Miqueas 7:11 - Qheshwa Biblia DC

¹¹ Jerusalén, ña jamushanñamin chay p'unchay maypachachus perqasniyki watejmanta ruwasqa kananqa jinataj jallp'aykej cantosnimpis astawan suchurisqa kananqa.

DIOSPA QHELQACHISQAN DEUTEROCANONICAL

¹¹ Jerusalén, muyuyniykipi kaj perqa watej sayarichisqa kanan p'unchay jamushanña, jinataj mojonniykikuna astawan jatunyachisqa kanan p'unchay chayamushallantaj.

DIOSPA QHELQACHISQ

¹¹ Jerusalén, muyuyniykipi kaj perqa watej sayarichisqa kanan p'unchay jamushanña, jinataj mojonniykikuna astawan jatunyachisqa kanan p'unchay chayamushallantaj.

Miqueas 7:11 Referans Kwoze

Nehemías 2:8

Waj qelqasqa kamachiytataj apachiway Asafman. Payqa reypa sach'a montesninta qhawajnin, maderata qonawampaj, chaywan Diosta yupaychana wasej qayllampi punkusta wisq'aykunaypaj, jinallataj llajtaj perqasnimpaj, chanta maypichus tiyakusaj chay wasipajpis, nispa. Reytaj tukuy mañasqayta qowarqa, Diospa yanapayninwan kasqayrayku.

Isaías 54:11

Wajcha, llakiywan ñak'arej llajta, sinch'i wayrawan jasut'isqa, ni pi sonqochajniyojtaj. K'acha rumis patapi sayachisqayki, cimientosniykipis zafiromanta kanqa.

Nehemías 4:6

Perqata watejmanta jatarichispa ruwallarqaykupuni, ñapis khuskankamaña oqharisqa karqa. Ayllumanta kaj runasqa manchay kusiywan llank'asharqanku.

Nehemías 4:3

Sanbalatpa ladompitaj amonita Tobías kasharqa, paypis nillarqataj: Chay jawaqa, qhawariychej chay perqa ruwasqankuta: Uj atojllaraj chay pataman wicharispa, urmaykuchinman!

Nehemías 2:17

Kay jinatataj paykunaman nerqani: Qankuna allinta yachankichej jinaqa sinch'i llakiypi rikukusqaykichejta, Jerusalén llajtanchejqa raqaykunasllapiña kashan, punkusnimpis ninaj q'olasqasnin kashanku. Noqawan ujchakuychej, Jerusalempa perqanta watejmanta jatarichinachej amaña asipayachikunanchejpaj, nispa.

Daniel (hebreo) 9:25

Kayta yachay; unanchaytaj: Jerusalén llajta watejmanta ruwakunampaj kamachisqa kanqa chay ratomantapacha. Kamachej Mesías chayamunankamaqa, qanchis semanas kanqa. Chanta Jerusalempa callesnin, muyuynimpi perqasnimpis watejmanta ruwasqas kanankamataj, sojta chunka iskayniyoj semanas kanqa. Chaypachataj manchay llakikuy p'unchaykuna kanqa.

Isaías 54:2

Astawan toldoykita jatunyachiy, tiyanaykej cortinasninta jatunman aysatatay. Chay toldoykita jap'ichinayki waskastapis astawan jatunyachiy, ch'akarpusnintapis sumajta takaykuy.

Isaías 58:12

Qampa mirayniyki thuñisqa ñaupa raqaykunata watejmanta ruwanqanku; chay ñaupa runaspa ruwasqallanmantaj sayachenqanku; chaymantataj qankunata nisonqachej: Raqaykunata watejmanta sayachejkuna, chaypi tiyakunapaj watejmanta wasichajkuna, nispa.

Isaías 61:4

Paykuna sayarichenqanku urmasqa ñaupa wasista, ch'in saqesqa raqaykunasta watejmanta ruwanqanku, may unay thuñisqa llajtasta watejmanta sayarichenqanku, unay saqesqas wasis kashan chaykunatawan.