Miqueas 6:8 - Qheshwa Biblia DC

⁸ Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

DIOSPA QHELQACHISQAN DEUTEROCANONICAL

⁸ Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

DIOSPA QHELQACHISQ

⁸ Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Miqueas 6:8 Referans Kwoze

Proverbios 21:3

Cheqanta puriyta, cheqan kajtawanqa ruwaypuni, Señorqa chayta astawan munan uywa ñak'asqasta jaywanamanta nisqaqa.

Colosenses 3:12

Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Oseas 6:6

Noqaqa astawan munani munakunawaykichejta, manataj sacrificiosllatachu apachimunawaykichejta. Munani Diosniykichejta jina rejsinawaykichejta, manataj q'olachinasllatachu apamunawaykichejta.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

San Lucas 6:36

Qankunapis khuyakojkuna kaychej ari, imaynatachus Tataykichejpis khuyakoj, ajinata.

San Lucas 11:42

Ay, qankunamanta fariseos! Qankunaqa diezmota qonkichej mentamanta, rudamanta, tukuy q'omerkunamantawan; Diospa cheqanchayninta, munakuynintawan qonqapunkichej. Kayta ruwana karqa, mana jaqayta saqespa.

Amós 5:24

Astawampis ashkhayachun cheqan ruway yaku jina, k'acha kaytaj kachun mana tukukoj yaku pujyu jina.

San Mateo 5:7

Kusikuyniyoj kanku khuyakojkunapis, imaraykuchus paykunaqa khuyakuyta tarenqanku.

Efesios 4:32

Ujkuna ujkunawantaj k'achas kaychej, khuyakuyniyojtaj. Sapa uj juchasniykichejta perdonanakuspa, imaynatachus Diospis juchasniykichejta pampacharqa Cristopi, ajinata.

Génesis 18:19

Noqa payta ajllani, wawasninta, miraynintapis kamachinampaj noqaj ñankunasniypi purinankupaj cheqan kajta, allin kajtataj ruwaspa, noqa junt'anaypaj payman tukuy ima nisqasniyta.

Eclesiastés 12:13

Kay tukuy imasta uyarisqaykimantaqa kayta ruwan: Diosta munakuy, kamachisqasnenqa waqaychay. Kay imasllata runaqa astawan ruwanan tiyan.

Oseas 12:6

Ajinaqa ari, Israel kutirikuy Diosniykiman; ruwasqasniyki kachun munakuypi cheqa kajpitaj, Diosniykipitaj confiakullaypuni.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

San Mateo 5:3

Kusikuyniyoj kanku wajcha sonqoyojkunaqa, imaraykuchus paykunajta janaj pacha reinoqa.

Sofonías 2:3

Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Salmos 37:26

Khuyakullampuni payqa, manutataj qollampuni, wawasnintaj bendición kanku.

Nehemías 9:13

Chaymantataj Sinaí orqoman uraykamorqanki, janaj pachamantataj paykunawan parlamorqanki. Cheqan kamachiykunastataj qorqanki, cheqan yachachiykunasta, leyesta, sumachaj kaj kamachiykunasta ima.

Salmos 112:4

Laqhapi k'anchay jina, k'acha sonqoyojkunapaj lliphipin, khuyakoj, cheqan sonqo, llamp'u sonqotaj.

Lamentaciones 3:26

Señorpa salvacionninta ch'inmanta suyanaqa may sumajpuni.

Salmos 112:9

Wajchasman kapuyninmanta qorin, k'acha kaynenqa kallampuni. Mana p'enqakuspa umanta oqharin.

Salmos 73:28

Noqarí Diosman qayllakusaj. Noqapajqa chaymin aswan sumajqa. Qan, Señor, Diosníy, pakakunay kanki, tukuy ruwasqasniykitataj willamusaj.

Santiago 2:20

Mana yuyayniyoj runa, munankichu yachayta feqa mana ima ruwayniyoj wañusqa kasqanta?

Romanos 7:16

Imatachus mana munanichu chayta ruwani. Chayrayku yachani chay ley allin kasqanta.

2 Crónicas 32:26

Wapuykachasqanmanta qhepamanqa Ezequiasqa Diospa ñaupaqempi k'umuykacharqa, jinallataj Jerusalempi tiyakojkunapis. Señortaj phiñakuyninta mana paymanqa apachimorqachu Ezequías kausanankama.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

Romanos 9:20

Qanrí, runa, pitaj kanki Dioswan churanakunaykipaj? T'uru vasoqa ninmanchu ruwajninman: Imapaj ajinata ruwawarqanki, nispa?

