Miqueas 6:16 - Qheshwa Biblia DC

¹⁶ imaraykuchus qhaterqanki Omri jinataj Acabpa ayllumpa kamachisqasninta chantá ruwasqasninkutapis, imaynatachus paykuna ruwarqanku ajinallataj qampis ruwarqanki. Chayraykumin noqa ruwasaj qanwan, chaypi tiyakojkunasniykiwantaj llakiyta asipayasunankuta, Aylluypa p'enqaynintaj pataykiman urmamonqa.

DIOSPA QHELQACHISQAN DEUTEROCANONICAL

¹⁶ Ajina kanqa, imaraykuchus Omrij ayllunpa jinallataj Ajabpa ayllunpa kamachisqankuta ruwarqanki. Imaynatachus paykuna purerqanku, qanpis ajinallataj purerqanki. Chayraykumin noqa qanta, qanwan tiyakojkunatawan ima runa alqochakunankupaj jina ruwasaj. Kay pachamanta tukuy runataj pisipaj qhawasonqanku, nispa.

DIOSPA QHELQACHISQ

¹⁶ Ajina kanqa, imaraykuchus Omrij ayllunpa jinallataj Ajabpa ayllunpa kamachisqankuta ruwarqanki. Imaynatachus paykuna purerqanku, qanpis ajinallataj purerqanki. Chayraykumin noqa qanta, qanwan tiyakojkunatawan ima runa alqochakunankupaj jina ruwasaj. Kay pachamanta tukuy runataj pisipaj qhawasonqanku, nispa.

Miqueas 6:16 Referans Kwoze

Jeremías 51:51

Qankuna ninkichej, p'enqachikuyku phiña parlasqasniykuta uyarispa. Tukuyniyku mana allimpi qhawasqas kayku, imaraykuchus waj llajtasniyoj runasqa yupaychana llimphu wasiyki ukhuman yaykorqanku.

Jeremías 7:24

Chaywampis mana kasuwarqankuchu, nitaj uyariwarqankuchu, manachayqa rumi sonqo kayninkuwan apachikorqanku, sonqonkoj millay ruwayta munasqasninman jina. Noqaman kutirimunawankutaqa wasanchakuwarqanku.

Jeremías 19:8

Kay llajtata uj ch'inman tukuchisaj, uj imamanta t'ukunapaj jinataj tukuynin phirisqa kasqanmanta.

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Salmos 44:13

Toreanawaykupaj jina qan churawarqayku, muyuyniykupi kajkuna asipayanawaykupaj, p'enqaypitaj qhawachinawaykupaj.

Apocalipsis 2:20

Chaywampis uj ima qampa contraykipi tiyapuwan: Chay Jezabel warmita, Diosmanta sut'inchaj kani nikojta saqenki yachachinanta, kamachisniytataj ch'aukiyananta, qhenchachakunankupaj, chay lantikunaman jaywasqasta mikhunankupaj ima.

Oseas 5:11

Efraenqa ñak'ariyman ñit'isqa kashan atipasqa tukuy ruwanan kajpi, imaraykuchus mana rejsisqa lantikunasllata qhatej churakorqanku.

Daniel (hebreo) 9:16

Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

Ezequiel 39:26

Paykunataj p'enqayta purisqankumanta qonqaponqanku, noqaj contrayta mana kasuwaspa sajra imasta ruwasqankuta qonqaponqanku, jallp'ankupi mana ima llakiyniyoj, manataj pi mancharichejniyoj tiyakonqanku.

Lamentaciones 5:1

Kay jina mana allin imas qhatiriwasqaykumanta, Señor, yuyarikuwayku ari. Qhaway Señor, imaynatachus k'umuykachachiwasqaykuta.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Isaías 9:16

Chay llajtata kamachejkunaqa ch'aukiyajkuna kanku, kasojkunataj chinkapunku.

Salmos 1:1

Kusikuyniyojmin runaqa sajra runaspa yuyaychasqankuta mana jap'ejqa, juchasapaspa ñanninkutapis mana qhatejqa, Diosmanta asikojkunawampis mana khuskachakojqa.

2 Crónicas 34:25

Paykunaqa saqerpariwanku, waj dioskunamantaj inciensosta q'osñichinku, jinamanta waj ruwasqasninkuwan phiñachiwaspa, chayrayku kay cheqaj contrampi phiñakuyniyta apachimusaj, manataj thasnukonqachu.

2 Reyes 21:3

Tatan Ezequiaspa orqos patapi altar ruwachisqanta, watejmanta ruwarqa, Baalpaj altaresta wakicherqa, Asera lantita ruwallarqataj, Israelmanta rey Acab ruwarqa ajinata. Janaj pachamanta tukuy qoyllurkunaman qonqorikorqa, yupaycharqataj.

2 Reyes 16:3

Israelmanta reyespa ñankunasninkupitaj payqa purerqa, kikin wawastapis ninapi q'olacherqa, imaynatachus chay waj llajtayoj runas millaykunata ruwaj kanku ajinata. Chaykunata Señorqa Israel jallp'amanta qharqorqa.

1 Reyes 18:4

Señorpa profetasninta Jezabel wañuchishajtin, Abiasqa pachaj profetasta chhanka jusk'usman pakaykamorqa, phishqa chunkamanta phishqa chunka. Chaypitaj paykunaman qoj mikhuyta yakutawan.

1 Reyes 9:8

Kay wasitaj chhika sumaj qhawasqa kashaspapis chayninta tukuy pasajkuna t'ukonqanku asikonqankutaj: Imajtintaj Señorqa kay wasita jallp'antapis kay jinata ruwanrí?, nispa.

Jeremías 25:18

Chay copata jaywarqani Jerusalenman, Judá llajtaman, reykunasninkuman, jinataj kurajkunasninkumampis. Chaykunata tukuchinaypaj, raqaykunasllataña saqeranaypaj, may t'ukunapaj, mancharikunapaj jina, tukuy rikojkuna wananankupaj jina.

Jeremías 29:18

Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

Oseas 12:14

Efraimpa runasnenqa, may llakiyta Señorta phiñaykuchinku; chayraykumari Señor pagachikonqa chay sajrasta ruwasqasninkumantapis, paykunaman kikin juchata ruwasqasninkutataj urmaykuchenqa.

Miqueas 2:6

Paykunaqa ninku: Ama chay profetas imata nispapis jamuchunkuchu!, imaraykuchus mana ima llakiypis chayamuwasunchejchu!, nispa.

Miqueas 6:13

Chayrayku jasut'isqayki, phirisqaykitaj juchasniykirayku.

2 Crónicas 22:4

Acabpa ayllun Ocoziaspa tatan wañupojtinkama, paykunaqa umacharqanku sajra kajta ruwananta mana allin rinampaj.

Salmos 44:14

Diospi mana creejkunaj asipayananta ruwawarqayku. Noqaykuta rikuspataj asipayaspa umankuta khiwinku.