Miqueas 5:4 - Qheshwa Biblia DC

⁴ Reyqa jatarikonqa michinampaj chay Israel ayllunta tukuy atiywan, Señor Diospa jatun kaynimpitaj, paykunataj sonqo tiyasqa kaypi tiyakonqanku, imaraykuchus Señor jatunchasqa kanqa tukuy jallp'aj cantosninkama.

DIOSPA QHELQACHISQAN DEUTEROCANONICAL

⁴ 4 (3) Chay kamachejtaj Israel ayllunta michinanpaj jatarenqa Tata Diospa atiyninwan, jatun kayninwantaj. Jinapi paykuna allinpi kawsanqanku, imaraykuchus Tata Dios jatunchasqapuni kanqa kay pachaj k'uchunkunakama.

DIOSPA QHELQACHISQ

⁴ 4 (3) Chay kamachejtaj Israel ayllunta michinanpaj jatarenqa Tata Diospa atiyninwan, jatun kayninwantaj. Jinapi paykuna allinpi kawsanqanku, imaraykuchus Tata Dios jatunchasqapuni kanqa kay pachaj k'uchunkunakama.

Miqueas 5:4 Referans Kwoze

Miqueas 7:14

Señor, waqaychay Israel aylluykita, qampata kaj ovejasniykita, imaraykuchus sapallanku sach'as ukhupi kashanku, chay muyuyninkupitaj poqoj jallp'as karishanku! Ñaupa tiempospi jina apay chay Basán jinataj Galaad pastosman.

San Lucas 1:32

Payqa jatun kanqa, sutichasqataj kanqa patapi kajpa Churin; Señor Diostaj, tatan Davidpa reinonta payman qonqa.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

1 Pedro 1:5

Creesqaykichejraykutaj Diospa atiynimpi waqaychasqas kankichej, chay wakichisqa salvacionta tarinaykichejpaj. Chaytaj, qhepa p'unchaykunapi rikuchisqa kanqa.

Judas 1:1

Noqa Judas, Jesucristoj kamachin, Santiagoj wauqentaj, wajyasqasman escribimuni, Dios Tatapi llimphuchasqasman, Jesucristopitaj waqaychasqas kajkunaman.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

San Juan 20:17

Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.

San Juan 10:38

Chaykunatachus ruwashani chayrí, amapis noqapi creeychejchu, ruwasqasnillayta creeychej; yachanaykichejpaj, rejsinaykichejpaj taj Dios Tata noqapi kasqanta, noqataj Dios Tatapi.

San Mateo 25:31

Maypachachus Runaj Churenqa, Rey jina k'anchaynimpi, tukuy angelesninwan jamonqa, chaypacha lliphipej tronompi tiyaykukonqa.

San Mateo 16:18

Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu.

San Mateo 2:6

Qanrí Belén, Judaj jallp'ampi kaj, manamin aswan juch'uychu kanki Judaj llajtasnin ukhupi. Qanmanta llojsenqa uj kamachej, paytaj Israel aylluyta michenqa.

Zacarías 9:10

Paymin Efraimpa carrosninta phirenqa, Jerusalempa caballosninta chantá maqanakupi k'uru k'aspisninkutapis. Paymin tukuy llajtakunaman kusiy kausaymanta willaranqa, kamachenqataj uj mar qochamanta uj mar qochakama, Eufrates mayumanta kay pachaj waj k'uchunkama.

Isaías 52:13

Qhawariy, kamachiytaqa tukuy imapi allin renqa. Payqa may jina jatunchasqa, may jina pataman oqharisqataj kanqa.

Isaías 49:5

Kunanqa Señor nin, pichus mamaypa wijsanmantapacha kamachimpaj ajllakuwarqa chay, Jacobpa ayllunta payman kutirichinaypaj, paywan ujlla kanankupaj. Noqaqa Señorniypa ñaupaqempi allimpaj qhawasqa kasaj, Diosnillaytaj kallpaypis kanqa.

Salmos 145:12

Atiyniykita runasman yachachichunku, jatun atiyniyoj rey kasqaykitawan.

Salmos 98:3

Payqa Israel ayllunrayku munakuyninta, cheqa kaynintawan mana qonqanchu. Kay pachapi kaj chhika runakuna, Diosninchejpa atipasqanta rikunku.

Salmos 93:1

Señorqa reymin, payqa jatun kayninwan p'achallikun, atiyninwantaj chumpiykukun. Señorqa kay pachata sinch'ita sayacherqa mana kuyunampaj jina.

Salmos 72:19

Wiñaypaj jatun sutenqa yupaychasqa kachun. Mundontimpi jatun kaynin junt'a kachun. Ajina kachun, ajina kachun.

Salmos 72:8

Kamachichun uj marmanta uj markama, Eufrates mayumanta kay jallp'aj k'uchunkamataj.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Éxodo 23:21

Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

Malaquías 1:5

Qankunataj chayta ñawisniykichej rikunkichej. Chantá ninkichej: Israel llajtamantapis aswan jaqaynejkama Señorqa jatunchasqa kashan, nispa.

Isaías 8:7

Chayrayku, Señorqa paykunaj patankuta yakuwan llump'irichenqa, manchayta correshajta, ashkhawantaj. Chayqa kashan Asiria rey, tukuy atiyninwan. Chay yakoqa tukuy mayusta atipaspa, tukuy mayu cantosta wasarenqa.