Miqueas 3:6 - Qheshwa Biblia DC

⁶ Manaña ujtawan ch'isisnimpi profetaspa rikunasninta rikunkichejchu, nitaj imachus jamunanmanta ch'isiyaykuypi niyta atinkichejñachu. Inti yaykuponqa chay profetaspajqa, p'unchaypis laqhayaykapullanqataj.

DIOSPA QHELQACHISQAN DEUTEROCANONICAL

⁶ Chayrayku tutapi Diosmanta sut'inchana tukukonqa, laqhapi Diosmanta sut'inchayta jap'inapis tukukapullanqataj. Inteqa chay sut'inchajkunapaj pakakonqa, p'unchaypis laqhayaykapullanqataj.

DIOSPA QHELQACHISQ

⁶ Chayrayku tutapi Diosmanta sut'inchana tukukonqa, laqhapi Diosmanta sut'inchayta jap'inapis tukukapullanqataj. Inteqa chay sut'inchajkunapaj pakakonqa, p'unchaypis laqhayaykapullanqataj.

Miqueas 3:6 Referans Kwoze

Isaías 29:10

Señorqa qankunaman uj sayk'uy puñuyta apachimusunkichej. Profetasniykichejtapis Señorqa puñurparichin, ñawisninkuman velowan jina qhataykuspa.

Isaías 59:10

Perqasta ciegos jina llujchinchej, mana ñawiyojpis kasunman jina tanteaspa purinchej; p'unchaypacha tutapis kanman jina misk'akunchej; laqhayajpi wañusqas jina kashanchej.

Jeremías 15:9

Ashkha wawasniyoj mamas mana kallpayoj llauchhusman tukunku, p'enqasqas k'umuykusqastaj. P'unchaypa k'anchaynimpis paykunapaj laqhayaykun. Pipis kausashaj qhepakojqa enemigosninwan wañuchisqallataj kanqa. Noqa Señor chaytaqa nini.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

Salmos 74:9

Manaña señalesta rikuykuchu, profetaspis manaña kankuchu. Manaña yachaykuchu mashkha unaytawanchus, kay jinallapuni kananta.

Ezequiel 7:26

Mana allin kausaytaj qhepan qhepanta jamonqa. Ñataj mana allin imas uyarikonqa. Qhasilla mask'anqanku mayqen profetallapis sut'inchananta. Paykunaman yachachinampaj mana sacerdotes kanqachu, nitaj kurajkunapis paykunata yupaychanankupaj.

Amós 8:11

Señorqa nin, jamushanku p'unchaykuna, chay p'unchaykunapi jallp'a pataman yarqhayta apachimusaj; mana t'antamanta yarqhaytachu, nitaj yakumanta ch'akiytachu, manachayqa Diospa palabranta uyarinamanta yarqhayta.

Miqueas 2:6

Paykunaqa ninku: Ama chay profetas imata nispapis jamuchunkuchu!, imaraykuchus mana ima llakiypis chayamuwasunchejchu!, nispa.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Ezequiel 13:9

Makiyta oqharisaj, ch'auka rikuyniyoj profetaspaj, chantá llullastataj sut'inchanku, chay profetasta jasut'inaypaj. Israel aylluypa tantakuyninman mana yaykuyta atenqankuchu. Sutisninkoqa mana qelqasqachu Israel aylloj librompi. Mana Israelpa jallp'anman yaykonqankuchu. Chaypacha rejsiwanqanku noqa Señor kasqayta.