Miqueas 7:14 - Qheshwa Biblia DC

¹⁴ Señor, waqaychay Israel aylluykita, qampata kaj ovejasniykita, imaraykuchus sapallanku sach'as ukhupi kashanku, chay muyuyninkupitaj poqoj jallp'as karishanku! Ñaupa tiempospi jina apay chay Basán jinataj Galaad pastosman.

DIOSPA QHELQACHISQAN DEUTEROCANONICAL

¹⁴ Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

DIOSPA QHELQACHISQ

¹⁴ Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

Miqueas 7:14 Referans Kwoze

Miqueas 5:4

Reyqa jatarikonqa michinampaj chay Israel ayllunta tukuy atiywan, Señor Diospa jatun kaynimpitaj, paykunataj sonqo tiyasqa kaypi tiyakonqanku, imaraykuchus Señor jatunchasqa kanqa tukuy jallp'aj cantosninkama.

Isaías 49:10

Mana yarqhachikonqankuchu nitaj ch'akichikonqankuchu, manataj q'oñipis, intipis llakichenqachu; imaraykuchus munakuyniywan paykunata pusaykachanqa, maykunamantachus yaku phullchimushan chaykunaman.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

Isaías 37:24

Qanqa kamachisniykita kachamunki kaypi Señorpa contranta qhaparinankupaj, nichimunkitaj: Ashkha carrosniywan orqo puntasman wicharini, Líbano kinraykunaman. Jatuchaj kaj cedros sach'asta k'utuni, sumachaj kaj pinostawan, aswan jatuchaj kaj orqo puntasniykiman wicharini, aswan ch'ipasqa kaj montesniykiman ima.

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Salmos 95:7

Pay Diosninchej, noqanchejrí ayllun kanchej, q'omer pampakunapi kaj ovejasnin. Uyariychej kunan paypa nisqanta:

Salmos 28:9

Señor, aylluykita salvay, qampata kajkunatataj yanapay. Pusaykachay, waqaychay, ovejata michej jina waqaychay, wiñaypajtaj ichurikuspa pusaykachay.

San Juan 17:16

Paykuna mana mundojtachu kanku, noqapis manallataj mundojtachu kani.

San Mateo 2:6

Qanrí Belén, Judaj jallp'ampi kaj, manamin aswan juch'uychu kanki Judaj llajtasnin ukhupi. Qanmanta llojsenqa uj kamachej, paytaj Israel aylluyta michenqa.

Malaquías 3:4

Chaypacha Señor kusikonqa Judajpa ofrenda jaywasqanwan, jinallataj Jerusalempa ofrenda jaywasqanwampis, imaynatachus ñaupa tiempospi kusikoj karqa ajinata.

Sofonías 3:13

Israel ayllumanta kausaypi qhepakojkuna imachus mana cheqa kajtaqa mana ruwanqankuchu, nitaj llullata parlanqankuchu, nitaj ch'aukiyaspa parlanqankuchu. Sumajta mikhurikonqanku, nitaj pimanta mancharikuspa samarikonqanku.

Lamentaciones 5:21

Wajyakapuwayku ari Señor, noqaykutaj qanman jampusqayku. Kay p'unchayniykutaqa mosojyachiy ari, ñaupajta karqa ajinata.

Isaías 65:10

Mask'awaj kamachisneyqa ovejasninkuta Sarompi mirachenqanku, wakasninkutataj Acor vallepi.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqanku. Líbano orqo jina may k'achitu kanqa, Carmelo jallp'as, Sarón jallp'as jinataj sumajta poqoj jallp'as kanqa. Ajinamanta paykunaqa Señorpa atiyninta rikonqanku, Diosninchejpa k'acha kaynintawan.

Salmos 143:5

Ñaupajmanta yuyarikuni, tukuy ruwasqasniykipi yuyarikuni.

Deuteronomio 33:28

Israelpa miraynin sonqo tiyasqa kausakonqa. Chay jallp'asninkupeqa sumajta trigo, uvas ima poqonqa. Paraqa ni jayk'aj pisenqachu.

