Miqueas 4:10 - Qheshwa Biblia DC

¹⁰ Sión llajta, wijsayoj warmi nanayninwan jina q'ewiykachakuy qhapariytaj, imaraykuchus runasniyki qanmanta llojsenqanku, q'ara pampapi tiyamonqanku, Babiloniakamataj chayanqanku. Jinapis Señor chaypi ayllunta kacharichejqa, enemigosninmanta salvanqa.

DIOSPA QHELQACHISQAN DEUTEROCANONICAL

¹⁰ Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

DIOSPA QHELQACHISQ

¹⁰ Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

Miqueas 4:10 Referans Kwoze

Isaías 48:20

Babiloniamanta llojsiychej, caldeosmanta ayqekuychej; kay imasmantaqa kusiywan willamuychej; jallp'aj tukukuyninkama chayachiychej. Chaypachataj niychej: Señorpuni kacharichin, kamachin Jacobta, nispa.

Oseas 13:13

Israelpaj chayamun nacechikunan rato, jinapis chay wawari may wampu kasqa, mana allinmanta nacekamunampaj jinallapis cheqanchakorqachu, mana nacekamuyta munaspa.

Oseas 2:14

Chayrayku munakuyta qallarisaj, ch'in pampamantaj pusaspa chaypi sonqonman parlamusaj.

Isaías 45:13

Noqa rijch'arichini Cirotaqa cheqanta ruwaspa atipanampaj, may ñantachus purinasninta cheqanchapusaj; paymin llajtaytaqa watejmanta ruwapuwanqa, karuman apasqa kashanku chaykunatapis kacharichipuwanqa, mana qolqeraykuchu, nitaj imata munasqanraykuchu. Ajinata nin Tukuy Atiyniyoj Señorqa.

Isaías 43:14

Israelpa Santo Diosnin salvasojniyki Señorqa ajinata nin: Qankunata libranaypaj Babiloniaman runasta kacharqani, babiloniostataj tukuyninkuta ayqecherqani. Jinallataj runaykachaspa buquespi purej caldeostapis may llakiypi rikhuricherqani.

Apocalipsis 12:14

Warmimantaj jatun ankajpa iskaynin lijrasninta qorqanku, phawanampaj katarej qayllanmanta ch'innejman, maypichus tiyakun chayman, maypitajchus mikhuchinku uj tiempopaj, tiempospaj, khuskan tiempopaj ima.

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

Salmos 106:10

Ajinata enemigosninkumanta salvarqa, chejnikorqanku chaykunamantataj librarqa.

2 Crónicas 36:20

Chay qhepatataj wañuymanta llusp'ejkunaqa Babiloniaman wijch'usqas karqanku. Paypa kamachisnin kamorqanku, jinataj wawasnimpatawan kamorqanku persaspa reyninku sayarinankama.

2 Crónicas 33:11

Chayraykumá Señorqa Asiriaj reynin soldadosnimpa kamachejkunasninta kachamorqa paykunaj contrankupi, chaykunataj presocharqanku Manasesta, fierro ganchoswan, broncemanta ruwasqa cadenaswan wataykuspa Babiloniaman apacherqanku.

2 Reyes 25:4

Llajtaj perqanta jusk'uraytawan, chayninta soldadosqa reywan khuska tutapacha ayqekorqanku iskaynin perqaspa chaupimpi punkunnejta, reypa huertan chay ñannejta, caldeos llajtaj muyuynimpi qhawaspa kashajtinku. Rey Sedequiastaj Arabá ñanninta riporqa.

Jeremías 29:20

Nisqasniyta kasuwaychej ari, Jerusalenmanta Babiloniaman tukuy wich'usqas kajkuna.

Jeremías 48:41

Llajtas chantá pakakuna wasispis urmanqanku enemigospa makisninman. Chay p'unchaypi Moabpa maqanakojkunasnin kharkatenqanku, imaynatachus onqokoj warmi nanaywan kharkatin ajinata.

Jeremías 52:27

Chaypitaj Babiloniamanta reyqa wañurachinankuta kamacherqa. Ajinatamin Judá aylloqa jallp'anmanta wijch'usqa karqa.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

2 Crónicas 36:23

Persiamanta rey Ciroqa kay jinata nin: Janaj pachamanta Dios makisniyman churamun kay jallp'a patapi kaj tukuy reinosta, kamachiwantaj Jerusalempi Diosta yupaychana wasita ruwapunayta, chaytaj Judá jallp'api kashan. Ajinaqa mayqennillaykichejpis, Señorpa ayllunmanta kajkunataqa, Señor Diosniykichej yanapachun, jaqaymantaj richun.

Jeremías 4:31

Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.