Miqueas 7:17 - Qheshwa Biblia DC

¹⁷ Jallp'ata llajwachunku kataris jina chay uj qhatatikojkuna khurus jinataj! Thapasninkumanta kharkatishaj llojsichunku. Manchachikuywan chimpamuchunku qan Señor Diosman!

DIOSPA QHELQACHISQAN DEUTEROCANONICAL

¹⁷ Katari jina, pampata qhatatakuspa khuru jina jallp'ata llajwachunku. Thapankumanta kharkatitishaj llojsimuchunku. Manchachikuspataj, qan Tata Diosniykuman, chimpamuchunku.

DIOSPA QHELQACHISQ

¹⁷ Katari jina, pampata qhatatakuspa khuru jina jallp'ata llajwachunku. Thapankumanta kharkatitishaj llojsimuchunku. Manchachikuspataj, qan Tata Diosniykuman, chimpamuchunku.

Miqueas 7:17 Referans Kwoze

Isaías 49:23

Reyqa kanqanku uywaqe tatayki jina, reinapis mamayki jina. Paykunaqa pampaman umankuta chayachinankukama qanman qonqorikusonqanku, chakisniykipi jallp'as kajtapis qallunkuwan llajwasonqanku. Ajinapi qanqa yachanki noqa Señor kasqayta, noqapi atienekuwajkunaqa mana jayk'ajpis p'enqaypi rikhurerqankuchu.

Salmos 72:9

Ch'inkunapi tiyakojkuna qonqorikuchunku ñaupaqempi.

Salmos 18:45

Waj llajtayoj runas llauch'iyanku, pakakusqankumantataj kharkatitispa llojsimunku.

Apocalipsis 3:9

Qhaway, wakinta Satanaspa tantakuna wasinmanta kajkunata qosqayki. Pikunachus judíos kayku ninku, manataj judioschu, llullas kanku. Paykunata kamachisaj jamunankuta chakisniykiman qonqorikoj, yachanankupajtaj munakususqayta.

Zacarías 14:5

Qankunarí ayqenkichej, chay orqos chaupipi kanqa chay vallenejta chayaspa chay uj ladopi kashan chay Azalkama. Ayqenkichej qankunapis ñaupa tatasniykichej, maypachachus rey Uzías Judapi kamachishajtin jallp'a ikhakuy kajtin, ayqerqanku ajinata. Chaypachamin jamonqa Señor Diosneyqa tukuy payta qhatejkunawan khuska.

Lamentaciones 3:29

Pampaman k'umuykukuchun, ichapis paypajqa suyay kanraj.

Jeremías 33:9

Kay jallp'api Jerusalenqa noqaj kausayniy, jatunchakuyniytaj kanqa tukuy nacionespa ñaupaqempi. Maypachachus tukuy allin kajta Jerusalempi tiyakojkunaman patanman apachimusqayta uyarenqanku, jinataj tukuy allin kajwan junt'achisqayta parlajta uyarenqanku, chaypachaqa mancharikuywan kharkatenqanku.

Jeremías 16:16

Noqa jamuchisaj ashkha challwa jap'ejkunata, noqa Señor chayta nini, challwasta jina israelitasta jap'inankupaj, chanta kachamullasajtaj ashkha uywa wañuchejkunata, wañurachisunaykichejpaj tukuy orqospi, lomaspi, jinataj chay chhanka k'ajllusnimpipis.

Isaías 65:25

Atojwan ovejawanqa uj michejniyojlla kanqanku. Leonqa waka jina ichhuta mikhonqa. Katareqa ñut'u jallp'ata mikhonqa. Chay ajllakusqay lomapeqa manaña pipis llakichenqachu, manañataj ñak'arichenqankuchu paykunata, nispa nin Señorqa.

Isaías 64:2

Imaynatachus ninaqa unuyachin, mankapi yakutapis t'impuchin ajinata, enemigosniykiman imaynachus kasqaykita rikuchinaykipaj, qampa ñaupaqeykipi nacionespis kharkatitinankupaj.

Isaías 60:14

Llakichisojkunaj wawasnenqa, llamp'u sonqoman tukuspa jamusonqanku; ñak'arichisorqachej chaykunaqa chakisniykiman k'umuykamusonqachej. Israelpa Diosnimpa ayllun, Señorpa ayllun, nispa sutichasonqankutaj.

Isaías 59:19

Inti chinkaykuymantapacha naciones Señorpa sutinta manchachikonqanku, jinallataj inti llojsimuymantapacha k'anchayninta manchachikonqanku. Enemigosqa yaku mayu jina manchayta jamonqanku, Señorpa Espirituntaj bandera jina ñaupaqenkupi contrankupi sayaykonqa.

Isaías 25:3

Chayrayku atiyniyoj runasqa jatunchasonqanku, may jina kallpasapa runaspis manchachikusonqanku.

Salmos 9:20

Manchachikuyta qoy paykunaman Señor, yachachiy runaslla kasqankuta.

1 Samuel 14:11

Ajinaqa iskayninku chay filisteo soldadoswan rikuchikorqanku. Chay runastaj rikuytawankama nerqanku: Qhawariychej chay hebreo runas llojsiykamusqankuña, pakasqas kasharqanku chay jusk'usmanta, nispa.

Josué 9:24

Paykunataj Josueman kuticherqanku: Noqayku kayta ruwarqayku qankuna wañuchinawaykuta manchachikuspa, imaraykuchus yachayku Señor Diosniykichej kamachin Moisesman kamachisqanta, kaykunapi tiyakojkunata wañurachispa, qankunaman kay jallp'asta qonasuykichejta.

Deuteronomio 32:24

Yarqhaywan, q'oñi onqoywantaj wañonqanku. Uj millay onqoy paykunata tukuchenqa. Paykunaman khanikoj sajra animalesta venenoso kataristawan kachamusaj.

2 Samuel 22:46

Waj llajtayoj runas mancharikunku, pakakusqasninkumanta kharkatispa llojsimunku.

2 Crónicas 17:10

Chaypachataj Judá qayllapi kaj tukuy jallp'asmanta reykunasqa Señorta sinch'ita manchachikorqanku. Chayrayku Josafatpa contrampeqa maqanakuyta mana munarqankuchu.

Salmos 72:11

Tukuy reyes ñaupaqempi qonqorikuchunku. Tukuy nacionestaj kamachisqanta ruwanku.

Isaías 7:19

Chay tukuy jamuspaqa sayanqanku, ch'in wayk'uspi, chhanka jusk'uspi, khishka ch'umispi, uywa ujyanaspi ima.