Números 23:9

Kay chhanka patamanta paykunata rikuni, kay orqo patamanta paykunata rikushani. Kay runasqa sapallanku tiyakunku, tukuy runasmanta waj jina runas kanku.

Éxodo 33:16

Imapitaj yachakonqa qampi khuyakuyniykita tarisqayri, jinallataj israelita runasniyki imari? Manachu yachakonqa qan noqaykuwan purisqaykipi, manachu chanta yachakullanqataj noqata, israelita runasniykita ima kay mundopi tukuy laya runasmanta wajllaman t'aqawasqaykupi?

Lamentaciones 1:7

Jerusalén runasqa enemigosninkoj makinman urmaspa, manaña pipis paykunata yanaparej kajtin, yuyarikunku llakiyninkumanta, Señorpa contranta oqharikusqankumantawan. Chantaqa yuyarikullarqankutaj ñaupajta may qhapaj kasqankumanta. Enemigosninkutaj paykunata mayta alqochakuspa asipayarqanku imaynatachus urmasqankumanta.

Levítico 27:32

Wakasmanta, chayri ovejasmantaqa sapa chunkamanta ujqa Señorpata kanqa.

TAKIYKUNA 4:1

Qanqa k'achita kanki munasqetáy, k'achitapuni kanki. Ñawisitusniykeqa paloma ñawisitus jina rikukun suk'umpayki urapi. Chujchasniykeqa, Galaad kinraykunapi ashkha cabras mast'alla puñurashajkuna jina.

Jeremías 49:31

Noqa Señor kamachiykichej: Chay llajtata jap'ej yaykullaychej, payqa atienekuspa mana imata manchachikuspa tiyashan, jinapis mana punkusniyoj, mana wisq'anasniyojtaj sapallan kashan.

Ezequiel 36:11

Qankunapi runasta ashkhata miraykuchisaj. Miranqanku, wiñanqankutaj. Ñaupa tiempospi may chhikachus kaj kanku, chay jina ashkhallataj kanqanku. Qankunataj ñaupa karqankichej, chaymantapis aswan allintaraj tiyakunkichej. Yachankichejtaj noqa Señor kasqayta.

Números 32:1

Rubén ayllojta, Gad ayllojtawan ashkha uywasninku karqa. Chayrayku Jazer jallp'aswan, Galaad jallp'aswan uywasta mirachinapaj sumaj kasqanta reparaspa, Gadpa mirayninwan, Rubempa mirayninwan ima Moisesman, sacerdote Eleazarman, israelitaspa kurajkunasninkumanwan qayllaykorqanku, nerqankutaj:

Isaías 27:13

Chaypacha putututa jatunmanta waqachenqanku, chayta uyariytawan Asiriaman wijch'usqa kajkuna jamonqanku, jinallataj Egiptopi kajkunapis. Chayamuspataj Jerusalempi Santo orqopi Señorta yupaychanqanku.

Abdías 1:19

Neguevmanta kajkuna israelitas, Esaojpa chaynejpi chay orqosta jap'ikaponqanku, Sefelamanta kajkunataj filisteospa jallp'asninkuta jap'ikaponqanku. Chantapis jap'ikapullanqankutaj Efraimpa jallp'asninta, Samariaj jallp'asninta, jinataj Benjamimpata kajkuna Galaadta jap'ikaponqanku. Chay chhika wijch'usqasmanta kajkunamanta israelitas cananeospa jallp'asninmanta, Sarepta chaynejkama. Jerusalempi presos kajkunamanta, chay Sefarad chaynejpi jina kashanku. Chaykunamantaqa Neguedpi chay llajtasta jap'ikaponqanku.

Zacarías 10:10

Egiptomanta kutirichimuspa Asiriamantapis, pusamusaj apasajtaj Galaadman, jinataj Libanomampis. Ashkha kasqankurayku manaña paykunapaj campopis kanqañachu.

Zacarías 11:7

Jinaqa, wañuchinapaj t'aqasqa karqa chay ovejasta michej churakorqani. Chayta ruwarqani rantejkunaj cuentankupi. Chaymanta iskay tojnusta oqharikorqani; ujninta suticharqani khuyakuyta, chay ujnintataj ujchakuyta.