Miqueas 5:13 - Qheshwa Biblia DC

¹³ Phirisaj chay lantisniykita, chay sumaj ruwasqa rumisniykitapis, amaña jayk'ajpis chaykunaman yupaychaj kutinaykipaj chay kikin makisniykej ruwasqan dioskunasniykiman.

DIOSPA QHELQACHISQAN DEUTEROCANONICAL

¹³ 13 (12) Noqaqa lantiykikunata phirillasajtaj, ch'eqosqa yupaychana rumiykitapis. Ajinamanta manaña jayk'ajpis makiykej ruwasqan dioskunaman k'umuykuspa yupaychankichu.

DIOSPA QHELQACHISQ

¹³ 13 (12) Noqaqa lantiykikunata phirillasajtaj, ch'eqosqa yupaychana rumiykitapis. Ajinamanta manaña jayk'ajpis makiykej ruwasqan dioskunaman k'umuykuspa yupaychankichu.

Miqueas 5:13 Referans Kwoze

Ezequiel 6:9

Chay nacioneswan ayqekojkunaqa noqamanta yuyarikuwanqanku. Yuyarikullanqankutaj imaynatachus noqa paykunata ñak'arichisqayta noqawan mana allinta purisqankurayku, lantista yupaychanankupaj noqamanta karunchakuspa. Paykuna kikinku p'enqachikonqanku tukuy sajra ruwayninkumanta, tukuy ima khuchiriosta ruwasqankumanta ima.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Zacarías 13:2

Tukuy kaj jallp'api lantikunata phirisaj, sutisnintinta chinkachinaypaj jinamanta manaña pipis qhaparikunankupaj. Jinallatataj profetasninkuta chay jallp'amanta chinkachisaj, chantá millay espirituyoj kajkunatapis. Noqa Señor niykichej.

Oseas 14:8

Efraintaj nenqa: Ima dakuwanñataj chay lantikunamantari?, nispa. Noqamin uyarini, qhawanitaj aylluytaqa! Noqa kani uj pino jina q'omerllapuni, noqapitaj aylloyqa poqoyninta tarenqa.

Oseas 14:3

Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

Ezequiel 37:23

Manañataj qhasi mana kaj dioskunapi ch'ichichakonqankuchu, ni millay puriyninkupi, nitaj sajra ruwayninkupipis, chaykunanejta juchallikorqanku. Noqa paykunata llimphuchasaj. Ajinamanta aylluy kanqanku, noqataj paykunaj Diosninku kasaj.

Isaías 2:8

Chantá lantiswan junt'allataj kashan, runasqa ima lantistachus ruwasqasninkuta yupaychanku, kikin makisninkoj ruwasqasninta.

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.

Jueces 18:17

Chay phishqa kachasqa ñaupajta wasiman yaykorqanku, chaypitaj jap'ikaporqanku k'aspimanta llajllasqa qolqewan lluch'isqa lantita, efod p'achata, wasi ayllu lantistapis, chaykamataj sacerdoteqa chay sojta pachaj runaswan khuska punkupi kasharqa.

Isaías 2:18

Lantistaj chinkachisqas kanqanku.

Oseas 10:2

Israelpata sonqonqa iskayman t'aqasqa kashan, kunantaj juchasninrayku paganqa. Chay altaresninta Señor phirenqa, chay t'aqasqanku k'acha rumistataj q'alata urmaykuchenqa.

Nahúm 1:14

Qanta Ninivemanta rey, Señor kamacherqa imaynachus kanaykita: Manaña sutiykita apajkuna ayllusniyki kanqañachu, lantiykej yupaychana wasintapis phirisaj jinataj lantisniykita, fierro surusqamanta kajkunatapis, chay kikimpitaj pampaykusqayki, imaraykuchus tukuypa millachikunan kanki.

Sofonías 1:4

Judapi tiyakoj runaspa contrampi makiyta churamusaj, Jerusalempi tiyakoj tukuynin runaspa contrampi ima. Chinkachisajtaj kay lugarmanta Baal llulla diosta tukuy laya yupaychana kajta. Sacerdotesnimpa sutisnintawampacha chinkachisaj.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Ezequiel 16:41

Wasisniykitapis ninawan kanaykonqanku. Ashkha warmispa ñaupaqempitaj qanta juchachasonqanku. Ajinapitaj qhenchachakuypi purinaykita tukuchisaj, manañataj ujtawampis tiyapususqantaqa qhenchachakuspa pagankichu.