Miqueas 7:18 - Qheshwa Biblia DC

¹⁸ Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

DIOSPA QHELQACHISQAN DEUTEROCANONICAL

¹⁸ Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

DIOSPA QHELQACHISQ

¹⁸ Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Miqueas 7:18 Referans Kwoze

Isaías 43:25

Noqarí, noqa kikiyta munakusqayrayku chay millay juchaykichejta pichani. Chay juchasniykichejmantaqa manaña yuyarikusajchu.

Isaías 44:22

Noqa juchasniykitaqa uj phuyuta jina chinkarichini, mana kasukusqaykitataj urphuta jina. Noqaman kutirimuy, noqamin qantaqa salvarqayki.

Jeremías 50:20

Noqa Señor nillanitaj: Chay p'unchaykunapeqa Israel aylluwan, chantá Judá aylluwan millay ruwasqasninkumanta, jinataj juchasninkumantapis kacharichisqas kanqanku, imaraykuchus noqa chay kausashajta saqerqani chaykunata perdonapusaj.

Jeremías 32:41

Noqa kusikusaj paykunata allinman churaspa, tukuy sonqowan, tukuy cheqan kayninwantaj paykunata kay jallp'api tiyachisaj.

Jeremías 3:12

Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

Éxodo 15:11

Ay, Señor, pitaj qan jinari, dioskunaj chaupimpiri? Ni pipis qan jina llimphu santo kanchu. May jina t'ukuna imasta ruwanki, mana yuyay atinasta, musphanapaj jina.

Salmos 89:8

Señor Tukuy Atiyniyoj Dios. Pitaj qan jina atiyniyojri? Cheqa kaywan muyuykusqa kanki. Manataj qan jinaqa pipis kanchu.

Salmos 86:15

Qanrí, Señor, llamp'u sonqoyoj Dios kanki, pacienciayoj, jatun munakuyniyoj, cheqantaj.

Salmos 65:3

Sajra ruwasqasniyku atipawayku. Contraykipi juchallisqaykuta pampachawayku.

Salmos 89:6

Ni ima diospis, ni pipis cielopi kajkunamanta, qan jinata kanchu, Señor.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

Miqueas 2:12

Jacobpa ayllunmanta kajkunata tukuyninta tantasaj; Israelmanta uj chhika puchojta oqharikapusaj. Tantaykusaj, ovejasta tropanman tantaykunchej ajinata, pastos chaupipi michisqa ovejas jina kanqanku, may chhika tunas jinataj ch'ajwarenqanku.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Deuteronomio 33:26

Jesurumpa Diosninmanqa ni ima diospis rijch'akuchunchu. Chay Diosqa janaj pachamanta phuyus patapi rikhurimun, Israel ayllunta yanapanampaj.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Miqueas 7:14

Señor, waqaychay Israel aylluykita, qampata kaj ovejasniykita, imaraykuchus sapallanku sach'as ukhupi kashanku, chay muyuyninkupitaj poqoj jallp'as karishanku! Ñaupa tiempospi jina apay chay Basán jinataj Galaad pastosman.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

Joel 2:32

Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

Isaías 57:16

Mana wiñaypajchu juchachasqayki, manataj wiñaypajchu phiñakusaj; imaraykuchus espiritoqa ñaupaqeypi urmanman, jinallataj ruwasqasniy kausay samaypis.

Salmos 86:5

Qanqa k'acha kanki, perdonankitaj, qanta wajyakojkunapaj jatun munakuyniyoj kanki.

Daniel (hebreo) 9:9

Señor Diosniyku, qampi kashan khuyakoyqa, juchasta pampachaypis. Noqaykoqa contraykita sayarerqayku.

Jeremías 3:5

Phiñasqallapunichu kanki? Wiñaypajchu phiñakuyniyki qhepakonqa? Kayta nej jinari, atisqaykita sajra kajta ruwaj kanki.

Isaías 65:19

Chaypacha Jerusalenwan kusikusaj, chanta ayllusniywan ima. Chay llajtapeqa manaña jayk'ajpis waqajkunata uyarenqankuchu, manataj llakiywan qhaparejtapis.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Isaías 1:18

Señortaj nin: Jamuychej parlasunchej. Juchasniykichejqa may jina pukapis kachunku, rit'i jina yuraj kanqanku; may jina kullipis kachunku, yuraj millma jina kanqanku.

Salmos 130:4

Qampi perdonta tariyku; chayrayku yupaychasuyku.

Salmos 71:19

Cheqan kayniykeqa, Diosníy, cielokama chayan, jatun imasta ruwasqaykirayku. Qan jinaqa mana pipis kanchu.

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Romanos 11:4

Chantá, Dios ima nintajri? Qanchis waranqa runasta t'aqakuni. Paykunaqa lantisman Baalpa ñaupaqenman mana qonqorikorqankuchu.

San Lucas 15:32

Atikullarqa qhochukuta ruwaspa kusikunaqa. Kay wauqeykeqa wañusqa karqa, kausarimpuntaj; chinkasqa kasqanmantataj rikhurimpun.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

Amós 8:2

Paytaj tapuwarqa: Amós, imatá rikunki. Kuticherqanitaj: Uj poqosqa frutayoj canastata rikuni, nispa. Señortaj niwarqa: Israel aylluypa jasut'iynin chayamunña, manaña ujtawampis juchasninta pampachasajchu.

Amós 7:8

Noqamantaj niwan: Amós, imatataj rikunki? Noqataj nerqani: Albañilpa plomadanta, nispa. Paytaj niwarqa: Kunanqa albañilpa plomadanan qhawasaj Israel llajtayta cheqantachus purishan manachus chayta. Manaña kunampeqa juchasninta pampachasajchu.

