Miqueas 3:5 - Qheshwa Biblia DC

⁵ Israel aylloyqa pantay ñankunasta rishan chay profetaswan ch'aukiyasqankurayku. Paykuna ninku: Sonqo tiyasqalla tiyakusunchej, nispa; mikhunankupaj qonku chaykunaman. Chaywampis maqaj sayaykunku piskunachus mana imatapis mikhunankupaj qonkuchu chaykunaman. Señor nin chay profetasman:

DIOSPA QHELQACHISQAN DEUTEROCANONICAL

⁵ Israel aylloyqa pantay ñanllatapuni rishan, sut'inchajkunawan q'otiyachikusqanrayku. Pikunachus paykunata mikhuchejkunaman chay sut'inchajkuna ninku: Allillanpi tiyakusunchej, nispa. Pikunachus mana imatapis qonkuchu chaykunatarí, maqaj sayaykunku.

DIOSPA QHELQACHISQ

⁵ Israel aylloyqa pantay ñanllatapuni rishan, sut'inchajkunawan q'otiyachikusqanrayku. Pikunachus paykunata mikhuchejkunaman chay sut'inchajkuna ninku: Allillanpi tiyakusunchej, nispa. Pikunachus mana imatapis qonkuchu chaykunatarí, maqaj sayaykunku.

Miqueas 3:5 Referans Kwoze

Jeremías 6:14

Aylluypa nanasqasninta pata patallanta jampiykurinku, ninkutaj tukuy ima allillan rishasqanta. Jinapis manapuni imapis allenqa kanchu.

Jeremías 23:32

Llullakusqasninkuwan, chay thautisqasninkuwantaj aylluytaqa noqamanta t'aqachinku. Mana noqaqa paykunata kachakorqanichu, nitaj imatapis kamacherqanichu. Ajinaqa aylluyta yanapaytaqa mana aterqankuchu. Noqa Señor chayta nini.

Romanos 16:18

Chay jina runakunaqa, Señorninchej Jesucristota mana kasunkuchu. Paykunaqa kikin wijsasnillankuta kasunku, pisi yuyayniyojkunatataj ch'aukiyanku k'acha palabraswan, misk'i simiwan ima.

San Mateo 15:14

Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.

San Mateo 7:15

Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku.

Malaquías 2:8

Sacerdotes, qankunaqa sumaj ñanmanta karunchakorqankichej, ashkhastataj urmacherqankichej qankunaj yachachisqasniykichejwan. Ajinapi qankuna pierdechinkichej Leviwan trato ruwasqaytaqa, nin Tukuy Atiyniyoj Señorqa.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 2:11

Mayqempis qhasi kajta llullakun, nintaj: Noqa sut'inchasqaykichej vinomanta licormantataj, chaymari profetapaj nisqa chay ayllumanta churasqa kanqa.

Jeremías 23:27

Chay ujkuna ujkunataj mosqokusqasninkumanta willanakusqasninkuwan, aylluyta noqamanta qonqachiyta munanku, imaynatachus ñaupa tatasninkupis qonqarpariwarqanku, Baalpa qhepantataj riporqanku, ajinata.

Isaías 3:12

Uj yoqhallalla aylluytaqa munasqanta ruwan, warmispa nisqallantaña ruwanku. Ayllúy, ñaupajman pusashasunkichej, chaykunallataj ch'aukiyashasunkichej, mana allin ñankunasta pusaspa.

Joel 3:9

Kayta willaraychej naciones ukhupi: Cheqan maqanakuy kananta niychej! Kallpayoj runasta wajyaychej! Jamuchunku maqanakojkuna, ñaupajmantaj thaskichunku!

Proverbios 28:21

Wakin runallata allimpaj qhawanaqa mana allinchu; uj chhikan t'antaraykulla runaqa juchallikuyta atinman.

Jeremías 6:4

Enemigosninkutaj ninku: Paypa contrampi maqanakupaj wakichikuychej. Jamuychej chaupi p'unchaynejta, yaykuykusunchej! Ay noqanchejmanta ancha llakiypi tarikunchej, chantapis inti yaykuykushanña, ch'isiñataj kashan!

Lamentaciones 2:14

Profetasniykeqa mana kaj qhasi imasta willasunku; juchasniykitaqa mana rikhurichinkuchu, chaypacha reparachisojteyqa mana karuman wijch'usqachu kawaj karqa. Manachayqa llullallata willasunku, qhasi manakajta creechispa.

Ezequiel 13:9

Makiyta oqharisaj, ch'auka rikuyniyoj profetaspaj, chantá llullastataj sut'inchanku, chay profetasta jasut'inaypaj. Israel aylluypa tantakuyninman mana yaykuyta atenqankuchu. Sutisninkoqa mana qelqasqachu Israel aylloj librompi. Mana Israelpa jallp'anman yaykonqankuchu. Chaypacha rejsiwanqanku noqa Señor kasqayta.

Oseas 4:5

Qanqa kikin sut'i p'unchaypi urmanki, tutantaj profeta qanwan urmallanqataj, kinkinta qampis wañullankitaj.