Miqueas 7:10 - Qheshwa Biblia DC

¹⁰ Chay chejnikuwajniypis rikullanqataj, chaytaj p'enqaywan junt'aykuchenqa. Payqa niwaj: Maypitaj Señor Diosniyki kashan?, nispa. Jinapis kunanqa kusisqa kani rikuspa callespi t'uruta jina sarusqata.

DIOSPA QHELQACHISQAN DEUTEROCANONICAL

¹⁰ Chantá awqay chayta rikuspa, p'enqakuymanta wañonqa. Pay kusipayawaspa niwaj: Maypitaj Tata Dios, chay Diosniykiri? nispa. Chaywanpis ñanpi t'uruta jina sarusqata awqayta rikuspa, noqañataj kusikusaj.

DIOSPA QHELQACHISQ

¹⁰ Chantá awqay chayta rikuspa, p'enqakuymanta wañonqa. Pay kusipayawaspa niwaj: Maypitaj Tata Dios, chay Diosniykiri? nispa. Chaywanpis ñanpi t'uruta jina sarusqata awqayta rikuspa, noqañataj kusikusaj.

Miqueas 7:10 Referans Kwoze

Zacarías 10:5

Soldados jina kankichej, imaynatachus maqanaku kajtin tukuy ñankunaspi t'uruta sarunku, ajinata ruwankichej. Maqanakunkichej imaraykuchus Señor qankunawan kanqa jinamanta caballospi purejkunapis p'enqachisqas kanqanku.

Salmos 42:10

Tullusniypis nanawanña, enemigosniy toreawasqankumanta. Tapullawankupuni: Maytaj Diosniykiri?, nispa.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Joel 2:17

Sacerdotes, Señorta sirvejkunapis waqachunku. Templo punkuman altar qayllanejpi nichunku: Kay llajtapi kaj tukuy runaspa juchasninta pampachay, Señor. Ama saqeychu, qampata kajkunamanta pipis burlata ruwakunanta. Ama saqeychu waj llajtayoj runas llajtaykipi kamachinankuta. Amataj saqeychu Diospi mana creejkuna ninankuta: Maypitaj kashan paykunaj Diosninrí?

Salmos 35:26

P'enqachisqas, musphasqastaj rikhurichunku. Llakiymanta kusikojkunaqa, p'enqaypipuni kachunku, noqamanta aswan jatun kayta munajkunaqa.

Salmos 18:42

Wayraj apanan ñut'u jallp'ata jina phirerqani. Callespi t'uruta jina sarorqani.

2 Samuel 22:43

Ñut'u jallp'ata jina kutarqani! Sarurarqani ñan patapi t'uruta jina!

Miqueas 4:11

Kunanqa ashkha naciones contraykipi tantaykukunku nispa: Jakuchej kusikamunachej Jerusalempa honran t'akasqata rikuspa.

Jeremías 51:51

Qankuna ninkichej, p'enqachikuyku phiña parlasqasniykuta uyarispa. Tukuyniyku mana allimpi qhawasqas kayku, imaraykuchus waj llajtasniyoj runasqa yupaychana llimphu wasiyki ukhuman yaykorqanku.

Salmos 79:10

Qanta mana qhatisojkuna nenqanku: Maypitaj Diosninku kashan?, nispa. Kamachisniykej wañuyninmanta ayni kutichisqata rikuchiwayku, Qanta mana qhatisojkunapis yachanankupaj.

San Mateo 27:43

Diosman atienekorqa, kunanqa Dios kacharichichun ari, munakun chayqa, imaraykuchus Diospa Churin kani nerqa.

Malaquías 4:3

Chay p'unchaypi mayqentachus wakichishani, chaypacha qankuna chakisniykichejwan sajra runasta sarunkichej ñut'u jallp'ata jina.

Malaquías 1:5

Qankunataj chayta ñawisniykichej rikunkichej. Chantá ninkichej: Israel llajtamantapis aswan jaqaynejkama Señorqa jatunchasqa kashan, nispa.

Abdías 1:10

Qhepakunki q'ala p'enqaywan junt'asqa wiñaypajtaj t'una ruwasqa kanki Jacob hermanoykita sajrawan rikusqaykirayku wañuchisqaykiraykutaj.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Jeremías 51:24

Noqa rikunaykichejta Babiloniaman, caldeosmampis imastachus munasqankuman jina jasut'isaj Sión orqopi millay imasta ruwasqankurayku. Noqa Señor chayta nini.

Salmos 115:2

Imaraykutaj Diosta mana qhatejkuna taponqankuri. Maypitaj Diosninku kunan kashanri?, nispa.

Salmos 109:29

Enemigosneyqa p'enqaypi rikhurichunku, poncho jinataj p'enqayta qhataykukuchun.

Salmos 58:10

Diosta yuyajkuna kusikonqanku sajra runata jasut'isqata rikuspa. Chakisnintataj yawarninkupi ch'aranchakonqa.

Salmos 42:3

Maytaj Diosniykiri?, nispa, sapa rato tapushawajtinku, tuta p'unchay waqaynillay mikhunayqa karqa.

Ezequiel 7:18

Qhashqa p'achata churakonqanku sonqo nanayta rikuchispa. Tukuyninkojta uyasninkupis p'enqachisqas umankutaj raphasqas kanqanku.

Isaías 41:25

Patanejpi uj runata rikhurichini, payqa inti llojsimuymanta jamuspa sutiyta oqharin; kamachejkunataqa t'uruta jina saronqa, imaynatachus manka ruwajqa t'uruta sarun, ajinata.

Abdías 1:12

Mana qanqa kusikunaykichu karqa maypachachus hermanoyki llakiypi rikhurerqa chay p'unchaypeqa. Mana llajtanman yaykunaykichu karqa ñak'ariypi kashajtin, nillataj kusikunaykichu karqa may llakiypi rikukushajtin. Manallataj kusikunaykichu karqa Judata rikuspa chay ñak'ariy llakiy p'unchaynimpeqa, nillataj asiykukunaykichu karqa llakiyninkupi.

Miqueas 7:8

Qan contray kaj nación, ama kusikuychu kay mana allin qhatiriwasqanmanta, urmarqani chaypis sayarikullasajtaj laqhayaypis muyuykuwachun, Señorllamin k'anchayneyqa.

Josué 7:9

Kunanqa kay imasmanta yachanqanku cananeos, tukuy kaynejpi tiyaj runas ima; ujllaman tantaykukuspataj jamuwasqayku, chinkachiwasqaykutaj mana ujniyojta, mana kanqachu yuyarikunallapajpis. Chantá imataj kanqa chay jatun sutiykimantari?

Salmos 92:12

Cheqan runasqa palma jina t'ikanqanku, Líbano cedro sach'as jinataj wiñanqanku.

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

Jeremías 49:15

Tukuy ayllumanta aswan juch'uyta noqa ruwasqayki, runas ukhupitaj aswan qhesachasqa kanaykita.

Sofonías 3:15

Señorqa qhechun contraykipi karqa chay juchachaytaqa. Contrarioyki karqanku chaykunatataj karunchan. Israelpa Señornenqa, Reynintaj qanwan khuska kashan. Mana ima sajrataqa manchachikunaykeqa kanqachu.