Miqueas 7:8 - Qheshwa Biblia DC

⁸ Qan contray kaj nación, ama kusikuychu kay mana allin qhatiriwasqanmanta, urmarqani chaypis sayarikullasajtaj laqhayaypis muyuykuwachun, Señorllamin k'anchayneyqa.

DIOSPA QHELQACHISQAN DEUTEROCANONICAL

⁸ Babilonia suyu, ama asikuychu mana allin qhatiriwasqanmanta. Urmarqani chaypis, watej sayarikullasajtaj. Laqhayaypis muyuykuwachun, Tata Diosllamin k'anchaykuwajneyqa.

DIOSPA QHELQACHISQ

⁸ Babilonia suyu, ama asikuychu mana allin qhatiriwasqanmanta. Urmarqani chaypis, watej sayarikullasajtaj. Laqhayaypis muyuykuwachun, Tata Diosllamin k'anchaykuwajneyqa.

Miqueas 7:8 Referans Kwoze

San Juan 8:12

Jesús uj kutitawan runasman parlallarqataj: Noqa kay pachaj k'anchaynin kani; pillapis noqata qhatikuwajqa, mana laqhapi purenqachu, astawanqa kausay k'anchayniyoj kanqa.

Isaías 9:2

Laqhapi purej runasqa, rikunku jatun k'anchayta; laqhayaypi tiyakoj runasmantaj k'anchaykamun.

Salmos 112:4

Laqhapi k'anchay jina, k'acha sonqoyojkunapaj lliphipin, khuyakoj, cheqan sonqo, llamp'u sonqotaj.

Salmos 27:1

Señorqa k'anchawajniy, salvawajniytaj. Pimantataj manchachikuymanri? Señorqa kausayniyta jark'awan.

Abdías 1:12

Mana qanqa kusikunaykichu karqa maypachachus hermanoyki llakiypi rikhurerqa chay p'unchaypeqa. Mana llajtanman yaykunaykichu karqa ñak'ariypi kashajtin, nillataj kusikunaykichu karqa may llakiypi rikukushajtin. Manallataj kusikunaykichu karqa Judata rikuspa chay ñak'ariy llakiy p'unchaynimpeqa, nillataj asiykukunaykichu karqa llakiyninkupi.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Salmos 38:16

Noqaqa nini ama asikunawankuta, noqa urmajtiy, ama takinankuta nini.

Apocalipsis 22:5

Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Job 31:29

Ni mayk'aj kusikunichu enemigoy llakiypi kashajtin, nitaj payman ima sajra chayajtimpis kusipayanichu.

Salmos 97:11

Cheqan k'acha runapaj k'anchay lliphipin. Kusikuytaj cheqan sonqoyoj runapaj.

Ezequiel 35:15

Israelpa chayaqen t'unaykusqa rikhurejtin qan kusikorqanki, chay kikillantataj qanta ruwasqayki: Seir jatun orqo thuñisqa kanki, ch'in pampaman tukuchisqataj, tukuynin Edom llajtantin. Chaypacha noqa Señor kasqayta yachanki.

Salmos 35:19

Amapuni contraypi kajkunaqa kusikuchunkuchu. Ama ñawisninwanqa chejnikuwajkuna leqhopayawachunkuchu.

San Juan 16:20

Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

Miqueas 7:10

Chay chejnikuwajniypis rikullanqataj, chaytaj p'enqaywan junt'aykuchenqa. Payqa niwaj: Maypitaj Señor Diosniyki kashan?, nispa. Jinapis kunanqa kusisqa kani rikuspa callespi t'uruta jina sarusqata.

Ezequiel 25:6

Kay jinata nin Señorqa: Amonita runas, kusiywan makisniykichejta t'ajllarakorqankichej, chakisniykichejwantaj p'atatiyarqankichej, kusikorqankichejtaj Israel aylluta qhesachaspa.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

San Mateo 4:16

Laqhapi tiyakoj runas rikorqanku uj jatun k'anchayta. Wañuy llanthu cheqapi tiyakojkunamampis uj k'anchay paqarimorqa.

