Miqueas 4:2 - Qheshwa Biblia DC

² May chhika llajtastaj jamonqanku nispa: Jamuychej, Señorpa orqonman wicharinachej, Jacobpa Diosnimpa chay yupaychana wasinman, Pay ñankunasninta rikuchinawanchejpaj, purinanchejpajtaj chay ñankunasninta, imaraykuchus Sionmanta llojsimonqa Señorpa yachachiykunasnenqa, kamachiykunasnintaj Jerusalenmanta.

DIOSPA QHELQACHISQAN DEUTEROCANONICAL

² May chhika runa tukuynejmanta jamuspa, nenqanku: Jamuychej, Tata Diospa orqonman wicharinachej, Jacobpa Diosninpa Templonman rinachej. Chaypi pay munasqanman jina kawsayta yachachiwasunchej, noqanchejtaj paypa ñanninpi purisunchej, imaraykuchus Tata Diospa yachachisqan Sionmanta jamonqa, Jerusalenmantataj Tata Dios parlamonqa.

DIOSPA QHELQACHISQ

² May chhika runa tukuynejmanta jamuspa, nenqanku: Jamuychej, Tata Diospa orqonman wicharinachej, Jacobpa Diosninpa Templonman rinachej. Chaypi pay munasqanman jina kawsayta yachachiwasunchej, noqanchejtaj paypa ñanninpi purisunchej, imaraykuchus Tata Diospa yachachisqan Sionmanta jamonqa, Jerusalenmantataj Tata Dios parlamonqa.

Miqueas 4:2 Referans Kwoze

Isaías 2:3

Ashkha runakuna jamuspa nenqanku: Jakuchej, Señorpa lomanman wicharinachej, Jacobpa Diosnimpa wasinman, pay ñankunasninmanta yachachinawanchejpaj, chaki ñankunasnimpi purinanchejpaj, imaraykuchus leyqa Sionmanta llojsenqa, Señorpa palabrampis Jerusalenmanta.

Jeremías 31:6

Uj p'unchay jamonqa maypachachus qhawajkunaqa Efraimpa orqosnimpi qhaparenqanku: Jamuychej, rinachej Sión orqoman, Señor Diosninchejman, nispa.

Hechos 1:8

Manachayqa Santo Espíritu qankunaman jamojtin, atiyta jap'inkichej. Rispataj, noqamanta imatachus yachasqaykichejta willankichej Jerusalempi, tukuy Judea jallp'api, Samariapi, tukuy kay pachaj cantosnintimpi ima.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Salmos 25:12

Diosta manchachikoj runaman, pay yachachenqa ñanta ajllakunanta.

San Juan 7:17

Diospa munayninta ruwayta munajqa, yachachiyninta rejsenqa Diosmantachus, chayrí noqallamantachus kasqanta.

Romanos 15:19

Milagroswan, señaleswan, Santo Espíritoj atiyninwan ima, Cristoj evangelionta junt'achini; Jerusalenmanta, tukuynejman Ilírikoj muyuyninkama.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

Marcos 16:20

Paykunataj llojsiytawan tukuynejpi evangeliota willarqanku. Señortaj yanapasharqa, señalesta ruwasqankuwan rikuchispa willasqanku cheqa kasqanta.]

Zacarías 14:16

Chay qhepatarí, Jerusalempa contrampi maqanakonqanku chay kikin llajtasmanta puchojkunataj watan watanta renqanku Reyta yupaychaj, chay Tukuy Atiyniyoj Señorta. Ramadas nisqa fiestataj Payman ruwanqanku.

Hechos 13:42

Pablo, Bernabewan judiospa sinagoganmanta llojsimushajtinkutaj, mañarqanku ujtawan kutimunankuta qhepan samakuna p'unchaypi, paykunawan astawan parlanankupaj chay imasmanta.

San Juan 6:45

Profetaspa escribisqasnimpitaj jinata nishan: Dios tukuyninman yachachenqa. Jinataj, Dios Tatamanta uyarejkuna, paymanta yachakojkunataj noqaman jamunku.

Deuteronomio 6:1

Kaykuna kanku kamachiykunas, leyes, imachus ruwana, Señor Diosniykichej niwasqasnin qankunaman yachachinaypaj, chaykunata ruwanaykichejpaj ima jallp'atachus jap'ikunkichej chaypi.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Oseas 6:3

Atisqanchejta kallpachakunachej Señorta rejsinanchejpaj! Señor jamonqapuni noqanchejman, imaynatachus inteqa cheqamanta llojsimunampuni kashan ajinata, chayri imaynatachus paraqa jallp'ata qarpanampuni kashan tiempompeqa, ajinata.

Salmos 110:2

Sionmantapacha Señorqa qosonqa, uj kamachina varata rikuchinawaykipaj atiyniykita. Atipay ari enemigosniykita!

Salmos 119:1

Kusisqas kanku cheqanta kausajkunaqa, Señorpa kamachisqasnintataj kasojkunaqa.

Salmos 119:171

Qanta yupaychayqa simiymanta llojsichun, kamachisqasniykita yachachiwajtiyki.

Salmos 122:1

Jaku rina Diospa wasinman niwajtinku, kusikorqani.

Zacarías 9:10

Paymin Efraimpa carrosninta phirenqa, Jerusalempa caballosninta chantá maqanakupi k'uru k'aspisninkutapis. Paymin tukuy llajtakunaman kusiy kausaymanta willaranqa, kamachenqataj uj mar qochamanta uj mar qochakama, Eufrates mayumanta kay pachaj waj k'uchunkama.