa llajtanman. Chaypitaj sajra yuyayniykichej k'umuykukonqa. Juchasniykichejmanta jasut'isqaytataj allimpaj qhawankichej.

Lamentaciones 1:18

Señorqa cheqampuni, noqarí paypa contranta oqharikorqani. Kunanqa, runakuna, tukuy qhawaychej, rikuychejtaj imaynachus nanayniy kasqanta. Llimphu sipaskunasniywan, waynakunasniywan karuman apachisqas kanku.

Salmos 94:15

Justiciaqa watejmanta cheqan kanqa, cheqan sonqoyoj runataj qhatenqa.

Salmos 119:154

Qan noqamanta sayakuway, librawaytaj; nisqaykiman jinataj kausayta qoway!

Isaías 42:7

Noqa wajyayki ciegosta qhawarichinaykipaj, carcelpi kajkunata orqhomunaykipaj, laqhayaj wasipi jap'isqa tiyajkunata sut'iman orqhomunaykipaj.

Isaías 42:16

Ciegosta pusasaj mana rikusqanku ñanta, mana rikusqanku chaki ñankunasninta purichisaj. Ñaupaqenkupi laqhayayta k'anchayman tukuchisaj. Mana puriy atina kajtapis pampaman tukuchisaj. Kay imasta noqaqa ruwasaj, mana saqeraspa.

Isaías 56:1

Señorqa nin: Cheqan kaj ruwayta ruwaychejpuni, imatapis cheqanta ruwaychej, imaraykuchus salvanay p'unchayqa qayllapiña kashan, cheqanchayniypis chayamushanña.

Jeremías 10:19

Ay noqamanta, mana imayoj llakiyllapiña rikhurini! Nanachikusqasneyqa mana thañiy atej! Kay nanaytaqa ñak'ariylla kasqanta yuyarqani.

Jeremías 51:10

Señorqa cheqan ruwasqasninchejta sut'incharqa. Jamuychej, Sión orqopi willamusunchej, Señor Diosninchej imatachus ruwasqanta.

Job 35:14

Mana Diosta rikunichu nispapis, suyakullay, Payqa imastachus ruwasqasniykita rikunña.

Isaías 51:22

Señor Diosniyki, ayllunta jark'akoj Diosniykeqa ajinata nin: Qhaway, umata muyuchej phiñakuyniywan kaj copayta makiykimanta qhechuykiña; kunanqa manaña jayk'ajpis chay phiñakuyniytaqa ujyankichu.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.