Jeremías 50:11

Qankuna caldeos, aylluyta ch'uskirarqankichej chaykuna kusikuychej, asirikuychejtaj. Waka uña jina q'omer pampaspi sink'uriychej. Caballos jinataj qhapariychej.

Isaías 49:9

wisq'asqa kajkunaman ninaykipaj: Qankunaqa llojsimuychej, nispa. Laqhapi kajkunatapis: K'anchayman llojsimuychej, nispa. Tukuy ñankunapi uywasninkupaj pasto kanqa, jinallataj may orqospipis kallanqapuni mikhunaqa.

Isaías 2:5

Jakuchej, Jacobpa ayllun, Señorpa k'anchaynimpi purinachej.

Salmos 37:24

Runa urmajtimpis, mana urmasqachu qhepakonqa, imaraykuchus Señorqa makinmanta jap'in.

Salmos 37:21

Sajra runasqa manukuspapis mana qopunchu, allin runarí khuyakuspa tukuy sonqo qon.

Apocalipsis 21:23

Llajtaqa mana necesitanchu intita, nitaj killatapis chaypi k'anchanampaj. Diospa k'anchaynin llajtata k'anchaykun, k'anchanantaj Cordero.

Isaías 50:10

Mayqellampis Señorta manchachikojkuna, kamachimpa parlasqasninta uyarejkuna. Pikunachus laqhayajpi purejkuna, Señorpa sutimpi atienekuychej. Diosniykichejpi atikuychej.

2 Corintios 4:9

Qhatiykachasqas kayku, manataj saqerparisqaschu. Urmachisqas kayku, manataj chinkachisqaschu; cuerpoykupi tukuynejta apaspapuni Jesuspa wañuyninta, noqaykoj cuerpollaykupitaj Jesuspa kausaynin rikuchisqa kanampaj.

Salmos 20:8

Paykuna llauchhiyanku urmankutataj. Noqanchejtaj sinch'illatapuni sayanchej.

Jeremías 8:4

Qan, Jeremías, aylluyman kay parlasusqayta willaykuriy: Pipis urmaytawan sayarikun chayqa, ñanta chinkachejpis ñanman kutirimun.

Jeremías 48:27

Manachu qanqa Moab Israelmanta alqochakorqanki, payta chejnikuspataj parlaj kanki suwapis kanman jina?

Ezequiel 36:5

Chayrayku, Atiyniyoj Señorqa kay jinata nin: Waj llajtaspa contrantaqa nina jina k'ajashaj phiñakuyniypi parlani, astawanqa tukuynin Edom llajtaj contranta. Paykunaqa tukuy sonqonkumanta kusikuspa jallp'ayta jap'ikaporqanku, manchay qhesachaywantaj camposnimpi kaj imasta suwakaporqanku.

Miqueas 4:10

Sión llajta, wijsayoj warmi nanayninwan jina q'ewiykachakuy qhapariytaj, imaraykuchus runasniyki qanmanta llojsenqanku, q'ara pampapi tiyamonqanku, Babiloniakamataj chayanqanku. Jinapis Señor chaypi ayllunta kacharichejqa, enemigosninmanta salvanqa.

Zacarías 12:8

Noqa Señor waqaychasaj Jerusalempi tiyakojkunata. Aswan kallpayoj kajkunamanta rey David jina kallpasapasman tukonqanku, Davidpa ayllunmanta kajkunataj Dios jina karenqanku, Señorpa angelnin jinataj paykunaj ñaupaqenkuta renqanku.

Salmos 143:3

Enemigosneyqa qhatiykachawanku, ñat'uspa pampaman ch'allpawanku, laqhapi tiyachiyta munawanku, unayña wañusqata jina.