Jeremías 31:34

Manaña yachachinakunanku kanqachu ujkuna ujkunata, kausaqesnintin, ayllusnintimpis, noqata rejsinawankupajqa, imaraykuchus tukuy rejsiwanqanku, jatunmantapacha juch'uykama. Noqa juchasninkumanta perdonapusaj, manañataj jayk'ajpis juchasninkumanta yuyarikusajchu. Noqa Señor nini.

Isaías 57:10

Chay chhika purisqaykipi qanqa sayk'orqanki, manataj nerqankichu: Manaña atinichu, nispa. Ujtawan makiykipi kallpaqa rikhurillarqataj, chayrayku qan mana llauch'iyarqankichu.

Isaías 40:25

Santo Diosqa tapurin: Pimantaj rijch'achiwankichejri? Pitaj noqa jina kanmanri?, nispa.

Isaías 40:18

Pimantaj qankunaqa Diosta rijch'achinkichejri? Chayri ima lantimantaj rijch'achinkichejri?

Salmos 103:13

P'enqaypi rikhurichunku, kausayniypa enemigosnin. P'enqaypipuni rikhurichunku, mana allin kayniyta munajkunaqa.

Salmos 35:10

Tukuy ukhuy nenqa: Pitaj qan jinaqa, Señor? Wajchasta, usojkunata, paykunamanta aswan atiyniyojkunamanta libranki.

Números 23:21

Ni pipis Israelpeqa ch'aukiyayta tarinchu, nitaj ima sajrata chay Jacobpa wawasnimpi. Señor Diosninkoqa paykunawan kashan, paykunaqa ninku Señorqa reyninku kasqanta.

Jeremías 38:8

Chaypacha Ebed-melecqa reypa palacionmanta llojsispa reyta parlapayamoj rerqa:

Isaías 62:5

Imaynatachus uj waynaqa sipaswan casarakun, ajinallatataj wawasniykeqa jampusonqanku may munakuywan. Imaynatachus qhari warmi kusikunku, ajinata Diosniyki qanwan kusikonqa.

Génesis 4:7

Sichus allinta ruwawaj chayqa, mana jina uyayojchu kawaj. Qanqa mana allintachu ruwanki, chayrayku juchaqa atipaytaña munashasunki. Manachus jina kawaj chayqa, juchata atipawaj.

2 Crónicas 6:21

Jinataj kay kamachiykej mayta mañakamususqanta, chanta aylluyki Israel, kay wasipi qanmanta mañakamusojtimpis, uyariy janaj pachamantapacha, tiyakunki chaymantapacha, perdonawaykutaj.

2 Crónicas 30:9

Qankuna Señorman kutirikunkichej chayqa, wauqesniykichejta wawasnintinta presosta enemigosniykichejqa jap'ishanku chay paykunamanta khuyakonqanku, kay jallp'ankumantaj kutimponqanku, imaraykuchus Señor Diosniykichejqa, may munakuyniyojmin, khuyakuyniyojtaj. Manataj qankunata qhesachasonqachejchu qankuna payman kutirinkichej chayqa.

Isaías 33:24

Mana pipis ima nenqachu: Onqosqa kani nispaqa. Sión llajtapi tiyakojkunaj juchasninkuta Diosqa pampachanqa.

Isaías 64:9

Señor, amaña ari chay jinataqa phiñakuwaykuchu, amataj juchasniykumantaqa yuyarikullaypunichu ari. Tukuyniyku qampa ayllusniyki kayku.

Jeremías 9:24

Sichus pipis munanman runaykachayta chayqa, noqata rejsiwasqanmanta runaykachachun, noqa Señormin, Diosnintaj kasqaymanta, pichus kay jallp'api ruwarqa, munakuypi, justiciapi, cheqan kaypitaj chaymanta. Chaymin noqataqa kusichiwan. Noqa Señormin chayta nini.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Jeremías 33:8

Llimphuchasaj noqaj contraypi tukuy juchallisqankumanta, llimphuchasaj tukuy juchasta ruwasqasninkumanta, contraypi oqharikusqankuta ima pampachasaj.

Ezequiel 18:23

Mana noqa munanichu juchasapa runa wañunanta, manachayqa kutirimpunanta munani, kausanantataj. Noqa Señor kaytaqa nini.

Oseas 14:2

Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

Amós 1:11

Ajinata nin Señorqa: Edonmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa makinkupi espada oqharisqa hermanosninku israelitasta mana khuyakuspa qhatiykacharqanku. Paykunaqa phiñakuspa munayninkuta ruwarqanku, phiñakuyninkoqa mana thasnukoj karqa.

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.

Salmos 65:4

Kusikuyniyojmin ajllakusqaykeqa, wasiykipi tiyakunampaj pusasqayki runaqa. Wasiykipi allin kaywan sajsachisqas kasqayku, santo wasiykipi kajwan.

Isaías 38:17

Qhawariy, kay jinata ñak'arispa waqayneyqa, kusiyman tukun. Qanqa kausayniyta t'oqopi ismunanmanta jark'arqanki. Qanqa tukuy juchasniyta pampachanki.

Ezequiel 33:16

Chay ñaupaj jucha ruwasqasnimpis mana yuyarisqachu kanqa. Allin imasta, cheqa kajtataj ruwan chayqa, cheqatapuni kausanqa.

Oseas 14:5

Israelpaj noqa kasaj uj chhulla jina, paytaj liriokuna jina t'ikarenqa. Saphisnenqa Líbanoj orqompa saphisnin jina sinch'is kanqanku;