Miqueas 6:4 - Qheshwa Biblia DC

⁴ Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

DIOSPA QHELQACHISQAN DEUTEROCANONICAL

⁴ Noqa Egiptomanta orqhomorqayki, wata runa kasqaykimantataj kacharicherqayki. Chantá Moisesta, Aaronta, Mariatawan ima pusamusunaykichejpaj kachamorqani.

DIOSPA QHELQACHISQ

⁴ Noqa Egiptomanta orqhomorqayki, wata runa kasqaykimantataj kacharicherqayki. Chantá Moisesta, Aaronta, Mariatawan ima pusamusunaykichejpaj kachamorqani.

Miqueas 6:4 Referans Kwoze

Deuteronomio 7:8

Señorqa ajllasunkichej munakususqaykichejrayku. Chayrayku payqa Egiptopi ñak'arishajtiykichej, faraompa kamachimpi kashajtiykichej jatun atiyninwan orqhomusorqachej, ñaupa tatasniykichejman imatachus ruwapusqaykichej nisqanta junt'ananrayku.

Éxodo 12:51

Chay kikin diallataj Señorqa orqhorqa Egiptomanta israelitaspa soldadosninta.

Amós 2:10

Qankunatataj Egiptomantapacha orqhomorqaykichej, tawa chunka watastataj pusaykacharqaykichej ch'in pampaspi, chay runaspa jallp'asninkuta qankunaman qonayrayku.

Jeremías 32:21

Qanqa may jatun atiyniykiwan Egiptomanta Israel aylluykita orqhomorqanki, señalesta ruwaspa, t'ukuna ruwasqasniykiwan tukuyninta manchariykuchispa ima.

2 Samuel 7:23

Israel aylluyki jinaqa, mana waj llajta pay jina kanchu tukuy kay pachapeqa? Qan Diosníy, aylluyki kanampaj kacharicherqanki, may uyarisqa kanantataj ruwarqanki, payrayku may t'ukuna k'acha imasta ruwaspa. Egiptomanta kacharicherqanki, chay aylluykej ñaupaqenmantataj qan wijch'orqanki chay waj nacionesta dioskunasnintawan.

Números 12:1

Mariawan Aaronwan Moisespa contranta rimarqanku, uj etiope warmiwan casarasqanrayku.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Hechos 7:36

Kay Moisés orqhomorqa Egiptomanta israelitakunata, milagrosta, señalesta ima ruwaspa, puka mar qochapi, ch'in pampaspi ima tawa chunka wata junt'ata.

Salmos 77:20

Ovejasta jina llajtaykita pusarqanki, Moisesnejta, Aaronnejtataj.

Deuteronomio 24:18

Qankunaqa ama qonqaychejchu Egiptopi kamachis kasqaykichejta, Señor Diosniykichej chaymanta orqhomususqaykichejta. Chayrayku noqaqa kamachiykichej kay tukuy imasta junt'anaykichejta.

Deuteronomio 15:15

Ama qonqankichejchu qankunapis Egiptopi kamachis kasqaykichejmanta, maynejmantachus Señor Diosniykichej kacharichimusunkichej. Chayrayku kunanqa noqa kay kamachiyta qoykichej.

Deuteronomio 9:26

Chaypacha Señorman nerqani, mañakorqanitaj kay jinata: Señorníy, kay qampa runasniykita ama chinkachiychu ari. Qan kacharicherqanki jatun kayniykiwan, Egiptomanta jatun atiyniykiwan orqhomorqanki.

Deuteronomio 5:6

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Éxodo 4:16

Qan parlanki, Aaronman noqapis parlashayman jina, paytaj runasman parlanqa qampis parlashawaj jina, imatachus parlanayki kashan chayta.

Deuteronomio 4:20

Señorqa qankunata jap'ispa fierrota unuyachej Egipto hornomanta orqhomusorqachej, Paypa chayaqen ayllu kanaykichejpaj, imaynachus kunan kashankichej jinata.

Éxodo 3:10

Chayrayku kunanqa jamuy, qanta kachasqayki faraonman, aylluy israelitasta Egiptomanta orqhomunaykipaj.

Éxodo 4:10

Chanta Moisesqa nerqa: Ay, Señor! Ni jayk'aj noqaqa runasman allinta parlayta atinichu, mana qan parlawasqaykimantapachallachu, ni qaynallamantachu, nitaj kunallanmantachu, noqa kamachiykeqa unaymantapuni jina kani, qalloyqa parlashajtiy watakullawampuni.

Números 33:1

Kaykuna karqanku israelitaspa jarakusqasninku, Egiptomanta llojsimusqankumantapacha, soldados jina. Paykunatataj pusarqanku Moiseswan Aaronwan.

1 Samuel 12:6

Chay jawa Samuelqa nillarqataj Israel aylluman: Señorqa jataricherqa Moisestawan Aarontawan, paykunanejtataj Egiptomanta ñaupa tatasniykichejta orqhomorqa.

Éxodo 6:27

Paykunallataj kanku Moiseswan Aaronwan, Egipto rey faraonwan parlamojkuna, israelitasta orqhomunankupaj Egiptomanta.