Miqueas 5:5 - Qheshwa Biblia DC

⁵ Paymin sonqo tiyasqa kayta apamonqa. Maypachachus asirios jallp'anchejman junt'aykamojtinku palaciosninchejmantaj yaykuykamojtinku, chaypacha kachasunchej paykunaj contrankupi qanchis kurajkunata pusaj sumachej runastataj.

DIOSPA QHELQACHISQAN DEUTEROCANONICAL

⁵ 5 (4) Paymin allinpi kawsanata Israelman apamonqa. Maypachachus asiriokuna suyunchejman junt'aykamonqanku, kamachina wasinchejmanpis yaykuykamonqanku chaypacha, noqanchej paykunaj contrankupi maqanakunankupaj qanchis kamachejkunata, pusaj kurajkunatawan kachasunchej.

DIOSPA QHELQACHISQ

⁵ 5 (4) Paymin allinpi kawsanata Israelman apamonqa. Maypachachus asiriokuna suyunchejman junt'aykamonqanku, kamachina wasinchejmanpis yaykuykamonqanku chaypacha, noqanchej paykunaj contrankupi maqanakunankupaj qanchis kamachejkunata, pusaj kurajkunatawan kachasunchej.

Miqueas 5:5 Referans Kwoze

Zacarías 10:3

Chayrayku nin Señorqa: Phiñakuyniy astawan k'ajarin michejkunaspa contrampi, jasut'isajtaj kay aylluyta pusaykachajkunata. Tukuy Atiyniyoj Señor, Judajpa mirayninmanta chay tropanta waqaychan. Paykunamantarí uj maqanakupaj may kallpayoj caballota jina ruwanqa.

San Juan 14:27

Sonqo samakuyta saqeykichej, sonqo samayniyta qoykichej; mana mundoj qosqanta jinachu qoykichej. Sonqoykichej ama phutikuchunchu, nitaj manchachikuchun chu.

Zacarías 9:10

Paymin Efraimpa carrosninta phirenqa, Jerusalempa caballosninta chantá maqanakupi k'uru k'aspisninkutapis. Paymin tukuy llajtakunaman kusiy kausaymanta willaranqa, kamachenqataj uj mar qochamanta uj mar qochakama, Eufrates mayumanta kay pachaj waj k'uchunkama.

Eclesiastés 11:2

Qanchisman chayri pusajman p'akiray; imaraykuchus mana yachankichu ima sajrachus chay jallp'a pataman jamunanta.

Job 5:19

Sojta kutita ñak'ariymanta orqhosonqa, qanchis kajpitaj sajraqa mana chayamullasonqapischu.

Apocalipsis 19:14

Janaj pachapi yupa soldadostaj sumaj awasqa, yuraj llimphu linowan p'achallisqas, payta yuraj caballospi qhatikusharqanku.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Zacarías 12:6

Jaqay tiempopeqa, Judamanta kurajkunasnenqa llant'a ukhupi nina brasas k'ajarishajta jina ruwasaj, trigo q'apis ukhupi uj k'anchanata jina ruwasaj. Jerusalenmanta qayllapi kaj llajtakunata lloq'emantaj pañamantaj tukurachenqanku, Jerusalempi tiyakoj kanku chaykunataj watejmanta kutiykaponqanku chay llajtankupi tiyakapoj.

Zacarías 9:13

Ña maqanakupaj uj k'uruta ruwaniña chaytaj Judapaj kanqa. K'urumantaj uj flechata churaniña chaytaj Efraimpaj kanqa. Qanmantataj Sión espadata ruwasaj. Wawasniykita oqharichisaj Greciaj wawasnimpa contrampi.

Amós 1:6

Ajinata nin Señorqa: Gazamanta runas ashkha sajra imaspi juchallinku, chaynejta jasut'isajpuni; imaraykuchus llajtantinta apaspa Edonman presosta pusakaporqanku.

Amós 1:3

Ajinata nin Señorqa: Damascomanta kaj runasqa ashkha sajra imaspi juchallinku, chayrayku paykunata jasut'isajpuni; imaraykuchus Galaadmanta kajkunata fierro trilloswan trillarqanku.

Jeremías 33:15

Chay p'unchay chayamojtin, Davidpa mirayninmanta uj cheqanta ruwajta sayarichisaj, chaytaj cheqanchanqa, cheqantataj ruwanqa kay jallp'api.

Isaías 65:8

Señorqa ajinata nin: Sichus mayqempis ujnin ramampi uvas chhullchuta tarin, nintaj: Ama kaytaqa usuchiychu, chayqa bendicisqa kashan, nispa. Ajinata kamachisniytaqa mana tukuynintachu chinkachisaj.

Isaías 59:19

Inti chinkaykuymantapacha naciones Señorpa sutinta manchachikonqanku, jinallataj inti llojsimuymantapacha k'anchayninta manchachikonqanku. Enemigosqa yaku mayu jina manchayta jamonqanku, Señorpa Espirituntaj bandera jina ñaupaqenkupi contrankupi sayaykonqa.

Isaías 44:28

Kamachej Cirotapis nini: Qanqa michejniy kanki, qanqa ruwanki imatachá munasqayta, nispa. Jerusalentapis nillanitaj: Qanqa watejmanta ruwasqa kanki. Diospa wasintapis nillanitaj: Qantapis watejmanta sayachisonqanku, nispa.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Proverbios 30:29

Kinsa kanku k'achata purejkuna, tawa kajtaj aswan k'achatapuni purin:

Proverbios 30:18

Kinsa imas maytapuni t'ukuchiwan, tawa kajtaj mana unanchayta atinichu; chaykunataj kanku:

Salmos 72:7

Kamachinan p'unchaykunapi sonqo tiyasqa kay, cheqan kaypis allin kachun, manaña killa kanankama.

Proverbios 6:16

Sojta imasta Señorqa chejnikun, qanchis imastapis Señorqa millachikun:

Isaías 14:25

Jallp'aypi asiriostaqa chinkachisaj, orqo puntasniypitaj saruykusaj. Aylluyman yugonta churasqanmantataj librasaj, chay jinata ñak'arichiyninkutawan.

Zacarías 10:11

Egipto mar qochata pasanqanku, oladasnin kajtapis maqaspa ch'inyachisaj. Nilo mayutapis ukhusninkama ch'akichisaj, Asiriaj may runaykachasqantapis chinkachisaj, Egiptoj atiynintapis tukuchisaj.