San Lucas 10:42

Ujllamin aswan walejqa. Mariaqa ajllakun allin kajta. Chaytaqa mana pipis qhechonqachu.

Ezequiel 16:63

Qantaj yuyarikuspa may chhikata p'enqakunki, k'umuykunkitaj, simiykitapis mana ujtawan kicharinkichu, maypachachus noqa tukuy ima ruwasqasniykimanta perdonasqayki chaypacha. Noqa Señor chaytaqa nini.

2 Crónicas 33:23

Manataj Señorpa ñaupaqempeqa k'umuykukorqachu imaynatachus tatan Manasés k'umuykukorqa jinataqa, manachayqa aswan juchasta yapaykukorqa.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

Génesis 5:22

Enocqa Diospa munayninman jinapuni kausarqa. Matusalén nacesqanmanta qhepata, Enoc kausarqa kinsa pachaj watastawan. Wawasnintaj karqanku qharis, chanta warmis.

Levítico 26:41

Noqapis qankunaj contraykichejta ruwasaj, pusasqaykichejtaj enemigosniykichejpa llajtanman. Chaypitaj sajra yuyayniykichej k'umuykukonqa. Juchasniykichejmanta jasut'isqaytataj allimpaj qhawankichej.

2 Crónicas 33:19

Diosmanta mañakusqan, Dios payta uyarisqan, tukuy juchallisqasnin, Diosta qhesachasqan, lomas patapi lanti wasista jatarichisqasnin, jinataj maykunapichus churarqa Asera lantista, waj lantistawan, manaraj Diosman k'umuykushajtin, tukuy chaykunamantaqa profetaspa willaykunasninkupi qelqasqas kashanku.

1 Corintios 7:16

Imata qan yachanki warmi, qosaykita salvayta atinaykimanta? Qampis qosa, imata yachanki, warmiykita salvayta atinaykimanta?

2 Crónicas 30:11

Chaywampis wakin runas Aser ayllumanta kajkuna, Manasesmanta kajkuna, Zabulonmanta kajkunapis sonqonkuta llamp'ucharqanku, rerqankutaj Jerusalenman.

San Lucas 12:14

Jesustaj kuticherqa: Imanayasunkitaj runa, pitaj churawarqa juezta jina, qankunaman rak'inaypaj?

Deuteronomio 30:15

Kunan noqaqa ñaupaqeykichejpi churani kausayta, allin kajtawan; chaymantataj wañuyta, mana allin kajtawan.

Isaías 56:1

Señorqa nin: Cheqan kaj ruwayta ruwaychejpuni, imatapis cheqanta ruwaychej, imaraykuchus salvanay p'unchayqa qayllapiña kashan, cheqanchayniypis chayamushanña.

Ezequiel 33:14

Sichus juchapi purej runata noqa nisaj: Cheqamanta qan wañunki; paytajchus juchamanta kutirikunman, allinta purinman cheqan imasta ruwaspa, chantapis prenda jap'isqanta, suwakusqasnintataj kutichipunman, manañataj sajra imasta ruwanmanñachu, aswampis kausanampaj churasqa kamachisqaman jina purinman chayqa, cheqamanta kausanqa, manataj wañonqachu.

Miqueas 6:9

Señor wajyashan llajtata, allin ruwaytaj kanman atencionwan uyareyqa: Uyariychej, ayllumanta kajkuna jinataj llajtata umachajkunapis:

Deuteronomio 27:10

Chayrayku qankunaqa payta uyarinaykichej tiyan, kamachisqasninta, leyesnintawan junt'anaykichej tiyan, kunan kamachishaykichej chaykunata.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

Salmos 101:1

Munakuyniykimanta cheqan kayniykimantawan takisaj; arí, Señorníy qanman takisaj.

Jeremías 9:23

Señorqa nin: Yachayniyoj runaqa ama chay yachayninmanta runaykachachunchu, nitaj atiyniyojpis, nitaj qhapajpis.

Jeremías 22:16

Payqa ñak'arejkuna wajchastapis yanapaj, chayrayku paytaqa tukuy imapi allin rerqa. Chaypi yachakun noqa Señorta rejsiwasqanqa. Noqa Señor chayta nini.